ഔട്ട്ലുക്ക് റാങ്കിംഗിൽ തിളങ്ങി ആസ്റ്റർ മെഡിസിറ്റി
Wednesday, June 19, 2024 12:46 AM IST
കൊച്ചി: ഈവർഷത്തെ ഔട്ട്ലുക്ക് ആൻഡ് എൻഇബി റിസർച്ച് റാങ്കിംഗിൽ ഇന്ത്യയിലെ ഏറ്റവും മികച്ച രണ്ടാമത്തെ മൾട്ടി സ്പെഷാലിറ്റി ആശുപത്രിയായി ആസ്റ്റർ മെഡിസിറ്റി തെരഞ്ഞെടുക്കപ്പെട്ടു. ദക്ഷിണേന്ത്യയിലെ ഒന്നാംസ്ഥാനവും ആസ്റ്ററിനാണ്.
ഇന്ത്യയിലെ ഏറ്റവും മികച്ച മൂന്നാമത്തെ യൂറോളജി ആശുപത്രി എന്ന അംഗീകാരം ആസ്റ്റർ മെഡിസിറ്റിക്കാണ്.
ആസ്റ്റർ മെഡിസിറ്റി നൽകുന്ന ഉന്നതനിലവാരമുള്ള ചികിത്സാസേവനങ്ങൾക്കുള്ള അംഗീകാരമാണ് പട്ടികയിലെ ഉയർന്ന സ്ഥാനമെന്ന് ആസ്റ്റർ അധികൃതർ പറഞ്ഞു.