2023 പ്രൈം വോളി ഫൈനലിൽ ബംഗളൂരു ടോർപ്പെഡോസിനെ 7-15, 10-15, 20-18, 15-13, 10-15നു കീഴടക്കിയായിരുന്നു അഹമ്മദാബാദ് ചാന്പ്യന്മാരായത്. കോട്ടയം സ്വദേശിയായ ഷോണ് ടി. ജോണ് ആയിരുന്നു ഡിഫെൻഡേഴ്സ് ടീമിലെ മലയാളി സാന്നിധ്യം.
രാമസ്വാമി അങ്കമുത്തുവിന്‍റെ ക്യാപ്റ്റൻസിയിലാണ് ഡിഫെൻഡേഴ്സ് ലോക ക്ലബ് ചാന്പ്യൻഷിപ്പിന് ഇറങ്ങുന്നത്. ദക്ഷിണാമൂർത്തി സുന്ദരേശനാണ് ഡിഫെൻഡേഴ്സിന്‍റെ മുഖ്യപരിശീലകൻ.
ആറ് ടീമുകൾ 2023 ക്ലബ് ലോക ചാന്പ്യൻഷിപ്പിൽ അഹമ്മദാബാദ് ഡിഫെൻഡേഴ്സ് അടക്കം ആകെ ആറ് ടീമുകളാണുള്ളത്. രണ്ട് പൂളുകളിലായി മൂന്ന് ടീമുകൾ വീതം ആദ്യഘട്ടത്തിൽ പോരാടും. പൂളിലെ ആദ്യ രണ്ട് സ്ഥാനക്കാർ സെമിയിലേക്ക് മുന്നേറും. 6,7,8 തീയതികളിലാണ് ലീഗ് റൗണ്ട്. ഒന്പതിന് സെമിയും 10ന് ഫൈനലും നടക്കും.
ബ്രസീലിൽനിന്നുള്ള ഇതാംബേ മിനാസ് ക്ലബ്, ഇറ്റലിയിൽനിന്നുള്ള സർ സഫേറ്റി കൊനാഡ് പെറുഗിയ ടീമുകളാണ് പൂൾ എയിൽ അഹമ്മദാബാദ് ഡിഫെൻഡേഴ്സിന് ഒപ്പമുള്ളത്.
തുർക്കിയിൽനിന്നുള്ള ഹൽക്ബാങ്ക് സ്പോർ കുളൂബൂ, ബ്രസീൽ ക്ലബ് സഡ ക്രുസീറൊ വോളി, ജാപ്പനീസ് ക്ലബ് സണ്ടോറി സണ്‍ബേഡ്സ് എന്നീ ടീമുകളാണ് പൂൾ ബിയിൽ.
ചാന്പ്യൻഷിപ്പിന്‍റെ ആദ്യദിനമായ നാളെ ഹൽക്ബാങ്കും സണ്‍ബേഡ്സും വൈകുന്നേരം അഞ്ചിന് ഏറ്റുമുട്ടും. രാത്രി 8.30ന് അഹമ്മദാബാദ് ഇതാംബേ മിനാസുമായി കൊന്പുകോർക്കും.