Business News
തകർച്ചഭീതിയിൽ പാശ്ചാത്യബാങ്കുകൾ; ഡോയിഷെ ബാങ്ക് ഓഹരി ഇടിഞ്ഞു
തകർച്ചഭീതിയിൽ പാശ്ചാത്യബാങ്കുകൾ; ഡോയിഷെ ബാങ്ക് ഓഹരി ഇടിഞ്ഞു
Saturday, March 25, 2023 12:02 AM IST
ഫ്രാ​ങ്ക്ഫ​ർ​ട്ട് /ന്യൂ​യോ​ർ​ക്ക്: ബാ​ങ്കിം​ഗ് പ്ര​തി​സ​ന്ധി​യെ​പ്പ​റ്റി​യു​ള്ള ഭീ​തി വീ​ണ്ടും വ​ർ​ധി​ച്ചു. യൂ​റോ​പ്പി​ലെ വ​ലി​യ ബാ​ങ്കു​ക​ൾ​ക്ക് വി​പ​ണി​യി​ൽ അ​പ്ര​തീ​ക്ഷി​ത തി​രി​ച്ച​ടി. യു​എ​സി​ൽ ത​ക​ർ​ച്ച ഭീ​തി ഇ​ട​ത്ത​രം ബാ​ങ്കു​ക​ളെ വേ​ട്ട​യാ​ടു​ന്നു.

ജ​ർ​മ​നി​യി​ലെ ഡോ​യി​ഷെ ബാ​ങ്കും സ്വി​റ്റ്സ​ർ​ല​ൻ​ഡി​ലെ യു​ബി​എ​സും ഇ​ന്ന​ലെ ഓ​ഹ​രി വി​പ​ണി​യി​ൽ വ​ലി​യ ത​ക​ർ​ച്ച നേ​രി​ട്ടു. ഒ​പ്പം യൂ​റോ​പ്യ​ൻ, യു​എ​സ് ഓ​ഹ​രി വി​പ​ണി​ക​ളും ആ​ടി​യു​ല​ഞ്ഞു.
ജ​ർ​മ​നി​യി​ലെ ഏ​റ്റ​വും വ​ലി​യ ബാ​ങ്കാ​യ ഡോ​യി​ച്ച് ബാ​ങ്കി​ന്‍റെ ഓ​ഹ​രി​ക​ൾ ഇ​ന്ന​ലെ 15 ശ​ത​മാ​നം ഇ​ടി​ഞ്ഞു. ബാ​ങ്ക് ഇ​റ​ക്കി​യ ക​ട​പ്പ​ത്ര​ങ്ങ​ളു​ടെ വി​ല കു​ത്ത​നേ താ​ണു. കു​ഴ​പ്പ​ത്തി​ലാ​യ ക്രെ​ഡി​റ്റ് സ്വീ​സി​നെ ഈ​യാ​ഴ്ച ആ​ദ്യം ഏ​റ്റെ​ടു​ത്ത യു​ബി​എ​സി​ന്‍റെ ഓ​ഹ​രി എ​ട്ടു ശ​ത​മാ​നം വ​രെ താ​ണു. ക്രെ​ഡി​റ്റ് സ്വീ​സ് ഏ​ഴു ശ​ത​മാ​നം ഇ​ടി​വി​ലാ​യി.

യൂ​റോ​പ്യ​ൻ ബാ​ങ്കു​ക​ൾ എ​ല്ലാം ഇ​ന്ന​ലെ താ​ഴ്ച​യി​ലാ​ണ്. ജ​ർ​മ​നി​യി​ലെ കൊ​മേ​ഴ്സ് ബാ​ങ്ക് ഒ​ൻ​പ​തു ശ​ത​മാ​നം ഇ​ടി​ഞ്ഞി​ട്ടു ന​ഷ്ടം കു​റ​ച്ചു.

