റി​സ​ർ​വ് ബാ​ങ്ക് ന​ട​പ​ടി​യു​ടെ പ്ര​ത്യാ​ഘാ​ത​ങ്ങ​ൾ
Saturday, March 28, 2020 12:06 AM IST
1. എ​​ല്ലാ കാ​​ലാ​​വ​​ധി വാ​​യ്പ​​ക​​ൾ​​ക്കും മൂ​​ന്നു​​മാ​​സം മോ​​റ​​ട്ടോ​​റി​​യം.

ഭ​​വ​​ന- വാ​​ഹ​​ന-​​പ​​ഴ്സ​​ണ​​ൽ വാ​​യ്പ​​ക​​ളാ​​ണ് ഇ​​വ​​യി​​ൽ പ്ര​​ധാ​​നം. ഇ​​വ​​യു​​ടെ ഗ​​ഡു​​വും പ​​ലി​​ശ​​യും ചേ​​ർ​​ന്ന ഇ​​എം​​ഐ ഇ​​നി മൂ​​ന്നു​​മാ​​സം അ​​ട​​യ്ക്കേ​​ണ്ട. ഇ​​വ​​യു​​ടെ കാ​​ലാ​​വ​​ധി മൂ​​ന്നു​​മാ​​സം​​കൂ​​ടി നീ​​ട്ടി​​യി​​രി​​ക്കു​​ന്നു എ​​ന്നാ​​ണ് പ്ര​​ഖ്യാ​​പ​​ന​​ത്തി​​ന്‍റെ അ​​ർ​​ഥം. മൂ​​ന്നു​​മാ​​സം ക​​ഴി​​ഞ്ഞ് കൃ​​ത്യ​​മാ​​യി അ​​ട​​യ്ക്ക​​ണം. കാ​​ർ​​ഷി​​ക​​വാ​​യ്പ​​ക​​ളും മ​​റ്റും എ​​ടു​​ത്തി​​ട്ടു​​ള്ള​​വ​​ർ​​ക്ക് ഈ ​​മൂ​​ന്നു​​മാ​​സ​​ത്തി​​നു​​ള്ളി​​ലാ​​ണ് കാ​​ലാ​​വ​​ധി ആ​​കു​​ന്ന​​തെ​​ങ്കി​​ൽ മോ​​റ​​ട്ടോ​​റി​​യം കാ​​ലാ​​വ​​ധി ക​​ഴി​​ഞ്ഞു മാ​​ത്രം അ​​ട​​ച്ചാ​​ൽ മ​​തി.

2. ആ​​രൊ​​ക്കെ ന​​ൽ​​കി​​യ വാ​​യ്പ​​ക​​ളാ​​ണ് ഇ​​ങ്ങ​​നെ മോ​​റ​​ട്ടോ​​റി​​യ​​ത്തി​​ലാ​​കു​​ക?

വാ​​ണി​​ജ്യ​​ബാ​​ങ്കു​​ക​​ൾ, ഗ്രാ​​മീ​​ണ ബാ​​ങ്കു​​ക​​ൾ, സ്മോ​​ൾ ഫി​​നാ​​ൻ​​സ് ബാ​​ങ്കു​​ക​​ൾ, സ​​ഹ​​ക​​ര​​ണ ബാ​​ങ്കു​​ക​​ൾ, ലോ​​ക്ക​​ൽ ഏ​​രി​​യ ബാ​​ങ്കു​​ക​​ൾ, ധ​​ന​​കാ​​ര്യ സ്ഥാ​​പ​​ന​​ങ്ങ​​ൾ, ഭ​​വ​​ന​​വാ​​യ്പാ ക​​ന്പ​​നി​​ക​​ൾ, ബാ​​ങ്കി​​ത​​ര ധ​​ന​​കാ​​ര്യ ക​​ന്പ​​നി​​ക​​ൾ, മൈ​​ക്രോ​​ഫി​​നാ​​ൻ​​സ് സ്ഥാ​​പ​​ന​​ങ്ങ​​ൾ എ​​ന്നി​​വ​​യു​​ടെ​​യെ​​ല്ലാം വാ​​യ്പ​​ക​​ൾ ഇ​​തി​​ൽ​​പ്പെ​​ടും.

3. വ​​ർ​​ക്കിം​​ഗ് ക്യാ​​പ്പി​​റ്റ​​ൽ/​​കാ​​ഷ് ക്രെ​​ഡി​​റ്റ്/​​ഓ​​വ​​ർ ഡ്രാ​​ഫ്റ്റ് എ​​ന്നി​​വ​​യു​​ടെ പ​​ലി​​ശ അ​​ട​​വി​​നു മൂ​​ന്നു​​മാ​​സം സാ​​വ​​കാ​​ശം.

