നദാൽ, ജോക്കോ പ്രീക്വാർട്ടറിൽ : Deepika.com Sports News |

Click here for detailed news of all items

നദാൽ, ജോക്കോ പ്രീക്വാർട്ടറിൽ

Saturday, May 28, 2022 2:00 AM IST

പാരീസ്: ഫ്രഞ്ച് ഓപ്പണ്‍ ടെന്നീസ് പുരുഷ സിംഗിൾസിൽ ലോക ഒന്നാം നന്പർ താരം സെർബിയയുടെ നൊവാക് ജോക്കോവിച്ചും കളിമണ്‍ കോർട്ട് രാജാവായ സ്പെയിനിന്‍റെ റാഫേൽ നദാലും പ്രീക്വാർട്ടറിൽ. നദാൽ ഡച്ച് താരം ബോട്ടിക് വാൻ ഡെ സൻഡ്ഷ്ളൂപ്പിനെയാണ് കീഴടക്കിയത്.

സ്കോർ: 6-3, 6-2, 6-4. സ്ലോവേനിയൻ താരം അൽജാഷ് ബെഡേനിനെ നേരിട്ടുള്ള സെറ്റുകൾക്ക് കീഴടക്കിയാണ് ജോക്കോ അവസാന 16ൽ പ്രവേശിച്ചത്, 6-3, 6-3, 6-2. പ്രീക്വാർട്ടറിൽ അർജന്‍റീനയുടെ ഡിയേഗൊ ഷ്വാർസ്മാൻ ആണ് ജോക്കോയുടെ എതിരാളി. 15-ാം സീഡായ ഷ്വാർസ്മാൻ മൂന്നാം റൗണ്ടിൽ ബൾഗേറിയയുടെ ഗ്രിഗോർ ദിമിത്രോവിനെ 6-3, 6-1, 6-2നു കീഴടക്കിയാണ് ഷ്വാർസ്മാൻ പ്രീക്വാർട്ടറിൽ പ്രവേശിച്ചത്.

കെർബർ പുറത്ത്

വനിതാ സിംഗിൾസിൽ ജർമനിയുടെ ആംഗലിക് കെർബർ മൂന്നാം റൗണ്ടിൽ പുറത്ത്. കെർബറെ കീഴടക്കി ബെലാറൂസ് താരം അലിക്സാഡ്ര സസ്നോവിച്ച് പ്രീക്വാർട്ടറിൽ പ്രവേശിച്ചു, 6-4, 7-6 (7-5). അതേസമയം, അമേരിക്കയുടെ 18-ാം സീഡ് കൊക്കോ ഗഫ്, 27-ാം സീഡ് അമാൻഡ അനിസിമോവ, കാനഡയുടെ 17-ാം സീഡ് ലൈല ഫെർണാണ്ടസ് തുടങ്ങിയവർ പ്രീക്വാർട്ടറിൽ പ്രവേശിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.