മുത്തൂറ്റ് ഫിനാന്‍സ് 65 കോടി ഡോളര്‍ സമാഹരിച്ചു
Tuesday, May 21, 2024 1:23 AM IST
കൊച്ചി: മുത്തൂറ്റ് ഫിനാന്‍സ് ലിമിറ്റഡ് ഡോളര്‍ ബോണ്ട് വഴി 65 കോടി ഡോളര്‍ (5,400 കോടി രൂപ) സമാഹരിച്ചു.
മൂന്ന് വര്‍ഷവും ഒന്പത് മാസവും കാലാവധിയുള്ള ബോണ്ടുകള്‍ വഴി 7.125 ശതമാനം പലിശ നിരക്കിലാണ് ഫണ്ട് സമാഹരിച്ചത്.
റിസര്‍വ് ബാങ്ക് ഓഫ് ഇന്ത്യയുടെ എക്‌സ്‌റ്റേണല്‍ കൊമേഴ്‌സ്യല്‍ ലോണിംഗ് മാര്‍ഗനിര്‍ദേശങ്ങള്‍ക്ക് കീഴില്‍ അനുവദനീയമായ വായ്പ നല്‍കുന്നതിനും മറ്റ് പ്രവര്‍ത്തനങ്ങള്‍ക്കുമായി സമാഹരിച്ച ഫണ്ട് ഉപയോഗിക്കും.