ഹൃ​ദ​യ​മു​ള്ള​വ​ൻ, ദൃ​ഢ​വി​ശ്വാ​സി...
Thursday, July 9, 2020 12:33 AM IST
ചെ​​യ്ത കു​​റ്റം അം​​ഗീ​​ക​​രി​​ക്കാ​​നാ​​വി​​ല്ല, എ​​ന്നാ​​ൽ, അ​​ത് പ്ര​​കോ​​പി​​പ്പി​​ച്ച​​തു​​കൊ​​ണ്ടാ​​ണ്. അ​​യാ​​ൾ ഹൃ​​ദ​​യമു​​ള്ള​​വ​​നും ദൃ​​ഢ​​വി​​ശ്വാ​​സി​​യു​​മാ​​ണ്- ഫ്രാ​​ൻ​​സി​​ന്‍റെ മുൻ പ്ര​​സി​​ഡ​​ന്‍റാ​​യി​​രു​​ന്ന ഴാ​​ക് റെ​​നെ ഷി​​റാ​​ക്ക്, സി​​ന​​ദീ​​ൻ സി​​ദാനെ​​ക്കു​​റി​​ച്ച് പ​​റ​​ഞ്ഞ​​തി​​ങ്ങ​​നെ.

2006 ഫി​​ഫ ലോ​​ക​​ക​​പ്പ് ഫു​​ട്ബോ​​ൾ ഫൈ​​ന​​ലി​​ൽ കു​​പ്ര​​സി​​ദ്ധ​​മാ​​യ ‘മ​​റ്റെ​​രാ​​റ്റ്സി ഹെ​​ഡ​​റി​​ലൂ​​ടെ’ സി​​ദാൻ ചു​​വ​​പ്പ് കാ​​ർ​​ഡ് ക​​ണ്ട് പു​​റ​​ത്താ​​യ​​തി​​നെ​​ക്കു​​റി​​ച്ചാ​​യി​​രു​​ന്നു ഷി​​റാ​​ക്കി​​ന്‍റെ ഈ ​​വാ​​ക്കു​​ക​​ൾ. ഇ​​റ്റാ​​ലി​​യ​​ൻ പ്ര​​തി​​രോ​​ധ താ​​ര​​മാ​​യ മാ​​ർ​​ക്കോ മ​​റ്റെ​​രാ​​റ്റ്സി​​യു​​ടെ പ്ര​​കോ​​പ​​ന​​ത്തി​​ൽ പ​​രി​​സ​​രം മ​​റ​​ന്ന സി​​ദാന്‍റെ പ്ര​​തി​​ക​​ര​​ണം ഫ്രാ​​ൻ​​സി​​നു ന​​ഷ്ട​​പ്പെ​​ടു​​ത്തി​​യ​​ത് ലോ​​കകി​​രീ​​ട​​മാ​​യി​​രു​​ന്നു. എ​​ന്നാ​​ൽ, വേ​​ദ​​നി​​പ്പി​​ക്കു​​ന്ന ആ ​​യാ​​ഥാ​​ർ​​ഥ്യം ഉ​​ൾ​​ക്കൊ​​ണ്ട ഫ്രാ​​ൻ​​സ് ജ​​ന​​ത ഒ​​ന്ന​​ട​​ങ്കം ത​​ങ്ങ​​ളു​​ടെ സൂ​​പ്പ​​ർ ഹീ​​റോ​​യ്ക്കു പി​​ന്നി​​ൽ അ​​ണി​​നി​​ര​​ക്കു​​ന്ന​​താ​​ണ് ലോ​​കം ദ​​ർ​​ശി​​ച്ച​​ത്. അ​​തെ, 2006 ലോ​​ക​​ക​​പ്പ് ഫൈ​​ന​​ലി​​ൽ മ​​റ്റെ​​രാ​​റ്റ്സി​​യെ നെ​​ഞ്ചി​​ൽ ത​​ല​​കൊ​​ണ്ടി​​ടി​​ച്ച് സി​​ദാ​​ൻ വീ​​ഴ്ത്തി​​യ​​തും പെ​​ന​​ൽ​​റ്റി ഷൂ​​ട്ടൗ​​ട്ടി​​ൽ ഇ​​റ്റ​​ലി കി​​രീ​​ടം നേ​​ടി​​യ​​തും ഇ​​തു​​പോ​​ലൊ​​രു ജൂ​​ലൈ ഒ​​ന്പ​​തി​​ന്.