വ്യ​​വ​​സാ​​യ​​ങ്ങ​​ളു​​ടെ​​യും വ്യാ​​പാ​​ര​​സ്ഥാ​​പ​​ന​​ങ്ങ​​ളു​​ടെ​​യും ഇ​​ത്ത​​രം വാ​​യ്പ​​ക​​ളി​​ലെ പ​​ലി​​ശ അ​​ട​​യ്ക്ക​​ലി​​നു സാ​​വ​​കാ​​ശം. പ​​ലി​​ശ ഇ​​ക്കാ​​ല​​യ​​ള​​വി​​ൽ അ​​ട​​യ്ക്കാ​​ത്ത​​തി​​ന്‍റെ പേ​​രി​​ൽ വാ​​യ്പ പ്ര​​ശ്നവാ​​യ്പ ആ​​യി പ​​രി​​ഗ​​ണി​​ക്കി​​ല്ല. ബാ​​ങ്ക് ഈ ​​വാ​​യ്പ​​യ്ക്കാ​​യി പ്ര​​ത്യേ​​ക വ​​ക​​യി​​രു​​ത്ത​​ലും ന​ട​ത്തേ​ണ്ട. വാ​​യ്പ​​യെ​​ടു​​ത്ത​​വ​​രു​​ടെ സി​​ബി​​ൽ സ്കോ​​റി​​ലും പ്ര​​ശ്നം വ​​രി​​ല്ല.

4. റീ​​പോ നി​​ര​​ക്ക് 0.75 ശ​​മാ​​നം കു​​റ​​ച്ചു.

5.15 ശ​​ത​​മാ​​ന​​മാ​​യി​​രു​​ന്ന റീ​​പോ നി​​ര​​ക്ക് 4.4 ശ​​ത​​മാ​​ന​​മാ​​ക്കി. ഇ​​തു​​വ​​ഴി ബാ​​ങ്കു​​ക​​ൾ​​ക്കു വാ​​യ്പാ പ​​ലി​​ശ കു​​റ​​യ്ക്കാ​​നാ​​വും. മി​​ക്ക ബാ​​ങ്കു​​ക​​ളും ഇ​​പ്പോ​​ൾ വാ​​യ്പാ പ​​ലി​​ശ റീ​​പോ​​യു​​മാ​​യി ബ​​ന്ധി​​ച്ചി​​ട്ടു​​ണ്ട്. അ​​തി​​നാ​​ൽ റീ​​പോ​​യി​​ലെ മാ​​റ്റം പ​​ലി​​ശ​​നി​​ര​​ക്കി​​ലും വ​​രും. ബാ​​ങ്കു​​ക​​ൾ​​ക്ക് അ​​ടി​​യ​​ന്ത​​ര​​ഘ​​ട്ട​​ത്തി​​ൽ റി​​സ​​ർ​​വ് ബാ​​ങ്കി​​ൽ​​നി​​ന്നു കി​​ട്ടു​​ന്ന ഹ്ര​​സ്വ​​കാ​​ല വാ​​യ്പ​​യു​​ടെ പ​​ലി​​ശ​​യാ​​ണ് റീ​​പോ നി​​ര​​ക്ക്.


5. റി​​വേ​​ഴ്സ് റീ​​പോ നി​​ര​​ക്ക് 0.9 ശ​​ത​​മാ​​നം കു​​റ​​ച്ചു.

റീ​​പോ​​യും റി​​വേ​​ഴ്സ് റീ​​പോ​​യും ത​​മ്മി​​ൽ 0.25 ശ​​ത​​മാ​​നം വ്യ​​ത്യാ​​സ​​മേ ഉ​​ണ്ടാ​​യി​​രു​​ന്നു​​ള്ളൂ. ഇ​​പ്പോ​​ൾ ഈ ​​വ്യ​​ത്യാ​​സം 0.40 ശ​​ത​​മാ​​ന​​മാ​​യി കൂ​​ട്ടി. വാ​​യ്പ ന​​ൽ​​കാ​​ൻ ബാ​​ങ്കു​​ക​​ളെ പ്രേ​​രി​​പ്പി​​ക്കു​​ന്ന​​തി​​നാ​​ണ് ഇ​​ത്. നേ​​ര​​ത്തേ റി​​വേ​​ഴ്സ് റീ​​പോ 4.9 ശ​​ത​​മാ​​നം ഉ​​ണ്ടാ​​യി​​രു​​ന്ന​​പ്പോ​​ൾ വാ​​യ്പ ന​​ൽ​​കു​​ന്ന​​തി​​നു പ​​ക​​രം റി​​സ​​ർ​​വ് ബാ​​ങ്കി​​നു പ​​ണം ന​​ൽ​​കു​​ന്ന​​താ​​യി​​രു​​ന്നു ലാ​​ഭം. ആ ​​നി​​ല മാ​​റും.

