സലാം സല! : Deepika.com Sports News |

Click here for detailed news of all items

സലാം സല!

Sunday, September 13, 2020 11:59 PM IST

ലണ്ടൻ: ഏഴ് ഗോൾ പിറന്ന ത്രില്ലർ പോരാട്ടത്തിൽ ഇംഗ്ലീഷ് പ്രീമിയർ ലീഗ് ഫുട്ബോളിൽ നിലവിലെ ചാന്പ്യന്മാരായ ലിവർപൂളിനു ജയം. ആദ്യ പകുതിക്ക് പിരിയുന്പോൾ അഞ്ച് ഗോൾ പിറന്ന മത്സരത്തിൽ ലിവർപൂൾ 4-3ന് ലീഡ്സ് യുണൈറ്റഡിനെ കീഴടക്കി. സ്ഥാനക്കയറ്റത്തിലൂടെ 2020-21 സീസണിൽ എത്തിയ ടീമാണ് ലീഡ്സ്. പ്രീമിയർ ലീഗിലെ സീസണ്‍ ആരംഭദിന മത്സര ചരിത്രത്തിൽ അഞ്ച് ഗോൾ ആദ്യ പകുതിയിൽ പിറക്കുന്നതും 14 വർഷത്തിനുശേഷം. 2006ൽ മാഞ്ചസ്റ്റർ യുണൈറ്റഡ് 5-1ന് ഫുൾഹാമിനെ കീഴടക്കിയപ്പോൾ ആദ്യ പകുതിയിൽ 4-1ന് യുണൈറ്റഡ് മുന്നിലായിരുന്നു.

സീസണിൽ ഗോൾ മഴ പെയ്യിക്കാൻ താൻ തയാറാണെന്ന് തെളിയിച്ച് ലിവർപൂളിനായി മുഹമ്മദ് സല സീസണിലെ ആദ്യ ഹാട്രിക് സ്വന്തമാക്കി. 4 (പെനൽറ്റി), 33, 88 (പെനൽറ്റി) മിനിറ്റുകളിലായിരുന്നു സല വലകുലുക്കിയത്. വാൻ ഡിക്കിന്‍റെ (20) വകയായിരുന്നു ലിവർപൂളിന്‍റെ മറ്റൊരു ഗോൾ. ലീഡ്സിനായി ജാക് ഹാരിസണ്‍ (12), പാട്രിക് ബംഫോഡ് (30), ക്ലിച്ച് (66) എന്നിവരാണു ലക്ഷ്യംകണ്ടത്. ഒരു ഘട്ടത്തിൽ 3-3ലായിരുന്ന മത്സരത്തിന്‍റെ വിധി നിർണയിച്ചത് 88-ാം മിനിറ്റിൽ ലിവർപൂളിനു ലഭിച്ച സലയുടെ പെനൽറ്റി ഗോളാണ്. മറ്റു മത്സരങ്ങളിൽ ന്യൂകാസിൽ 2-0ന് വെസ്റ്റ് ഹാമിനെയും ക്രിസ്റ്റൽ പാലസ് 1-0ന് സതാംപ്ടണിനെയും കീഴടക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.