വന്പൻ അട്ടിമറി : Deepika.com Sports News |

Click here for detailed news of all items

വന്പൻ അട്ടിമറി

Friday, January 21, 2022 1:13 AM IST

മെൽബണ്‍: ഓസ്ട്രേലിയൻ ഓപ്പണ്‍ ടെന്നീസ് പുരുഷ സിംഗിൾസ് രണ്ടാം റൗണ്ടിൽ വന്പൻ അട്ടിമറികൾ. മുൻ ലോക ഒന്നാം നന്പറായ ബ്രിട്ടന്‍റെ ആൻഡി മുറെയെ ജപ്പാന്‍റെ ഇരുപത്തെട്ടുകാരനായ തറൊ ഡനിയേൽ നേരിട്ടുള്ള സെറ്റിനു തറപറ്റിച്ചു.

വൈൽഡ് കാർഡ് എൻട്രിയായെത്തിയ മുറെയെ 4-6, 4-6, 4-6നായിരുന്നു ഡാനിയേൽ കീഴടക്കിയത്. 13-ാം സീഡായ അർജന്‍റീനയുടെ ഡിയേഗൊ ഷ്വാർസ്മാനും രണ്ടാം റൗണ്ടിൽ അട്ടിമറിക്കപ്പെട്ടു. സീഡ് ഇല്ലാത്ത ഓസ്ട്രേലിയയുടെ ക്രിസ്റ്റഫർ ഓകോണെല്ലാണ് ഷ്വാർസ്മാനെ നാട്ടിലേക്ക് പറഞ്ഞയച്ചത്. സ്കോർ: 7-6 (8-6), 6-4, 6-4.

റഷ്യയുടെ ഡാനിൽ മെദ്‌വദേവ്, ആന്ദ്രെ റുബ്‌ലെവ്, ഗ്രീസിന്‍റെ സ്റ്റെഫാനോസ് സിറ്റ്സിപാസ് തുടങ്ങിയവരും പുരുഷ സിംഗിൾസ് മൂന്നാം റൗണ്ടിൽ പ്രവേശിച്ചു.

എമ്മ, സാമന്ത പുറത്ത്

യുഎസ് ഓപ്പണ്‍ ജേതാവും 17-ാം സീഡുമായ ബ്രിട്ടന്‍റെ കൗമാരതാരം എമ്മ റാഡുകാനു രണ്ടാം റൗണ്ടിൽ പുറത്ത്. മോണ്ടിനെഗ്രോയുടെ സീഡ് ചെയ്യപ്പെടാത്ത ഡങ്ക കോവ്നിക്കാണ് മൂന്ന് സെറ്റ് നീണ്ട പോരാട്ടത്തിൽ എമ്മയെ അട്ടിമറിച്ചത്. സ്കോർ: 6-4, 4-6, 6-3.

10-ാം സീഡായ റഷ്യയുടെ അനസ്തസ്യ പവ്ല്യുചെങ്കോവ ഓസ്ട്രേലിയയുടെ സാമന്ത സ്റ്റോസറിനെ കീഴടക്കി, 6-2, 6-2. ബെലാറുസിന്‍റെ അരിന സബലെങ്ക, റൊമാനിയയുടെ സിമോണ ഹാലെപ്പ് തുടങ്ങിയവർ മൂന്നാം റൗണ്ടിൽ ഇടംപിടിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.