വളർച്ചയിൽ ഇടർച്ച; ലോകസാന്പത്തിക വളർച്ചാപ്രതീക്ഷ തിരുത്തി ഐഎംഎഫ് : Deepika.com Business News |

Click here for detailed news of all items

വളർച്ചയിൽ ഇടർച്ച; ലോകസാന്പത്തിക വളർച്ചാപ്രതീക്ഷ തിരുത്തി ഐഎംഎഫ്

Wednesday, January 26, 2022 12:53 AM IST

മുംബൈ: ഈ വർഷത്തെ ലോക സാന്പത്തിക വളർച്ചാപ്രതീക്ഷ തിരുത്തി അന്താരാഷ്‌ട്ര നാണ്യ നിധി (ഐഎംഎഫ്). ആഗോള സാന്പത്തിക വളർച്ച 4.4 ശതമാനമായിരിക്കുമെന്നാണ് ഐഎംഎഫിന്‍റെ പുതിയ വിലയിരുത്തൽ. നേരത്തേ 4.9 ശതമാനം വളർച്ചയായിരുന്നു ഐഎംഎഫ് പ്രവചിച്ചിരുന്നത്. ഒമിക്രോൺ വ്യാപനം, ചൈനയിലെ സാന്പത്തിക പ്രതിസന്ധി, ഉയർന്ന വിലക്കയറ്റം , ഇന്ധന വിലയിലെ വർധന തുടങ്ങിയവ പരിഗണിച്ചാണു തിരുത്തൽ.

നടപ്പു ധനകാര്യ വർഷത്തെ ഇന്ത്യയുടെ പ്രതീക്ഷിത വളർച്ചാ നിരക്കും 9 ശതമാനമായി ഐഎംഎഫ് തിരുത്തി. ഇന്ത്യ 9.5 ശതമാനം വളർച്ച നേടുമെന്നാണ് ഏജൻസി ഒക്ടോബറിൽ പറഞ്ഞത്. നടപ്പു ധനകാര്യ വർഷം ഇന്ത്യൻ ജിഡിപി 9.2 ശതമാനം വളരുമെന്നാണ് കേന്ദ്രധനമന്ത്രാലയത്തിന്‍റെ വിലയിരുത്തൽ. ആർബിഎെ ആകട്ടെ 9.5 ശതമാനം വളർച്ചയാണ് പ്രതീക്ഷിക്കുന്നത്.

യുഎസിന്‍റെ വളർച്ചാ പ്രതീക്ഷയും ഐഎംഎഫ് തിരുത്തിയിട്ടുണ്ട്. ഈ വർഷം നാലു ശതമാനം വളരുമെന്നാണു പുതിയ വിലയിരുത്തൽ. യുഎസ് 5.2 ശതമാനം വളരുമെന്നായിരുന്നു ഏജൻസിയുടെ മുൻ കണക്കൂകൂട്ടൽ. ചൈനയുടെ വളർച്ചാ പ്രതീക്ഷയും ഐഎംഎഫ് 4.8 ശതമാക്കി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.