മൂ​ന്നാ​ഴ്ച മു​ൻ​പ് അ​മേ​രി​ക്ക​യി​ലെ ഇ​ട​ത്ത​രം ബാ​ങ്കു​ക​ളി​ലാ​രം​ഭി​ച്ച കു​ഴ​പ്പ​ങ്ങ​ൾ ര​ണ്ടാ​ഴ്ച മു​ന്പ് യൂ​റോ​പ്പി​ലേ​ക്കു വ്യാ​പി​ച്ചു. കു​റേ വ​ർ​ഷ​ങ്ങ​ളാ​യി പ്ര​ശ്ന​ങ്ങ​ളി​ൽ പെ​ട്ടു വ​ല​ഞ്ഞെ ക്രെ​ഡി​റ്റ് സ്വീ​സ് ത​ക​ർ​ച്ച​യു​ടെ വ​ക്കി​ലെ​ത്തി. സ്വി​സ് ഗ​വ​ണ്മെ​ന്‍റ് ഇ​ട​പെ​ട്ട് അ​വി​ട​ത്തെ വ​ലി​യ ബാ​ങ്കാ​യ യു​ബി​എ​സി​നെ​ക്കൊ​ണ്ട് അ​തി​നെ ഏ​റ്റെ​ടു​പ്പി​ച്ചു.

ഡോ​യി​ഷെ ബാ​ങ്കും നാ​ല​ഞ്ചു വ​ർ​ഷ​ങ്ങ​ളാ​യി പ്ര​ശ്ന​ങ്ങ​ളി​ലാ​ണ്. നാ​ലു വ​ർ​ഷം നീ​ണ്ട ചെ​ല​വു​ചു​രു​ക്ക​ലും അ​ഴി​ച്ചു പ​ണി​യും ക​ഴി​ഞ്ഞ ഡി​സം​ബ​റി​ലാ​ണു തീ​ർ​ന്ന​ത്. യു​ബി​എ​സി​ന്‍റെ 30 മ​ട​ങ്ങ് വി​പ​ണി​മൂ​ല്യം (1.8 ല​ക്ഷം കോ​ടി ഡോ​ള​ർ) ഡോ​യി​ഷെയ്ക്കു​ണ്ട്. ബാ​ങ്ക് വി​റ്റ ക​ട​പ്പ​ത്ര​ങ്ങ​ൾ ഇ​ൻ​ഷ്വ​ർ ചെ​യ്യു​ന്ന​തി​നു​ള്ള നി​ര​ക്ക് (ക്രെ​ഡി​റ്റ് ഡി​ഫോ​ൾ​ട്ട് സ്വാ​പ്) പെ​ട്ടെ​ന്നു കു​തി​ച്ചു​യ​ർ​ന്ന​താ​ണ് ഓ​ഹ​രി​വി​ല ത​ക​രാ​ൻ വ​ഴി തെ​ളി​ച്ച​ത്.


അ​മേ​രി​ക്ക​യി​ലെ ഇ​ട​ത്ത​രം ബാ​ങ്കു​ക​ളു​ടെ കാ​ര്യ​ത്തി​ലും ആ​ശ​ങ്ക അ​ക​ന്നി​ട്ടി​ല്ല. ഫ​സ്റ്റ് റി​പ്പ​ബ്ലി​ക്, പാ​ക് വെ​സ്റ്റ്, സ​യ​ണ്‍സ് തു​ട​ങ്ങി അ​ര ഡ​സ​നോ​ളം ഇ​ട​ത്ത​രം ബാ​ങ്കു​ക​ൾ ഫെ​ഡ​റ​ൽ റി​സ​ർ​വി​ൽ നി​ന്ന് ല​ഭി​ക്കു​ന്ന അ​ടി​യ​ന്ത​ര വാ​യ്പ​ക​ൾ പ​ര​മാ​വ​ധി ഉ​പ​യോ​ഗി​ച്ചാ​ണ് മു​ന്നോ​ട്ടു പോ​കു​ന്ന​ത്. ഇ​വ​യു​ടെ ഓ​ഹ​രി​ക​ൾ ഇ​ന്ന​ലെ മൂ​ന്നു മു​ത​ൽ ഏ​ഴു വ​രെ ശ​ത​മാ​നം ഇ​ടി​ഞ്ഞു.