ജ​​ർ​​മ​​ൻ ത​​ല​​സ്ഥാ​​ന​​മാ​​യ ബെ​​ർ​​ലി​​നി​​ൽ 2006 ലോ​​ക​​ക​​പ്പ് ഫു​​ട്ബോ​​ൾ കി​​രീ​​ട​​പോ​​രാ​​ട്ട​​ത്തി​​നാ​​യി ഫ്രാ​​ൻ​​സും ഇ​​റ്റ​​ലി​​യും. 1982നു​​ശേ​​ഷം ഫ്രാ​​ൻ​​സി​​നെ​​തി​​രേ ഇ​​റ്റ​​ലി​​ക്ക് ജ​​യി​​ക്കാ​​ൻ സാ​​ധി​​ച്ചി​​രു​​ന്നി​​ല്ല. ഏ​​റ്റ​​വും അ​​വ​​സാ​​നം 1998 ലോ​​ക​​ക​​പ്പ് ക്വാ​​ർ​​ട്ട​​റി​​ലും 2000 യൂ​​റോ ഫൈ​​ന​​ലി​​ലു​​മാ​​യി​​രു​​ന്നു ഇ​​രു ടീ​​മു​​ക​​ളും മു​​ഖാ​​മു​​ഖ​​മി​​റ​​ങ്ങി​​യ​​ത്. ഗ്രൂ​​പ്പ് ഘ​​ട്ട​​ത്തി​​ൽ ര​​ണ്ടാം സ്ഥാ​​ന​​മാ​​യി​​രു​​ന്നെ​​ങ്കി​​ലും പ്രീ​​ക്വാ​​ർ​​ട്ട​​റി​​ൽ സ്പെ​​യി​​നി​​നെ​​യും ക്വാ​​ർ​​ട്ട​​റി​​ൽ ബ്ര​​സീ​​ലി​​നെ​​യും സെ​​മി​​യി​​ൽ പോ​​ർ​​ച്ചു​​ഗ​​ലി​​നെ​​യും കീ​​ഴ​​ട​​ക്കി ഫ്രാ​​ൻ​​സ് ഫൈ​​ന​​ലി​​ൽ. ഗ്രൂ​​പ്പ് ഘ​​ട്ട​​ത്തി​​ൽ മു​​ത​​ൽ കൃ​​ത്യ​​മാ​​യ ഗെ​​യിം പ്ലാ​​നോ​​ടെ മു​​ന്നേ​​റി​​യ ഇ​​റ്റ​​ലി പ്രീ​​ക്വാ​​ർ​​ട്ട​​റി​​ൽ ഓ​​സ്ട്രേ​​ലി​​യ​​യെ​​യും ക്വാ​​ർ​​ട്ട​​റി​​ൽ യു​​ക്രെ​​യ്നെ​​യും സെ​​മി​​യി​​ൽ ജ​​ർ​​മ​​നി​​യെ​​യും പി​​ന്ത​​ള്ളി.

പ്ര​​തി​​രോ​​ധം ഒ​​രു ക​​ല​​യാ​​ണെ​​ന്ന് തെ​​ളി​​യി​​ച്ച ഫാ​​ബി​​യോ ക​​ന്ന​​വാ​​രൊ​​യു​​ടെ നേ​​തൃ​​ത്വ​​ത്തി​​ൽ ഇ​​റ്റ​​ലി​​യും 1998ൽ ​​ഫ്രാ​​ൻ​​സി​​ന് ക​​ന്നി ലോ​​ക​​ക​​പ്പ് സ​​മ്മാ​​നി​​ച്ച ഇ​​തി​​ഹാ​​സ​​മാ​​യ സി​​ദാന്‍റെ നേ​​തൃ​​ത്വ​​ത്തി​​ൽ ഫ്രാ​​ൻ​​സും. ആ ​​മേ​​യി​​ൽ റ​​യ​​ൽ മാ​​ഡ്രി​​ഡി​​നാ​​യി ക​​ളി​​ച്ച് ക്ല​​ബ് ക​​രി​​യ​​റി​​നു വി​​രാ​​മ​​മി​​ട്ട സി​​ദാൻ, ലോ​​ക​​ക​​പ്പോ​​ടെ ഫു​​ട്ബോ​​ളി​​ൽ​​നി​​ന്ന് വി​​ര​​മി​​ക്കു​​മെ​​ന്ന് പ്ര​​ഖ്യാ​​പി​​ച്ചി​​രു​​ന്നു. അ​​താ​​യ​​ത് ലോ​​ക​​ക​​പ്പ് ഫൈ​​ന​​ലാ​​ണ് സി​​ദാന്‍റെ ഫു​​ട്ബോ​​ൾ ക​​രി​​യ​​റി​​ലെ അ​​വ​​സാ​​ന മ​​ത്സ​​രം. കി​​രീ​​ട​​ത്തോ​​ടെ മ​​ട​​ങ്ങാ​​നു​​ള്ള സി​​ദാ​​ന്‍റെ ശ്ര​​മം അ​​ത്ര എ​​ളു​​പ്പ​​മ​​ല്ലെ​​ന്ന് ആ​​ദ്യ മി​​നി​​റ്റി​​ലെ ക​​ന്ന​​വാ​​രൊ​​യു​​ടെ തി​​യ​​റി ഒ​​ൻ‌റി ​​ടാ​​ക്ലിം​​ഗി​​ലൂ​​ടെ ഇ​​റ്റ​​ലി വ്യ​​ക്ത​​മാ​​ക്കി. എ​​ന്നാ​​ൽ, ഏ​​ഴാം മി​​നി​​റ്റി​​ൽ ല​​ഭി​​ച്ച പെ​​ന​​ൽ​​റ്റി കി​​ക്ക് പ​​നേ​​ങ്ക സ്റ്റൈ​​ലി​​ൽ ഗോ​​ളാ​​ക്കി സി​​ദാൻ ഫ്രാ​​ൻ​​സി​​നു ലീ​​ഡ് സ​​മ്മാ​​നി​​ച്ചു.

