മറ്റൊരു മത്സരത്തിന്റെ വിക്ടറി സെറിമണി നടക്കുന്നതിനു റണ്വേ മുറിച്ചുകടക്കേണ്ടി വരുന്നതിനാലാണു മത്സരം നീട്ടിവച്ചത്. 15 -20 മിനിറ്റിനകം മത്സരം പുനരാരംഭിച്ചെങ്കിലും ആദ്യറണ്ണിൽത്തന്നെ വലതുകാലിന്റെ മസിൽ മേലോട്ടുകയറി ഹെൻറി റെബല്ലോ ട്രാക്കിൽ വീണു.
വേദനസംഹാരി നൽകിയെങ്കിലും ഫലമുണ്ടായില്ല. ഒടുവിൽ വേദനകൊണ്ടു പുളഞ്ഞ റെബല്ലോയെ സ്ട്രക്ച്ചറിൽ ആശുപത്രിയിലേക്കു മാറ്റുന്പോൾ യോഗ്യതാ റൗണ്ടിൽ തന്നെക്കാൾ കുറവ് ദൂരം (14.6 മീറ്റർ) ചാടിയ സ്വീഡന്റെ ആർമേ അഹ്മാൻ വിക്ടറി സ്റ്റാൻഡിൽ സ്വർണപ്പതക്കമണിയുകയായിരുന്നു.
1980ൽ ഇന്ത്യൻ എയർഫോഴ്സിൽനിന്നു ഗ്രൂപ്പ് ക്യാപ്റ്റനായി വിരമിച്ച ഹെൻറി റെബല്ലോ 1984 ൽ സ്പോർട്സ് അഥോറിറ്റി ഓഫ് ഇന്ത്യ (സായ്) രൂപവത്കരിച്ചപ്പോൾ പ്രഥമ ഡയറക്ടറായി; 88 വരെ ഈ സ്ഥാനത്ത് തുടർന്നു. 2013 ഓഗസ്റ്റ് 27ന് 85-ാം വയസിൽ അദ്ദേഹം ഈ ലോകത്തോടു വിടപറഞ്ഞു.