തൊട്ടു മുന്നിലെ പന്തിൽ രജത് പാട്ടിദാറിനെ ആവേശ് മടക്കിയിരുന്നു. കാർത്തികും ഒൗട്ടായിരുന്നെങ്കിൽ ബംഗളൂരുവിന്റെ സ്കോർ 14.3 ഓവരിൽ 122/6 എന്നതാകുമായിരുന്നു. രാജസ്ഥാന്റെ ഇന്നിംഗ്സിലാണ് അന്പയറിംഗിലെ മറ്റൊരു സംഭവം. രാജസ്ഥാന്റെ ധ്രുവ് ജുറെല്ലിനെ കാമറോണ് ഗ്രീൻ റണ്ണൗട്ടാക്കുന്പോൾ പന്ത് വലത് കൈയിൽ ഉണ്ടായിരുന്നു എന്നേയുള്ളൂ. ഇടത് കൈത്തണ്ടകൊണ്ടായിരുന്നു ഗ്രീൻ വിക്കറ്റ് ഇളക്കിയത്. ക്രിക്കറ്റ് നിയമപ്രകാരം വിക്കറ്റ് തെറിപ്പിക്കുന്പോൾ പന്ത് കൈവശം പൂർണ നിയന്ത്രണത്തിൽ ഉണ്ടായിരിക്കണം എന്നുമാത്രമാണ്, അന്പയർ ഔട്ട് വിധിച്ചു.