ക്രോ​​സ് ബാ​​റി​​ലി​​ടി​​ച്ച ആ ​​കി​​ക്ക് ഗോ​​ൾ ലൈ​​ൻ ക​​ട​​ന്നെ​​ങ്കി​​ലും തി​​രി​​ച്ചെ​​ത്തി​​യ​​തും റ​​ഫ​​റി ഗോ​​ൾ അ​​നു​​വ​​ദി​​ച്ച​​തു​​മെ​​ല്ലാം ച​​രി​​ത്രം. 19-ാം മി​​നി​​റ്റി​​ൽ ആന്ദ്രേ പി​​ർ​​ലോ​​യു​​ടെ കോ​​ർ​​ണ​​റി​​ൽ മി​​ന്നും ഹെ​​ഡ​​റി​​ലൂ​​ടെ മ​​റ്റെ​​രാ​​റ്റ്സി ഇ​​റ്റ​​ലി​​യെ സ​​മ​​നി​​ല​​യി​​ലെ​​ത്തി​​ച്ചു. ഇ​​രു ഗോ​​ൾ മു​​ഖ​​വും വി​​റ​​ച്ചെ​​ങ്കി​​ലും നി​​ശ്ചി​​ത സ​​മ​​യ​​ത്ത് പിന്നീട് ഗോ​​ൾ പി​​റ​​ന്നി​​ല്ല. 103-ാം മി​​നി​​റ്റി​​ൽ സി​​ദാന്‍റെ മി​​ന്നും ഹെ​​ഡ​​ർ ഇ​​റ്റാ​​ലി​​യ​​ൻ ഗോ​​ളി ജി​​യാ​​ൻ​​ലൂ​​യി​​ജി ബ​​ഫ​​ണ്‍ പ​​ണി​​പ്പെ​​ട്ട് കു​​ത്തി​​യ​​ക​​റ്റി. 110-ാം മി​​നി​​റ്റി​​ൽ മ​​റ്റെ​​രാ​​റ്റ്സി​​യെ ഹെ​​ഡ് ചെ​​യ്ത് വീ​​ഴ്ത്തി സി​​ദാൻ മാ​​ർ​​ച്ചിം​​ഗ് ഓ​​ർ​​ഡ​​ർ കൈ​​പ്പ​​റ്റി. നാ​​യ​​ക​​നെ വീ​​ഴ്ത്തി മാ​​ന​​സി​​ക മു​​ൻ​​തൂ​​ക്കം നേ​​ടാ​​ൻ ഇ​​റ്റ​​ലി​​ക്കാ​​യി. ഷൂ​​ട്ടൗ​​ട്ടി​​ൽ ഡേ​​വി​​ഡ് ട്രെ​​സെ​​ഗെ​​യ്ക്ക് പി​​ഴ​​ച്ച​​പ്പോ​​ൾ അ​​സൂ​​റി​​ക​​ൾ 5-3ന്‍റെ ജ​​യ​​ത്തോ​​ടെ കി​​രീ​​ട​​ത്തി​​ൽ മു​​ത്ത​​മി​​ട്ടു. സി​​ദാൻ പ്ര​​കോ​​പി​​ത​​നാ​​കാ​​നു​​ള്ള കാ​​ര​​ണ​​മ​​ന്വേ​​ഷി​​ച്ചാ​​യി​​രു​​ന്നു പി​​ന്നീ​​ടു​​ള്ള മാ​​ധ്യ​​മ യാ​​ത്ര​​ക​​ൾ. ഒ​​ടു​​വി​​ൽ മ​​റ്റെ​​രാ​​റ്റ്സി​​ത​​ന്നെ അ​​ക്കാ​​ര്യം പ​​റ​​ഞ്ഞു, താ​​ൻ സി​​ദാന്‍റെ പെ​​ങ്ങ​​ളെ​​ക്കു​​റി​​ച്ച് മോ​​ശം വാ​​ക്കു​​ക​​ളു​​പ​​യോ​​ഗി​​ച്ചു, അ​​യാ​​ൾ​​ക്ക് പെ​​ങ്ങ​​ൾ ഉ​​ണ്ടെ​​ന്ന് അ​​റി​​യി​​ല്ലാ​​യി​​രു​​ന്നു!


അനീഷ് ആലക്കോട്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.