ഞെട്ടിച്ച് യുണൈറ്റഡ് : Deepika.com Sports News |

Click here for detailed news of all items

ഞെട്ടിച്ച് യുണൈറ്റഡ്

Saturday, May 1, 2021 12:26 AM IST

മാഞ്ചസ്റ്റര്‍: ആദ്യം മുന്നിലെത്തുകയും പിന്നെ പിന്നിലാകുകയും ചെയ്ത മാഞ്ചസ്റ്റര്‍ യുണൈറ്റഡ് രണ്ടാം പകുതിയില്‍ എഎസ് റോമയെ തകര്‍ത്തു. യുവേഫ യൂറോപ്പ ലീഗ് ഒന്നാംപാദ സെമി ഫൈനലില്‍ മാഞ്ചസ്റ്റര്‍ യുണൈറ്റഡ് 6-2നാണ് റോമയെ തകര്‍ത്തത്. ബ്രൂണോ ഫെര്‍ണാണ്ടസും എഡിന്‍സണ്‍ കവാനിയും ഇരട്ട ഗോള്‍ നേടിയപ്പോള്‍ പോള്‍ പോഗ്ബയും മേസണ്‍ ഗ്രീന്‍വുഡും ഓരോ ഗോള്‍ വീതം നേടി.

ഇരുടീമും ആദ്യപകുതിയുടെ തുടക്കത്തില്‍ത്തന്നെ ഗോളുകള്‍ നേടി. ഒമ്പതാം മിനിറ്റില്‍ ബ്രൂണോ ഫെര്‍ണ്ടാസിനെ മുന്നിലെത്തിച്ചപ്പോൾ 15-ാം മിനിറ്റില്‍ പെനല്‍റ്റിയിലൂടെ ലോറന്‍സോ പെല്ലെഗ്രിനി സമനില നേടി. 33-ാം മിനിറ്റിൽ എഡിന്‍ സെക്കോ റോമയെ മുന്നിലെത്തിച്ചു. രണ്ടാം പകുതിയിൽ അഞ്ച് ഗോൾ നേടി യുണൈറ്റഡ് മത്സരം സ്വന്തമാക്കി.

ആഴ്‌സണലിനു തോല്‍വി

യൂറോപ്പയിലെ മറ്റൊരു സെമി ഫൈനലില്‍ വിയ്യാറയല്‍ 2-1ന് ആഴ്‌സണലിനെ തോല്‍പ്പിച്ചു. ഇരുടീമും പത്തുപേരുമായാണു മത്സരം പൂര്‍ത്തിയാക്കിയത്. മാനു ട്രിഗ്യൂറോസ്, റൗല്‍ അല്‍ബിയോല്‍ എന്നിവരുടെ ഗോളുകളില്‍ ആദ്യ പകുതിയില്‍ വിയ്യാറയല്‍ മുന്നിലെത്തി. 73-ാം മിനിറ്റില്‍ നിക്കോളസ് പെപെ പെനല്‍റ്റി വലയിലാക്കി വിയ്യാറയലിന്‍റെ ലീഡ് ചുരുക്കി.
രണ്ടാം പാദം വ്യാഴാഴ്ച ലണ്ടനിൽ നടക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.