ചാച്ചയ്ക്കറിയാം ധോണി ടിക്കറ്റ് നല്കുമെന്ന് : Deepika.com Sports News |

Click here for detailed news of all items

ചാച്ചയ്ക്കറിയാം ധോണി ടിക്കറ്റ് നല്കുമെന്ന്

Friday, June 14, 2019 11:41 PM IST

ലണ്ടൻ: ചാച്ച ഷിക്കാഗോ എന്ന മുഹമ്മദ് ബഷീറുമായുള്ള ഇന്ത്യൻ ക്രിക്കറ്റ് താരം എം.എസ്. ധോണിയുടെ ബന്ധം തുടങ്ങിയത് 2011 ലോകകപ്പിലാണ്. കറാച്ചിയിൽ ജനിച്ച ചാച്ച ഷിക്കാഗോ ഇന്ത്യ-പാക് ക്രിക്കറ്റ് പോരാട്ടത്തിനായി നാളെ ഗാലറിയിലുണ്ടാകും.

മത്സരത്തിന്‍റെ ടിക്കറ്റ് ഇല്ലാതെയാണ് അയാൾ പോരാട്ടം നടക്കുന്ന മാഞ്ചസ്റ്ററിലേക്ക് പുറപ്പെട്ടത്. കാരണം, ധോണി ടിക്കറ്റ് തരപ്പെടുത്തി നല്കുമെന്ന് മുഹമ്മദ് ബഷീറിന് അറിയാം. നാളത്തെ ഇന്ത്യ-പാക് മത്സരത്തിനുള്ള ടിക്കറ്റും ധോണിയുടെ സമ്മാനമായി ചാച്ച ഷിക്കാഗോയ്ക്കു ലഭിച്ചു.

2011 ലോകകപ്പിൽ ഇന്ത്യ-പാക് സെമിക്കുശേഷമാണ് ധോണിയും ബഷീറും തമ്മിലുള്ള ബന്ധം ആരംഭിച്ചത്. അന്ന് മൊഹാലിയിൽ നടന്ന മത്സരത്തിനുള്ള ടിക്കറ്റ് ധോണിയാണ് ഇയാൾക്ക് തരപ്പെടുത്തി നല്കിയത്. ഇന്ത്യ-പാക് ക്രിക്കറ്റ് പോരാട്ടം നടക്കുന്ന വേദികളിൽ രണ്ട് രാജ്യത്തിന്‍റെയും തുന്നിച്ചേർത്ത ദേശീയ പതാകയുമായി എത്താറുള്ള ആളാണ് ബഷീർ. അമേരിക്കയിലെ ഷിക്കാഗോയിൽനിന്ന് കഴിഞ്ഞ ദിവസംതന്നെ ബഷീർ ഇംഗ്ലണ്ടിൽ എത്തിയിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.