ഇ​ന്ത്യ​ൻ ക​ന്പ​നി​ക​ളു​ടെ റേ​റ്റിം​ഗ് താ​ഴ്ത്തി
Wednesday, June 3, 2020 11:02 PM IST
മും​ബൈ: രാ​ജ്യ​ത്തി​ന്‍റെ റേ​റ്റിം​ഗ് താ​ഴ്ത്തി​യ മൂ​ഡീ​സ്, പ്ര​മു​ഖ ഇ​ന്ത്യ​ൻ ക​ന്പ​നി​ക​ളു​ടെ റേ​റ്റിം​ഗും താ​ഴ്ത്തി. ഇ​ൻ​ഫോ​സി​സ് ടെ​ക്നോ​ള​ജീ​സ്, ടി​സി​എ​സ്, ഒ​എ​ൻ​ജി​സി, സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ, എ​ച്ച്ഡി​എ​ഫ്സി ബാ​ങ്ക്, എ​ക്സിം ബാ​ങ്ക്, ഇ​ൻ​ഡ​സ് ഇ​ൻ​ഡ് ബാ​ങ്ക് എ​ന്നി​വ ഇ​ങ്ങ​നെ താ​ഴ്ത്ത​പ്പെ​ട്ട​വ​യി​ൽ​പ്പെ​ടു​ന്നു.

എ​ൻ​ടി​പി​സി, എ​ന്‍എ​ച്ച്പി​സി, ഗെ​യി​ൽ, ഇ​ന്ത്യ​ൻ റെ​യി​ൽ​വേ ഫി​നാ​ൻ​സ് കോ​ർ​പ​റേ​ഷ​ൻ, അ​ദാ​നി ഗ്രീ​ൻ എ​ന​ർ​ജി തു​ട​ങ്ങി​യ​വ​യു​ടെ റേ​റ്റിം​ഗും താ​ഴ്ത്തി. റി​ല​യ​ൻ​സ് ഇ​ൻ​ഡ​സ്ട്രീ​സി​ന്‍റെ റേ​റ്റിം​ഗ് താ​ഴ്ത്തി​യി​ല്ലെ​ങ്കി​ലും ഭാ​വി​സാ​ധ്യ​ത നെ​ഗ​റ്റീ​വ് ആ​ക്കി.

നി​ക്ഷേ​പ​യോ​ഗ്യ​മാ​യ​വ​യി​ൽ ഏ​റ്റ​വും താ​ണ ബി​എ​എ3(​നെ​ഗ​റ്റീ​വ്) എ​ന്ന റേ​റ്റിം​ഗി​ലേ​ക്കാ​ണ് തി​ങ്ക​ളാ​ഴ്ച മൂ​ഡീ​സ് ഇ​ൻ​വെ​സ്റ്റേ​ഴ്സ് സ​ർ​വീ​സ് ഇ​ന്ത്യ​യെ താ​ഴ്ത്തി​യ​ത്. 2017-ൽ ​ബി​എ​എ2 ലേ​ക്ക് ഉ​യ​ർ​ത്തി​യ​താ​യി​രു​ന്നു.

1998-ൽ ​ഇ​ന്ത്യ അ​ണു​ബോം​ബ് പ​രീ​ക്ഷി​ച്ച​തി​നെ​ത്തു​ട​ർ​ന്നാ​ണ് ഇ​ന്ത്യ​യു​ടെ റേ​റ്റിം​ഗ് താ​ഴ്ത്തി​യ​ത്. പി​ന്നീ​ട് ര​ണ്ടു​ത​വ​ണ റേ​റ്റിം​ഗ് കൂ​ട്ടി. 22 വ​ർ​ഷ​ത്തി​നു​ ശേ​ഷ​മാ​ണ് ഇ​പ്പോ​ഴ​ത്തെ റേ​റ്റിം​ഗ് താ​ഴ്ത്ത​ൽ.


ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​ൻ, ബി​പി​സി​എ​ൽ,എ​ച്ച്പി​സി​എ​ൽ, ഓ​യി​ൽ ഇ​ന്ത്യ, പെ​ട്രോ​നെ​റ്റ് എ​ൽ​എ​ൻ​ജി തു​ട​ങ്ങി​യ​വ​യു​ടെ റേ​റ്റിം​ഗും താ​ഴ്ത്തി.

റേ​റ്റിം​ഗ് താ​ഴു​ന്പോ​ൾ വി​ദേ​ശ​ത്തു​നി​ന്നെ​ടു​ക്കു​ന്ന വാ​യ്പ​യ്ക്കു പ​ലി​ശ കൂ​ടും. ഇ​ന്ത്യാ ഗ​വ​ൺ​മെ​ന്‍റ് ഇ​പ്പോ​ൾ വി​ദേ​ശ​ക​ടം എ​ടു​ക്കാ​റി​ല്ല. ബ​ഹു​രാ​ഷ്‌​ട്ര സ്ഥാ​പ​ന​ങ്ങ​ളാ​യ ലോ​ക​ബാ​ങ്കും എ​ഡി​ബി​യും മ​റ്റും ന​ൽ​കു​ന്ന ദീ​ർ​ഘ​കാ​ല വി​ക​സ​നവാ​യ്പ​ക​ൾ വാ​ങ്ങാ​റു​ണ്ടെ​ങ്കി​ലും അ​വ​യ്ക്ക് ഈ ​റേ​റ്റിം​ഗ് ബാ​ധ​ക​മ​ല്ല.

എ​ന്നാ​ൽ രാ​ജ്യ​ത്തെ പ്ര​മു​ഖ ക​ന്പ​നി​ക​ൾ ധാ​രാ​ളം വാ​ണി​ജ്യവാ​യ്പ​ക​ൾ വി​ദേ​ശ​ബാ​ങ്കു​ക​ളി​ൽ​നി​ന്ന് എ​ടു​ക്കാ​റു​ണ്ട്. വി​ദേ​ശ​ത്ത് ക​ട​പ്പത്രം വി​ൽ​ക്കാ​റു​മു​ണ്ട്.
ഇ​വ​യ്ക്കെ​ല്ലാം റേ​റ്റിം​ഗ് താ​ണ​തു​ മൂ​ലം പ​ലി​ശ​നി​ര​ക്ക് കൂ​ടും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.