അ​നാ​യാ​സം ലി​വ​ര്‍പൂ​ള്‍
Thursday, April 18, 2019 11:13 PM IST
പോ​ര്‍ട്ടോ: ലി​വ​ര്‍പൂ​ള്‍ ചാ​മ്പ്യ​ന്‍സ് ലീ​ഗ് ഫു​ട്‌​ബോളി​ന്‍റെ സെ​മി ഫൈ​ന​ലി​ലെ​ത്തി​യ​തോ​ടെ ഏ​വ​രെ​യും കൊ​തി​പ്പി​ക്കു​ന്ന മ​ത്സ​ര​ത്തി​നാ​ണ് ക​ള​മൊ​രു​ങ്ങി​യ​ത്. ലി​വ​ര്‍പൂ​ളി​ന്‍റെ എ​തി​രാ​ളി​ക​ളാ​യി​വ​രു​ന്ന​ത് ബാ​ഴ്‌​സ​ലോ​ണ​യാ​യ​താ​ണ് ഈ ​സെ​മി ഫൈ​ന​ല്‍ കൂ​ടു​ത​ല്‍ ആ​വേ​ശ​ക​ര​മാ​ക്കി​യി​രി​ക്കു​ന്ന​ത്. പോ​ര്‍ട്ടോ​യി​ല്‍ ന​ട​ന്ന ര​ണ്ടാം​പാ​ദ ക്വാ​ര്‍ട്ട​റി​ല്‍ ലി​വ​ര്‍പൂ​ള്‍ 4-1ന് ​എ​ഫ്‌​സി പോ​ര്‍ട്ടോ​യെ ത​ക​ര്‍ത്തു. ആ​ദ്യ​പാ​ദ​ത്തി​ല്‍ 2-0ന് ​സ്വ​ന്തം ആ​ന്‍ഫീ​ല്‍ഡി​ല്‍ ലി​വ​ര്‍പൂ​ള്‍ ജ​യി​ച്ചി​രു​ന്നു.

അ​ഗ്ര​ഗേ​റ്റി​ല്‍ ലി​വ​ര്‍പൂ​ളി​ന് 6-1ന്‍റെ ​ജ​യം. മേ​യ് ഒ​ന്നി​ന് ആ​ദ്യ​പാ​ദം ബാ​ഴ്‌​സ​ലോ​ണ​യു​ടെ ന്യൂ​കാ​മ്പി​ലും ര​ണ്ടാം പാ​ദം മേ​യ് ഏ​ഴി​ന് ലി​വ​ര്‍പൂ​ളി​ന്‍റെ ആ​ന്‍ഫീ​ല്‍ഡി​ലും ന​ട​ക്കും. പോ​ര്‍ട്ടോ​യി​ല്‍ ലി​വ​ര്‍പൂ​ളി​നാ​യി സാ​ദി​യോ മാ​നെ, മു​ഹ​മ്മ​ദ് സ​ല, റോ​ബ​ര്‍ട്ടോ ഫി​ര്‍മി​നോ, വി​ര്‍ജി​ല്‍ വാ​ന്‍ ഡി​ക് എ​ന്നി​വ​രാ​ണ് ഗോ​ള്‍ നേ​ടി​യ​ത്.

മ​ത്സ​ര​ത്തി​ന്‍റെ തു​ട​ക്ക​ത്തി​ല്‍ പോ​ര്‍ട്ടോ​യു​ടെ ഭീ​ഷ​ണി ചെ​റു​താ​യി ലി​വ​ര്‍പൂ​ളി​ന് നേ​രി​ടേ​ണ്ടി​വ​ന്നു. എ​ന്നാ​ല്‍ 26-ാം മി​നി​റ്റി​ല്‍ മാ​നെ​യു​ടെ ഗോ​ളോ​ടെ ലി​വ​ര്‍പൂ​ള്‍ ആ​ശ്വാ​സം നേ​ടി. വി​എ​ആ​റി​ലൂ​ടെ​യാ​ണ് ഗോ​ള്‍ നി​ര്‍ണ​യി​ച്ച​ത്. ഇ​ട​വേ​ള​യ്ക്കു​ശേ​ഷം സ​ല (65-ാം മി​നി​റ്റ്) സ​ന്ദ​ര്‍ശ​ക​രു​ടെ ലീ​ഡ് ഉ​യ​ര്‍ത്തി. 68-ാം മി​നി​റ്റി​ല്‍ എ​ഡ​ര്‍ മി​ലി​റ്റോ പോ​ര്‍ട്ടോ​യ്ക്കാ​യി ഒ​രു ഗോ​ള്‍ മ​ട​ക്കി. ഇ​തോ​ടെ ഈ ​ചാ​മ്പ്യ​ന്‍സ് ലീ​ഗ് സീ​സ​ണി​ന്‍റെ ക്വാ​ര്‍ട്ട​ര്‍ ഫൈ​ന​ലി​ല്‍ ഒ​രു ഗോ​ള്‍ പോ​ലും നേ​ടാ​ത്ത ടീ​മെ​ന്ന നാ​ണ​ക്കേ​ട് മാ​ഞ്ച​സ്റ്റ​ര്‍ യു​ണൈ​റ്റ​ഡ് സ്വ​ന്ത​മാ​ക്കു​ക​യും ചെ​യ്തു. ഫി​ര്‍മി​നോ (77-ാം മി​നി​റ്റ്), വാ​ന്‍ ഡി​ക് (84-ാം മി​നി​റ്റ്) എ​ന്നി​വ​രു​ടെ ക്ലോ​സ് റേ​ഞ്ച് ഹെ​ഡ​റി​ലൂ​ടെ ലി​വ​ര്‍പൂ​ള്‍ ആ​ധി​കാ​രി​ക ജ​യം സ്വ​ന്ത​മാ​ക്കി.


മാ​നെ ഗോ​ള്‍ നേ​ടു​ന്ന​തു​വ​രെ പോ​ര്‍ട്ടോ ലി​പ​ര്‍പൂ​ളി​നെ വി​ഷ​മിപ്പി​ച്ചു​കൊ​ണ്ടി​രു​ന്നു. അ​വ​രു​ടെ നീ​ക്ക​ങ്ങ​ള്‍ ഗോ​ളാക​ളാ​കു​മെ​ന്നു വ​രെ തോ​ന്നി​പ്പി​ച്ചു. എ​ന്നാ​ല്‍ പോ​ര്‍ട്ടോ ക​ളി​ക്കാ​രു​ടെ ഫി​നി​ഷിം​ഗി​ലെ പോ​രാ​യ്മ ലി​വ​ര്‍പൂ​ളി​നെ ര​ക്ഷ​പ്പെ​ടു​ത്തി. ആ​ദ്യ 20 മി​നി​റ്റി​ല്‍ ല​ഭി​ച്ച കു​റ​ഞ്ഞ​ത് അ​ഞ്ച് അ​വ​സ​ര​ങ്ങ​ള്‍ മൂ​സ മ​രേ​ഗ ന​ഷ്ട​മാ​ക്കി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.