നദാൽ പുറത്ത് : Deepika.com Sports News |

Click here for detailed news of all items

നദാൽ പുറത്ത്

Sunday, April 18, 2021 1:01 AM IST

മൊണാക്കോ: മോണ്ടെ കാർലൊ മാസ്റ്റേഴ്സ് ടെന്നീസ് പുരുഷ സിംഗിൾസിൽ ലോക മൂന്നാം നന്പർ താരം സ്പെയിനിന്‍റെ റാഫേൽ നദാൽ പുറത്ത്. കളിമണ്‍ കോർട്ടിലെ രാജാവായ നദാലിനെ റഷ്യയുടെ ആന്ദ്രെ റുബ്‌ലേവ് ക്വാർട്ടറിൽ കീഴടക്കി. സ്കോർ: 6-2, 4-6, 6-2. റഷ്യൻ താരത്തിന്‍റെ റാക്കറ്റിൽനിന്ന് രണ്ട് എയ്സുകൾ പാഞ്ഞപ്പോൾ നദാൽ ഒരെണ്ണം മാത്രമാണ് പായിച്ചത്.
എന്‍റെ സെർവ് മഹാദുരന്തമായിരുന്നു, ക്ലേ കോർട്ടിൽ കിരീടത്തോടെ സീസണ്‍ തുടങ്ങാനുള്ള അവസരം തുലച്ചു - മത്സരശേഷം നദാൽ പറഞ്ഞു.

12-ാം മോണ്ടെ കാർലൊ കിരീടം ലക്ഷ്യംവച്ചായിരുന്നു നദാൽ ടൂർണമെന്‍റിന് എത്തിയത്.

സിറ്റ്സിപാസ് x റുബ്‌ലെവ് ഫൈനൽ

ഗ്രീക്ക് താരം സ്റ്റെഫാനോസ് സിറ്റ്സിപാസും റഷ്യയുടെ റുബ്‌ലെവും മോണ്ടെ കാർലൊ മാസ്റ്റേഴ്സ് പുരുഷ സിംഗിൾസ് ഫൈനലിൽ ഏറ്റുമു‌ട്ടും. സെമിയിൽ ബ്രിട്ടന്‍റെ ഡാൻ ഇവാൻസിനെ നേരിട്ടുള്ള സെറ്റുകൾക്കു കീഴടക്കിയായിരുന്നു സിറ്റ്സിപാസിന്‍റെ ഫൈനൽ പ്രവേശനം. സ്കോർ: 6-2, 6-1. ലോക ഒന്നാം നന്പർ താരം സെർബിയയുടെ നൊവാക് ജോക്കോവിച്ചിനെ മൂന്നാം റൗണ്ടിൽ ഇവാൻസ് അട്ടിമറിച്ചിരുന്നു.

നോർവെയുടെ കാസ്പെർ റൂഡിനെ 6-3, 7-5നു കീഴടക്കിയാണ് റുബ്‌ലെവ് ഫൈനലിൽ പ്രവേശിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.