ഹെഡറിലൂടെയായിരുന്നു ആഷിഖിന്റെ ഗോൾ. ഒരു ഗോളിന്റെ ലീഡുമായി ആദ്യപകുതിക്ക് പിരിഞ്ഞ കേരളം രണ്ടാം പകുതിയിൽ വീണ്ടും അരുണാചലിന്റെ വല കുലുക്കി. 52-ാം മിനിറ്റിൽ വി. അർജുനായിരുന്നു കേരളത്തിന്റെ രണ്ടാം ഗോളിന്റെ ഉടമ. മുഹമ്മദ് ആഷിഖാണ് പ്ലെയർ ഓഫ് ദ മാച്ച്.
ഗ്രൂപ്പ് എയിൽ ഇന്നലെ നടന്ന മറ്റൊരു മത്സരത്തിൽ സർവീസസ് 2-0ന് ആസാമിനെ കീഴടക്കി. നാല് മത്സരങ്ങളിൽനിന്ന് ഒന്പത് പോയിന്റാണ് സർവീസസിനുള്ളത്. മാർച്ച് ഒന്നിന് സർവീസസും കേരളവും തമ്മിൽ ഏറ്റുമുട്ടും. ഗ്രൂപ്പിൽ ഓരോ ടീമിനും അഞ്ച് മത്സരങ്ങളാണുള്ളത്.