സംസ്ഥാനത്ത് കൊക്കോ ഉത്പാദനത്തിന്റെ 50 ശതമാനവും ഇടുക്കി ജില്ലയിലാണ്. ഹൈറേഞ്ച് പ്രദേശങ്ങളിലാണ് കൃഷി കൂടുതല്. വിലയിടിവിനെ തുടർന്നു നിരവധി കർഷകർ കൊക്കോ വെട്ടിനീക്കി ഏലം ഉൾപ്പെടെയുള്ള മറ്റുകൃഷികളിലേക്ക് മാറിയിരുന്നു.
അണ്ണാൻ, മരപ്പട്ടി, കുരങ്ങ് തുടങ്ങിയവയുടെ ശല്യം ഉത്പാദനത്തെ സാരമായി ബാധിച്ചതും തിരിച്ചടിയായി. ഉത്പാദനം കുറഞ്ഞ സമയമായതിനാൽ നിലവിലെ വിലക്കയറ്റം കർഷകനു കാര്യമായ പ്രയോജനം ചെയ്യാത്ത സാഹചര്യമാണ്.
കൊക്കോ ഏറ്റവും കൂടുതൽ ഉത്പാദിപ്പിക്കുന്നത് ഐവറികോസ്റ്റിലാണ്- പ്രതിവർഷം മൂന്നുലക്ഷം ടണ്. ഇവിടെ ഉത്പാദനത്തിലുണ്ടായ ഇടിവാണ് കേരളത്തിലടക്കം കൊക്കോവില കുതിച്ചുയരാൻ പ്രധാന കാരണം.