ഫോ​ര്‍മു​ല വ​ണ്‍: യൂ​റോ​പ്പി​ല്‍ എ​ട്ട് റേ​സു​ക​ള്‍
Tuesday, June 2, 2020 11:19 PM IST
പാ​രീ​സ്: ഫോ​ര്‍മു​ല വ​ണ്‍ സീ​സ​ണ് ജൂ​ലൈ അ​ഞ്ചി​ന് തു​ട​ക്ക​മാ​കും. പ​ല റേ​സു​ക​ളും വെ​ട്ടി​ച്ചു​രു​ക്കി​യാ​ണ് ഇ​ത്ത​വ​ണ​ത്തെ സീ​സ​ണ്‍. ഓ​സ്ട്രി​യ​യി​ല്‍ കാ​ണി​ക​ളി​ല്ലാ​തെ ജൂ​ലൈ അ​ഞ്ചി​നും ജൂ​ലൈ 12നും ​റേ​സു​ക​ള്‍ ന​ട​ത്തും. ഇ​തി​നു​ പു​റ​മെ ആ​റ് റേ​സു​ക​ള്‍ യൂ​റോ​പ്പി​ലു​ണ്ടാ​കും.

ഡി​സം​ബ​റി​ല്‍ സീ​സ​ണ്‍ പൂ​ര്‍ത്തി​യാ​ക്കു​ന്ന ത​ര​ത്തി​ല്‍ 15 മു​ത​ല്‍ 18 വ​രെ റേ​സു​ക​ള്‍ ന​ട​ത്താ​മെ​ന്നാ​ണ് സം​ഘാ​ട​ക​ര്‍ പ്ര​തീ​ക്ഷി​ക്കു​ന്ന​ത്.

മാ​ര്‍ച്ചി​ല്‍ ഓ​സ്‌​ട്രേ​ലി​യ​ന്‍ ഗ്രാ​ന്‍പ്രീ​യോ​ടെ​യാ​ണ് ഫോ​ര്‍മു​ല വ​ണ്‍ സീ​സ​ണ്‍ ആ​രം​ഭി​ക്കു​ന്ന​ത്. ലോ​കം മു​ഴു​വ​ന്‍ കൊ​റോ​ണ ​വൈ​റ​സ് വ്യാ​പ​ന ഭീ​ഷ​ണി​യെ​ത്തു​ട​ര്‍ന്ന് ലോ​ക്ക്ഡൗ​ണി​ലാ​യ​തോ​ടെ പ​രി​ശീ​ല​ത്തി​ന് മ​ണി​ക്കൂ​റു​ക​ള്‍ക്കു മു​മ്പ് റേ​സ് ഉ​പേ​ക്ഷി​ച്ചു.

ക​ഴി​ഞ്ഞ​യാ​ഴ്ച​യാ​ണ് ഓ​സ്ട്രി​യ​ന്‍ സ​ര്‍ക്കാ​ര്‍ ര​ണ്ട് റേ​സു​ക​ള്‍ ന​ട​ത്താ​നു​ള്ള അ​നു​മ​തി ന​ല്‍കി​യ​ത്. റെ​ഡ് ബു​ള്‍ റിം​ഗി​ലാ​ണ് ര​ണ്ടു റേ​സു​ക​ളും ന​ട​ക്കു​ക. ഒ​രാ​ഴ്ച ക​ഴി​ഞ്ഞ് ജൂ​ലൈ 19ന് ​ഹം​ഗേ​റി​യ​ന്‍ ഗ്രാ​ന്‍പ്രീ ന​ട​ക്കും പിന്നെ ര​ണ്ടാ​ഴ്ച​ വി​ശ്ര​മ​മാ​ണ്. അ​തി​നു​ശേ​ഷം ബ്രി​ട്ട​ന്‍, സ്‌​പെ​യി​ന്‍, ഇ​റ്റ​ലി, ബെ​ല്‍ജി​യം എ​ന്നി​വി​ട​ങ്ങ​ളി​ലാ​ണ് അ​ടു​ത്ത​ടു​ത്ത് റേ​സു​ക​ള്‍. ബ്രി​ട്ട​നി​ലെ സി​ല്‍വ​ര്‍സ്‌​റ്റോ​ണി​ല്‍ ര​ണ്ടു റേ​സു​ക​ളാ​ണു​ള്ള​ത് (ഓ​ഗ​സ്റ്റ് 2, 9).


സ്പാ​നി​ഷ് ഗ്രാ​ന്‍പ്രീ ബാ​ഴ്‌​സ​ലോ​ണ​യിൽ ​ഓ​ഗ​സ്റ്റ് 16നും ​ബെ​ല്‍ജി​യ​ന്‍, ഇ​റ്റാ​ലി​യ​ന്‍ ഗ്രാ​ന്‍പ്രീ​ക​ള്‍ മു​ന്‍ തീ​രു​മാ​നി​ച്ച തീ​യ​തി​കളിൽ ‍ ഓ​ഗ​സ്റ്റ് 30നും ​സെ​പ്റ്റം​ബ​ര്‍ ആ​റി​നും ന​ട​ക്കും.

ഡി​സം​ബ​റി​ല്‍ ബ​ഹ​റി​നി​ലും അ​ബു​ദാ​ബി​യി​ലും റേ​സു​ക​ള്‍ ന​ട​ക്കും​മു​മ്പ് സെ​പ്റ്റം​ബ​ര്‍, ഒ​ക്ടോ​ബ​ര്‍, ന​വം​ബ​ര്‍ മാ​സ​ങ്ങ​ളി​ല്‍ ഏ​ഷ്യ​യി​ലും അ​മേ​രി​ക്ക​ന്‍ രാ​ജ്യ​ങ്ങ​ളി​‌ലും റേ​സു​ക​ള്‍ ന​ട​ത്താ​മെ​ന്നാ​ണ് സം​ഘാ​ട​ക​ര്‍ പ്ര​തീ​ക്ഷി​ക്കു​ന്ന​ത്. ഈ ​മ​ത്സ​ര​ങ്ങ​ളു​ടെ തീ​യ​തി​ക​ള്‍ അ​ടു​ത്ത ആ​ഴ്ച​ക​ളി​ല്‍ പ്ര​സി​ദ്ധീ​ക​രി​ക്കും.

2020 സീ​സ​ണി​ല്‍ 22 റേ​സു​ക​ളാ​ണ് തീ​രു​മാ​നി​ച്ചി​രു​ന്ന​ത്. എ​ന്നാ​ല്‍ ഓ​സ്‌​ട്രേ​ലി​യ, മോ​ണ​ക്കൊ, ഫ്രാ​ന്‍സ്, നെ​ത​ര്‍ല​ന്‍ഡ്‌​സ് ഗ്രാ​ന്‍ പ്രീ​ക​ള്‍ ഉ​പേ​ക്ഷി​ച്ച​തോ​ടെ 2009നു​ശേ​ഷം ഗ്രീ​ന്‍പ്രീ​യി​ല്‍ കാ​റോ​ട്ട​ങ്ങ​ളു​ടെ എ​ണ്ണം ചു​രു​ങ്ങി.

കാ​ണി​ക​ളി​ല്ലാ​തെ​യാ​കും ഈ ​സീ​സ​ണി​ലെ ആ​ദ്യ മ​ത്സ​ര​ങ്ങ​ള്‍ ന​ട​ക്കു​ക. സു​ര​ക്ഷി​ത​മെ​ന്നു തോ​ന്നി​യാ​ല്‍ മാ​ത്ര​മേ കാ​ണി​ക​ളെ പ്ര​വേ​ശി​പ്പി​ക്കൂ.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.