6. ക​​രു​​ത​​ൽ​​പ​​ണ അ​​നു​​പാ​​തം (സി​​ആ​​ർ​​ആ​​ർ) കു​​റ​​ച്ചു.

ബാ​​ങ്കു​​ക​​ളി​​ലെ നി​​ക്ഷേ​​പ​​ത്തി​​ന്‍റെ നാ​​ലു​​ ശ​​ത​​മാ​​നം വാ​​യ്പ ന​​ൽ​​കാ​​തെ റി​​സ​​ർ​​വ് ബാ​​ങ്കി​​ൽ ക​​രു​​ത​​ലാ​​യി സൂ​​ക്ഷി​​ക്ക​​ണം എ​​ന്നു​ണ്ട്​ . ഇ​താ​ണ് സി​ആ​ർ​ആ​ർ.​ ഇ​​ത് ഒ​​രു​​ശ​​ത​​മാ​​നം കു​​റ​​ച്ച​​പ്പോ​​ൾ 1.37 ല​​ക്ഷം കോ​​ടി രൂ​​പ​​കൂ​​ടി വാ​​യ്പ​​യ്ക്കാ​​യി ഉ​​പ​​യോ​​ഗി​​ക്കാം. ഒ​​രു​​വ​​ർ​​ഷ​​ത്തേ​​ക്കു മാ​​ത്ര​​മാ​​ണ് ഈ ​​ആ​​നു​​കൂ​​ല്യം.

7. സി​​ആ​​ർ​​ആ​​റി​​ന്‍റെ പ്ര​​തി​​ദി​​ന നി​​ര​​ക്ക് 90 ശ​​ത​​മാ​​ന​​ത്തി​​ൽ​​നി​​ന്ന് 80 ശ​​ത​​മാ​​ന​​മാ​​യി കു​​റ​​ച്ചു.

സി​​ആ​​ർ​​ആ​​ർ പ്ര​​കാ​​രം അ​​ട​​യ്ക്കേ​​ണ്ട തു​​ക​​യു​ടെ 90 ശ​​ത​​മാ​​നം അ​​ട​​ച്ചാ​​ലും വ്യ​​വ​​സ്ഥ പാ​​ലി​​ച്ചെ​​ന്നു വ​​രു​​മാ​​യി​​രു​​ന്നു. ഇ​​ത് 80 ശ​​ത​​മാ​​ന​​മാ​​ക്കു​​ന്പോ​​ൾ ബാ​​ങ്കു​​ക​​ൾ​​ക്ക് കു​​റേ​​ക്കൂ​​ടി പ​​ണം വാ​​യ്പ ന​​ൽ​​കാം.

8. ബാ​​ങ്കു​​ക​​ൾ​​ക്ക് 3.74 ല​​ക്ഷം കോ​​ടി രൂ​​പ കൂ​​ടു​​ത​​ൽ കൈ​​കാ​​ര്യം ചെ​​യ്യാം.

ബാ​​ങ്കു​​ക​​ളി​​ലെ ഇ​​പ്പോ​​ഴ​​ത്തെ മൊ​​ത്തം നി​​ക്ഷേ​​പ​​ത്തി​​ന്‍റെ 2.6 ശ​​ത​​മാ​​നം വ​​രു​​ന്ന തു​​ക​​യാ​​ണി​​ത്. ഇ​​ത്ര​​യും തു​​ക​​കൂ​​ടി വാ​​യ്പ ന​​ൽ​​കാ​​നാ​​കും.

രാ​​ജ്യ​​ത്തെ പ്ര​​തീ​​ക്ഷി​​ത ജി​​ഡി​​പി​​യു​​ടെ ഒ​​ന്ന​​ര ശ​​ത​​മാ​​ന​​ത്തി​​ലേ​​റെ വ​​രു​​ന്ന​​താ​​ണ് ഈ ​​തു​​ക. ഇ​​ത്ര​​യും വ്യ​​വ​​സാ​​യ​​മേ​​ഖ​​ല വാ​​യ്പ​​യെ​​ടു​​ത്ത് ഉ​​പ​​യോ​​ഗി​​ച്ചാ​​ൽ വ​​ലി​​യ ഉ​​ണ​​ർ​​വ് പ്ര​​തീ​​ക്ഷി​​ക്കാം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.