ഒസാക്കോ ഡബിളിൽ ജപ്പാൻ : Deepika.com Sports News |

Click here for detailed news of all items

ഒസാക്കോ ഡബിളിൽ ജപ്പാൻ

Thursday, January 10, 2019 12:56 AM IST

അബുദാബി: എഎഫ്സി ഏഷ്യൻ കപ്പ് ഫുട്ബോളിൽ ജയത്തോടെ ജപ്പാൻ ശുഭാരംഭം കുറിച്ചു. ഗ്രൂപ്പ് എഫിലെ പോരാട്ടത്തിൽ ജപ്പാനെ വിറപ്പിച്ചശേഷം 2-3ന് തുർക്ക്മെനിസ്ഥാൻ കീഴടങ്ങി. ആദ്യ പകുതിയിൽ അമനോവിന്‍റെ (26-ാം മിനിറ്റ്) ഗോളിൽ തുർക്ക്മെനിസ്ഥാൻ മുന്നിലായിരുന്നു. യുയ ഒസാക്കോയുടെ ഇരട്ട ഗോളാണ് ജപ്പാനെ ജയത്തിലേക്ക് കൈപിടിച്ചത്.

അഞ്ച് മിനിറ്റിനുള്ളിൽ രണ്ട് ഗോളടിച്ച ഒസാക്കോ ജപ്പാനെ 2-1നു മുന്നിലെത്തിച്ചു. 56, 60 മിനിറ്റുകളിലായിരുന്നു ഒസാക്കോയുടെ ഗോളുകൾ. 71-ാം മിനിറ്റിൽ റിറ്റ്സു ഡോണ്‍ ജപ്പാന്‍റെ ഗോൾ വ്യത്യാസം 3-1 ആക്കി. എന്നാൽ, 79-ാം മിനിറ്റിൽ ഗോളി സ്യൂചി ഗോണ്‍ഡയുടെ ഫൗളിനു പെനൽറ്റി വഴങ്ങേണ്ടിവന്ന ജപ്പാൻ ഒരു ഗോൾ തിരികെ വാങ്ങി. ഗ്രൂപ്പ് എഫിലെ മറ്റൊരു മത്സരത്തിൽ ഉസ്ബക്കിസ്ഥാൻ 2-1ന് ഒമാനെ കീഴടക്കി മൂന്ന് പോയിന്‍റ് സ്വന്തമാക്കി.

ഗ്രൂപ്പ് ഡിയിൽ ഇറാനു പിന്നാലെ ഇറാക്കും ജയം നേടി. രണ്ട് തവണ പിന്നിട്ടുനിന്നശേഷം ഇറാക്ക് 3-2ന് വയറ്റ്നാമിനെയാണ് കീഴടക്കിയത്. 24-ാം മിനിറ്റിൽ അലി ഫൈസ് അറ്റിയയുടെ സെൽഫ് ഗോളിൽ വിയറ്റ്നാം മുന്നിൽ കടന്നു. എന്നാൽ, മുഹനദ് അലി (35-ാം മിനിറ്റ്) ഇറാക്കിനെ ഒപ്പമെത്തിച്ചു. കോംഗ് പ്യൂങിലൂടെ (42-ാം മിനിറ്റ്) വിയറ്റ്നാം വീണ്ടും മുന്നിൽ കടന്നെങ്കിലും ഹുമാം തരീഖ് (60-ാം മിനിറ്റ്) വീണ്ടും ഒപ്പംപിടിച്ചു. 90-ാം മിനിറ്റിൽ അലി അഡ്നാൻ ഇറാക്കിനു ജയം സമ്മാനിച്ച ഗോൾ സ്വന്തമാക്കി.

ഗ്രൂപ്പ് ഇയിലെ ആദ്യ മത്സരത്തിൽ സൗദി അറേബ്യ മറുപടിയില്ലാത്ത നാല് ഗോളുകൾക്ക് ഉത്തര കൊറിയയെ തകർത്തു. ഹറ്റൻ ബഹേബ്രി (28-ാം മിനിറ്റ്), മുഹമ്മദ് അൽ ഫത്തിൽ (37-ാം മിനിറ്റ്), സലീം അൽ ഡൗസാരി (70-ാം മിനിറ്റ്), ഫഹദ് അൽ മുവല്ലാദ് (87-ാം മിനിറ്റ്) എന്നിവരാണ് സൗദിക്കായി ഗോൾ നേടിയത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.