വ്യവസായ ഉത്പാദനം കുത്തനേ ഇടിഞ്ഞു
Tuesday, November 12, 2019 12:15 AM IST
ന്യൂ​ഡ​ൽ​ഹി: സാ​ന്പ​ത്തി​ക​രം​ഗ​ത്തെ ത​ള​ർ​ച്ച വ്യ​ക്ത​മാ​ക്കി​ക്കൊ​ണ്ട് സെ​പ്റ്റം​ബ​റി​ൽ വ്യ​വ​സാ​യ ഉ​ത്പാ​ദ​നം 4.3 ശ​ത​മാ​നം കു​റ​ഞ്ഞു. തു​ട​ർ​ച്ച​യാ​യ ര​ണ്ടാം മാ​സ​മാ​ണ് ഐ​ഐ​പി (വ്യ​വ​സാ​യ ഉ​ത്പാ​ദ​ന സൂ​ചി​ക) ചു​രു​ങ്ങു​ന്ന​ത്. ഓ​ഗ​സ്റ്റി​ൽ 1.1 ശ​ത​മാ​നം കു​റ​ഞ്ഞി​രു​ന്നു. ഏ​ഴു വ​ർ​ഷ​ത്തി​നി​ട​യി​ലെ ഏ​റ്റ​വും മോ​ശം അ​വ​സ്ഥ​യാ​ണി​ത്.

ത​ലേ സെ​പ്റ്റം​ബ​റി​ൽ 4.6 ശ​ത​മാ​നം വ്യ​വ​സാ​യ ഉ​ത്പാ​ദ​ന വ​ള​ർ​ച്ച ഉ​ണ്ടാ​യ സ്ഥാ​ന​ത്താ​ണ് ഇ​ത്ത​വ​ണ​ തന്നെയുള്ള വീ​ഴ്ച. ഇ​തോ​ടെ ഏ​പ്രി​ൽ-​സെ​പ്റ്റം​ബ​റി​ലെ വ​ള​ർ​ച്ച 1.3 ശ​ത​മാ​ന​മാ​യി താ​ണു.

ഈ ​മാ​സം 29-ന് ​ര​ണ്ടാം ത്രൈ​മാ​സ​ത്തി​ലെ സാ​ന്പ​ത്തി​ക (ജി​ഡി​പി) വ​ള​ർ​ച്ച​ക്ക​ണ​ക്ക് പു​റ​ത്തു​വ​രും. ജൂ​ണി​ല​വ​സാ​നി​ച്ച ത്രൈ​മാ​സ​ത്തി​ൽ അ​ഞ്ചു ശ​ത​മാ​നം വ​ള​ർ​ച്ച​യേ ജി​ഡി​പി​യി​ൽ ഉ​ണ്ടാ​യി​രു​ന്നു​ള്ളൂ. ആ​റു വ​ർ​ഷ​ത്തെ ഏ​റ്റ​വും താ​ണ നി​ല​യി​ലാ​യി​രു​ന്നു അ​ത്. സെ​പ്റ്റം​ബ​റി​ൽ അ​വ​സാ​നി​ച്ച മൂ​ന്നു മാ​സ​ത്തെ ക​ണ​ക്കും ആ​ശാ​വ​ഹ​മ​ാകില്ലെ​ന്നാ​ണു സൂ​ച​ന​ക​ൾ.

ജി​ഡി​പി വ​ള​ർ​ച്ച അ​ഞ്ചു ശ​ത​മാ​ന​ത്തി​ലും താ​ഴെ​യാ​കു​മെ​ന്നു പ​ല നി​രീ​ക്ഷ​ക​രും അ​ഭി​പ്രാ​യ​പ്പെ​ട്ടു ക​ഴി​ഞ്ഞു. വ്യ​വ​സാ​യമേ​ഖ​ല ഗ​ണ്യ​മാ​യി ചു​രു​ങ്ങി എ​ന്ന​ത് ജി​ഡി​പി വ​ള​ർ​ച്ച​യെ സാ​ര​മാ​യി ബാ​ധി​ക്കും.

ഫാ​ക്ട​റി ഉ​ത്പാ​ദ​നം സെ​പ്റ്റം​ബ​റി​ൽ 3.9 ശ​ത​മാ​നം കു​റ​ഞ്ഞു. ത​ലേ സെ​പ്റ്റം​ബ​റി​ൽ 4.8 ശ​ത​മാ​നം വ​ള​ർ​ന്ന​താ​ണ്.

ഊ​ർ​ജോത്പാ​ദ​നം 8.2 ശ​ത​മാ​നം വ​ള​ർ​ച്ച​യി​ൽ​നി​ന്ന് 2.6 ശ​ത​മാ​നം ചു​രു​ങ്ങ​ലി​ലേ​ക്ക് പ​തി​ച്ചു. ത​ലേ വ​ർ​ഷം സെ​പ്റ്റം​ബ​റി​ൽ 0.1 ശ​ത​മാ​നം വ​ള​ർ​ന്ന ഖ​ന​നം ഇ​ത്ത​വ​ണ 8.5 ശ​ത​മാ​നം ചു​രു​ങ്ങി.