സു​ര​ക്ഷി​ത​മെ​ന്നു ക​ണ​ക്കാ​ക്കി സ​ർ​ക്കാ​ർ ക​ട​പ്പ​ത്ര​ങ്ങ​ളി​ൽ ന​ട​ത്തി​യ വ​ലി​യ നി​ക്ഷേ​പ​മാ​ണ് ഇ​വ​യ്ക്കു വി​ന​യാ​യി​രി​ക്കു​ന്ന​ത്. ക​ട​പ്പ​ത്ര​ങ്ങ​ൾ വാ​ങ്ങി​യ​പ്പോ​ൾ പ​ലി​ശ കു​റ​വാ​യി​രു​ന്നു. പ​ലി​ശ കു​റ​വെ​ങ്കി​ൽ ക​ട​പ്പ​ത്ര വി​ല ഉ​യ​ർ​ന്നു നി​ൽ​ക്കും. പ​ലി​ശ കൂ​ടു​ന്പോ​ൾ വി​ല കു​റ​യും. ക​ഴി​ഞ്ഞ വ​ർ​ഷം മാ​ർ​ച്ച് മു​ത​ൽ പ​ലി​ശ വ​ർ​ധി​ക്കു​ക​യാ​ണ്, ഒ​പ്പം ക​ട​പ്പ​ത്ര​വി​ല ഇ​ടി​യു​ക​യും ചെ​യ്യു​ന്നു. വി​ല​യി​ൽ 10 ശ​ത​മാ​ന​ത്തി​ല​ധി​കം ഇ​ടി​വു​ണ്ട്.

യു​എ​സ് ബാ​ങ്കിം​ഗ് മേ​ഖ​ല ക​ട​പ്പ​ത്ര​വി​ല​യി​ലെ ഇ​ടി​വു മൂ​ലം 1.7 ല​ക്ഷം കോ​ടി ഡോ​ള​ർ ന​ഷ്ട​ത്തി​ലാ​ണു നി​ൽ​ക്കു​ന്ന​തെ​ന്ന് ന്യൂ​യോ​ർ​ക്ക് യൂ​ണി​വേ​ഴ്സി​റ്റി​യി​ലെ ഒ​രു പ​ഠ​ന​ത്തി​ൽ ക​ണ്ടു. ഇ​ത​ത്ര​യും ബാ​ങ്കി​നു ന​ഷ്ട​മാ​യി വ​രേ​ണ്ട​തി​ല്ല. കു​റ​ച്ചു വ​ർ​ഷം ക​ഴി​ഞ്ഞു പ​ലി​ശ താ​ഴ്ന്നാ​ൽ ക​ട​പ്പ​ത്ര വി​ല ഉ​യ​രും. ന​ഷ്ടം മ​റ​യും. അ​ത്ര​യ്ക്കു സാ​വ​കാ​ശം കി​ട്ടി​യി​ല്ലെ​ങ്കി​ൽ പ്ര​ശ്ന​മാ​കും.

സാ​വ​കാ​ശം കി​ട്ടാ​തി​രു​ന്ന​താ​ണ് സി​ലി​ക്ക​ണ്‍ വാ​ലി ബാ​ങ്കി​നെ വീ​ഴ്ത്തി​യ​ത്. നി​ക്ഷേ​പ​ക​ർ​ക്കു പ​ണം മ​ട​ക്കി ന​ൽ​കാ​ൻ 2100 കോ​ടി ഡോ​ള​റി​ന്‍റെ ക​ട​പ്പ​ത്ര​ങ്ങ​ൾ വി​ൽ​ക്കേ​ണ്ടി വ​ന്നു. ആ ​വി​ൽ​പ​ന​യി​ലെ ന​ഷ്ടം 180 കോ​ടി ഡോ​ള​ർ. ന​ഷ്ടം നി​ക​ത്താ​ൻ ഓ​ഹ​രി വി​ൽ​ക്കാ​ൻ ശ്ര​മി​ച്ചു. ബാ​ങ്ക് ത​ക​ർ​ച്ച​യി​ലാ​ണെ​ന്ന പ്ര​ചാ​ര​ണ​ത്തി​നാ​ണ് അ​തു വ​ഴി​തെ​ളി​ച്ച​ത്. പി​ന്നെ താ​മ​സി​ച്ചി​ല്ല. ര​ണ്ടാം ദി​വ​സം ബാ​ങ്ക് ത​ക​ർ​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.