Sports News
ഒ​ടു​വി​ല്‍ എ​ലി​സെ പെ​റി ഔ​ട്ടാ​യി
ഒ​ടു​വി​ല്‍ എ​ലി​സെ പെ​റി ഔ​ട്ടാ​യി
Saturday, July 20, 2019 11:53 PM IST
ടോ​ണ്ട​ന്‍: ടെ​സ്റ്റ് ക്രി​ക്ക​റ്റി​ല്‍ ഓ​സ്‌​ട്രേ​ലി​യ​യു​ടെ എ​ലി​സെ പെ​റി​യു​ടെ വി​ക്ക​റ്റി​നാ​യു​ള്ള കാ​ത്തി​രി​പ്പി​ന് അ​വ​സാ​ന​മാ​യി. മൂ​ന്നു വ​ര്‍ഷം, 11 മാ​സം, ആ​റു ദി​വ​സം, 655 പ​ന്ത്, 329 റ​ണ്‍സ് എ​ന്നി​വ​യ്ക്കു​ശേ​ഷ​മാ​ണ് പെ​റി​യെ പു​റ​ത്താ​ക്കാ​നാ​യ​ത്. ഇം​ഗ്ല​ണ്ടി​നെ​തി​രാ​യ വ​നി​താ ആ​ഷ​സ് ടെ​സ്റ്റ് പ​ര​മ്പ​ര​യി​ലാ​യി​രു​ന്നു ഈ ​ച​രി​ത്ര വി​ക്ക​റ്റ്. സെ​ഞ്ചു​റി നേ​ടി​യ​ശേ​ഷ​മാ​ണ്് ഓ​സീ​സ് താ​രം പു​റ​ത്താ​യ​ത്. പ​ര​മ്പ​ര​യി​ല്‍ ഒ​രു ടെ​സ്റ്റ് മാ​ത്ര​മാ​ണു​ള്ള​ത്.

ടെ​സ്റ്റി​ന്‍റെ ര​ണ്ടാം ദി​നം സെ​ഞ്ചു​റി തികച്ച എ​ലി​സെ​യെ ലോ​റ മാ​ര്‍ഷ് ഹീ​ത​ര്‍ നൈ​റ്റി​ന്‍റെ കൈ​ക​ളി​ലെ​ത്തി​ക്കു​ക​യാ​യി​രു​ന്നു. നാ​ലാ​മ​താ​യി ബാ​റ്റിം​ഗി​നി​റ​ങ്ങി പെ​റി 281 പ​ന്തി​ല്‍ 116 റ​ണ്‍സ് അ​ടി​ച്ചെ​ടു​ത്തു.

ഇ​തി​ന് മു​മ്പ് ഒ​രു ടെ​സ്റ്റ് മ​ത്സ​ര​ത്തി​ല്‍ ഓ​സീ​സ് താ​രം പു​റ​ത്താ​യ​ത് 2015 ഓ​ഗ​സ്റ്റി​ലാ​ണ്. പി​ന്നീ​ട് അ​തി​നി​ട​യി​ല്‍ ഒ​രൊ​റ്റ മ​ത്സ​രം മാ​ത്ര​മാ​ണ് എ​ലി​സെ ക​ളി​ച്ച​ത്. 2017 ന​വം​ബ​റി​ല്‍ സി​ഡ്‌​നി​യി​ലാ​യി​രു​ന്നു മ​ത്സ​രം. ആ ​ടെ​സ്റ്റി​ല്‍ പു​റ​ത്താ​കാ​തെ 213 റ​ണ്‍സ് നേ​ടി. ഇ​തോ​ടെ 2015ലെ ​ടെ​സ്റ്റി​ല്‍ നി​ന്ന് 2019ലെ ​ടെ​സ്റ്റ് വ​രെ 655 പ​ന്ത് നേ​രി​ട്ട ഓ​സീ​സ് താ​രം 329 റ​ണ്‍സ​ടി​ച്ചു.


എ​ലി​സെ​യു​ടെ ടെ​സ്റ്റ് ക​രി​യ​റി​ലെ ര​ണ്ടാ​മ​ത്തെ സെ​ഞ്ചു​റി​യാ​ണ് ടോ​ണ്ട​നി​ല്‍ പി​റ​ന്ന​ത്.

വ​നി​ത ആ​ഷ​സ് പ​ര​മ്പ​ര​യി​ല്‍ വി​ജ​യി​ക​ളെ പോ​യി​ന്‍റ് അ​ടി​സ്ഥാ​ന​ത്തി​ലാ​ണ് നി​ര്‍ണ​യി​ക്കു​ന്നത്. ഏ​ക​ദി​ന പ​ര​മ്പ​ര​യി​ലെ മൂ​ന്നു മ​ത്സ​ര​വും ജ​യി​ച്ച​തോ​ടെ ഓ​സ്‌​ട്രേ​ലി​യ ആ​റു പോ​യി​ന്‍റു​മാ​യി കി​രീ​ട​ത്തി​ന​രു​കി​ലാ​ണ്. ഓ​സ്‌​ട്രേ​ലി​യ​ത​ന്നെ​യാ​ണ് നി​ല​വി​ലെ ചാ​മ്പ്യ​ന്മാ​രും. ടെ​സ്റ്റ് മ​ത്സ​രം ജ​യി​ക്കു​ന്ന​വ​ര്‍ക്ക് നാ​ലു പോ​യി​ന്‍റാ​ണ് ല​ഭി​ക്കു​ക.

ഒന്നാം ഇന്നിംഗ്സ് എട്ട് വിക്കറ്റിന് 420 എന്ന നിലയിൽ ഓസ്ട്രേലിയ മൂന്നാം ദിവസം ഡിക്ലയർ ചെയ്തു. മഴ പലപ്പോഴുമെത്തി മത്സരം തട സപ്പെടുത്തി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.