മൂ​ല​ധ​ന​സാ​മ​ഗ്രികളുടെ (കാ​പ്പി​റ്റ​ൽ ഗു​ഡ്സ്)​ ഉ​ത്പാ​ദ​നം 20.7 ശ​ത​മാ​ന​മാ​ണ് ഇ​ടി​ഞ്ഞ​ത്. പു​തി​യ മൂ​ല​ധ​ന​നി​ക്ഷേ​പം വ​ഴി ഫാ​ക്ട​റി​ക​ളും മ​റ്റും നി​ർ​മി​ക്കു​ന്ന​തു കു​ത്ത​നേ ഇ​ടി​ഞ്ഞു​വെ​ന്നാ​ണ് ഇ​തി​ന്‍റെ അ​ർ​ഥം.


വ്യ​വ​സാ​യ മേ​ഖ​ല​യി​ൽ ആ​ത്മ​വി​ശ്വാ​സം കു​റ​ഞ്ഞു എ​ന്ന സ​ർ​വേ ഫ​ലം പു​റ​ത്തു​വ​ന്ന​തി​നു പി​ന്നാ​ലെ​യാ​ണു വ്യ​വ​സാ​യ ഉ​ത്പാ​ദ​നം ഇ​ടി​ഞ്ഞെ​ന്ന ക​ണ​ക്കു വ​ന്ന​ത്. നാ​ഷ​ണ​ൽ കൗ​ൺ​സി​ൽ ഓ​ഫ് അ​പ്ലൈ​ഡ് ഇ​ക്ക​ണോ​മി​ക് റി​സ​ർ​ച്ച് (എ​ൻ​സി​എ​ഇ​ആ​ർ) ന​ട​ത്തി​യ ബി​സി​ന​സ് കോ​ൺ​ഫി​ഡ​ൻ​സ് സ​ർ​വേ 15.3 ശ​ത​മാ​നം താ​ഴ്ച​യാ​ണു കാ​ണി​ച്ച​ത്. ജൂ​ലൈ ത്രൈ​മാ​സ​ത്തെ അ​പേ​ക്ഷി​ച്ച് 15.3 ശ​ത​മാ​നം താ​ണു 103.1 ആ​ണ് ഒ​ക്ടോ​ബ​ർ ത്രൈ​മാ​സ​ത്തി​ലെ ബി​സി​ന​സ് കോ​ൺ​ഫി​ഡ​ൻ​സ് സൂ​ചി​ക. 2013 ഒ​ക്ടോ​ബ​റി​ലെ 100.4 മാ​ത്ര​മാ​ണ് ഇ​തി​ലും കു​റ​ഞ്ഞ ബി​സി​ന​സ് കോ​ൺ​ഫി​ഡ​ൻ​സ് സൂ​ചി​ക രേ​ഖ​പ്പെ​ടു​ത്തി​യി​ട്ടു​ണ്ട്.

റേ​റ്റിം​ഗ് ഏ​ജ​ൻ​സി​യാ​യ മൂ​ഡീ​സ് ഇ​ന്ത്യ​യു​ടെ റേ​റ്റിം​ഗ് പ്ര​തീ​ക്ഷ "സു​സ്ഥി​ര'ത്തി​ൽനി​ന്ന് താ​ഴോ​ട്ട് (നെ​ഗ​റ്റീ​വ്) എ​ന്നാ​ക്കി​യി​രു​ന്നു. ഇ​ന്ത്യ​യു​ടെ 2019-20 ലെ ​ജി​ഡി​പി വ​ള​ർ​ച്ച 5.8 ശ​ത​മാ​ന​മേ ഉ​ണ്ടാ​കൂ എ​ന്നും അ​വ​ർ പ​റ​ഞ്ഞു. ജാ​പ്പ​നീ​സ് നി​ക്ഷേ​പ ബാ​ങ്ക് നോ​മു​റ ഇ​ന്ത്യ​യു​ടെ വ​ള​ർ​ച്ചാ പ്ര​തീ​ക്ഷ 4.9 ശ​ത​മാ​ന​ത്തി​ലേ​ക്കും താ​ഴ്ത്തി​യി​രു​ന്നു.

വ്യ​വ​സാ​യോ​ത്പാ​ദ​നം സെ​പ്റ്റം​ബ​റി​ൽ ര​ണ്ടു ശ​ത​മാ​നം കു​റ​യു​മെ​ന്നാ​ണു റോ​യി​ട്ടേ​ഴ്സ് ഏ​ജ​ൻ​സി ന​ട​ത്തി​യ സ​ർ​വേ​യി​ൽ വ​ന്ന നി​ഗ​മ​നം. എ​ന്നാ​ൽ അ​തി​നേ​ക്കാ​ൾ വ​ള​രെ​ക്കൂ​ടു​ത​ൽ ചു​രു​ങ്ങി എ​ന്നു​ള്ള​ത് സാ​ന്പ​ത്തി​ക ദു​ര​വ​സ്ഥ​യെ കാ​ണി​ക്കു​ന്നു. വ​ള​ർ​ച്ച​യ്ക്കു പ​ക​രം ത​ള​ർ​ച്ച​യാ​യ​ത് പ​ലി​ശനി​ര​ക്ക് ഇ​നി​യും കു​റ​യ്ക്കാ​ൻ റി​സ​ർ​വ് ബാ​ങ്കി​നെ പ്രേ​രി​പ്പി​ക്കും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.