ലിസ്ബത്തിനു വെർജീനിയ ലിബർട്ടി യൂണിവേഴ്‌സിറ്റി മീറ്റിൽ വെള്ളി : Deepika.com Sports News |

Click here for detailed news of all items

ലിസ്ബത്തിനു വെർജീനിയ ലിബർട്ടി യൂണിവേഴ്‌സിറ്റി മീറ്റിൽ വെള്ളി

Wednesday, March 3, 2021 12:03 AM IST

പുല്ലുരാംപാറ (കോഴിക്കോട്): അമേരിക്കയിലെ വെർജീനിയ ലിബർട്ടി യൂണിവേഴ്‌സിറ്റി മീറ്റിൽ കോഴിക്കോട് ജില്ലക്കാരിയും പുല്ലൂരാംപാറ മലബാർ സ്പോർട്സ് അക്കാഡമിയുടെ അഭിമാനതാരവുമായ ലിസ്ബത് കരോളിൻ ജോസഫ് വെള്ളിമെഡൽ നേടി. കൊല്ലിത്താനത്ത് സജിയുടെയും ലെൻസിയുടെയും മകളായ ലിസ്‌ബത് കരോളിൻ ജോസഫിനു ഫുൾ സ്കോളർഷിപ് നല്കിയാണ് (ഒരുകോടി അറുപത്തിനാല് ലക്ഷം രൂപയുടെ സ്കോളർഷിപ്) അമേരിക്കയിലെ വിർജീനിയ ലിബർട്ടി യൂണിവേഴ്സിറ്റി ഉപരിപഠനത്തിനായി തെരഞ്ഞെടുത്തത്.

യൂണിവേഴ്സിറ്റിയിലെ തന്‍റെ ആദ്യമത്സരത്തിൽ തന്നെ രണ്ടാം സ്ഥാനം കരസ്ഥമാക്കി ലിസ്ബത്ത്. കോഴിക്കോട് ജില്ലയിലെ പുല്ലൂരാംപാറ മലബാർ സ്പോർട്സ് അക്കാഡമി പരിശീലകൻ ടോമി ചെറിയാന്‍റെ കീഴിലായിരുന്നു ലിസ്ബത്ത് ആദ്യ പരിശീലനം നേടിയിരുന്നത്. ഇന്ത്യയുടെ ഒളിന്പിക് പ്രതീക്ഷയായ ലിസ്ബത്തിന്‍റെ വളർച്ചയിൽ മലബാർ സ്പോർട്സ് അക്കാഡമി കൺവീനർ ടി.ടി. കുര്യനും കോച്ച് ടോമി ചെറിയാനും ആഹ്ലാദവും അഭിനന്ദനങ്ങളും അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.