മയാമിക്കു രണ്ട്, മെസിക്കു 46 2018ൽ രൂപീകൃതമായ ഇന്റർ മയാമിയുടെ ചരിത്രത്തിലെ രണ്ടാം ട്രോഫിയാണ് 2024 എംഎൽഎസ് സപ്പോർട്ടേഴ്സ് ഷീൽഡ്. 2023 ലീഗ്സ് കപ്പായിരുന്നു ആദ്യ ട്രോഫി. ഈ രണ്ടു ട്രോഫികളും ലയണൽ മെസി എത്തിയശേഷമാണ് ഇന്റർ മയാമി സ്വന്തമാക്കിയതെന്നതും ശ്രദ്ധേയം. അതേസമയം, മെസിയുടെ ഫുട്ബോൾ കരിയറിലെ 46-ാം ട്രോഫിയാണ് 2024 സീസണ് എംഎൽഎസ് സപ്പോർട്ടേഴ്സ് ഷീൽഡ്.
സപ്പോർട്ടേഴ്സ് ഷീൽഡ് ഈസ്റ്റ് (15), വെസ്റ്റ് കോണ്ഫറൻസുകളിലായി (14) ആകെ 29 ടീമുകളാണ് 2024 സീസണ് മേജർ ലീഗ് സോക്കറിൽ കളിക്കുന്നത്. രണ്ട് കോണ്ഫറൻസിലെയും മുഴുവൻ ടീമുകളും നേർക്കുനേർ ഏറ്റുമുട്ടുന്നില്ല. എന്നാൽ, ഇരു കോണ്ഫറൻസിലെയും ആകെയുള്ള ടീമുകളിൽ ലീഗ് റൗണ്ടിൽ ഏറ്റവും കൂടുതൽ പോയിന്റ് നേടുന്നവർക്കാണ് എംഎൽഎസ് സപ്പോർട്ടേഴ്സ് ഷീൽഡ് ലഭിക്കുക.
പ്ലേ ഓഫ് റൗണ്ടിലൂടെയാണ് എംഎൽഎസ് കപ്പ് ആർക്കെന്നു നിശ്ചയിക്കുന്നത്. അതായത്, ഇന്ത്യൻ സൂപ്പർ ലീഗ് (ഐഎസ്എൽ) സീസണിൽ ചാന്പ്യൻഷിപ്പും ഐഎസ്എൽ കപ്പും ഉള്ളതുപോലെ.