സിറ്റി ഫൈനൽ : Deepika.com Sports News |

Click here for detailed news of all items

സിറ്റി ഫൈനൽ

Thursday, May 6, 2021 12:46 AM IST

മാഞ്ചസ്റ്റർ: ഇംഗ്ലീഷ് സൂപ്പർ ക്ലബ് മാഞ്ചസ്റ്റർ സിറ്റി യുവേഫ ചാന്പ്യൻസ് ലീഗ് ഫുട്ബോൾ ഫൈനലിൽ. സെമിയിൽ നിലവിലെ ഫൈനലിസ്റ്റുകളായ ഫ്രഞ്ച് ക്ലബ് പിഎസ്ജിയെ ഇരുപാദങ്ങളിലുമായി 4-1നു കീഴടക്കിയാണു പെപ് ഗ്വാർഡിയോളയുടെ സിറ്റിയുടെ ഫൈനൽ പ്രവേശനം. ചരിത്രത്തിൽ ആദ്യമായാണ് സിറ്റി ചാന്പ്യൻസ് ലീഗ് ഫൈനലിൽ പ്രവേശിക്കുന്നത്.

സിറ്റിയുടെ ഹോം ഗ്രൗണ്ടിൽ അരങ്ങേറിയ രണ്ടാംപാദത്തിൽ റിയാദ് മഹ്റേസിന്‍റെ ഇരട്ട ഗോൾ ബലത്തിൽ 2-0ന് പിഎസ്ജിയെ തറപറ്റിച്ചു. 11, 63 മിനിറ്റുകളിലായിരുന്നു ഗോൾ. ആദ്യ പാദത്തിൽ സ്വന്തം തട്ടകത്തിൽവച്ച് 2-1നു പരാജയപ്പെട്ട നെയ്മറിനും സംഘത്തിനും മാഞ്ചസ്റ്ററിൽ കാര്യമായൊന്നും ചെയ്യാനായില്ല. പരിക്കേറ്റ സൂപ്പർ താരം കൈലിയൻ എംബാപ്പെ ഇല്ലാതെയാണു പിഎസ്ജി ഇറങ്ങിയത്. 69-ാം മിനിറ്റിൽ എയ്ഞ്ചൽ ഡി മരിയ ചുവപ്പ് കാർഡ് കണ്ട് പുറത്തായതും പിഎസ്ജിക്കു തിരിച്ചടിയായി.

ചെൽസി x റയൽ മാഡ്രിഡ് രണ്ടാം സെമി ജേതാക്കളാണ് ഫൈനലിൽ സിറ്റിയുടെ എതിരാളികൾ. ഈ മാസം 29നാണ് ഫൈനൽ. 2010-11 സീസണിനുശേഷം (ബാഴ്സലോണയിലായിരുന്നപ്പോൾ) പെപ് ഗ്വാർഡിയോള ഫൈനലിൽ പ്രവേശിക്കുന്നതും ഇതാദ്യം. തുടർച്ചയായി നാല് തവണ സെമിയിൽ പെപ് ഗ്വാർഡിയോളയുടെ ടീം പരാജയപ്പെട്ടിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.