Business News
മിന്നിത്തിളങ്ങി സ്വർണം 28,000 രൂപയിൽ
മിന്നിത്തിളങ്ങി സ്വർണം 28,000 രൂപയിൽ
Monday, August 19, 2019 12:16 AM IST
വിപണി വിശേഷം / കെ.ബി. ഉദയഭാനു

ആ​ഭ്യ​ന്ത​ര-​വി​ദേ​ശ വി​പ​ണി​ക​ളി​ലെ റ​ബ​ർ​വി​ല​യി​ലെ അ​ന്ത​രം ഉ​യ​ർ​ന്നു. ഉ​ത്പാ​ദ​ക​ർ ക​രു​ത​ലോ​ടെ പു​തി​യ ഷീ​റ്റ് വി​ല്പ​ന​യ്ക്കൊ​രു​ക്കു​ക. ഓ​ണം വ​രെ വെ​ളി​ച്ചെ​ണ്ണ​യ്ക്കൊ​പ്പം കൊ​പ്ര​യും വി​പ​ണി​യി​ൽ താ​ര​മാ​കും. പ്ര​തി​കൂ​ല കാ​ലാ​വ​സ്ഥ​യി​ൽ ഉ​ത്ത​രേ​ന്ത്യ​യി​ലേ​ക്കു​ള്ള ച​ര​ക്കു​നീ​ക്കം കു​റ​ഞ്ഞു. പു​തി​യ ഏ​ല​ക്ക​യു​ടെ വ​ര​വി​നെ ലേ​ല കേ​ന്ദ്ര​ങ്ങ​ൾ ഉ​റ്റു​നോ​ക്കു​ന്നു, ഓ​ണ​ത്തി​ന് ച​ര​ക്കു​ക്ഷാ​മം രൂ​ക്ഷ​മാ​വും. പ​വ​ന് റി​ക്കാ​ർ​ഡ് തി​ള​ക്കം, ആ​ഗോ​ളവി​പ​ണി​യി​ൽ ലാ​ഭ​മെ​ടു​പ്പു തു​ട​രാം.

റ​ബ​ർ

രാ​ജ്യാ​ന്ത​ര-​ആ​ഭ്യ​ന്ത​ര വി​പ​ണി​ക​ളി​ലെ റ​ബ​ർ​വി​ല​യി​ൽ അ​ന്ത​രം വ​ർ​ധി​ക്കു​ന്നു. ടാ​പ്പിം​ഗ് സീ​സ​ണാ​യ​തി​നാ​ൽ മു​ഖ്യ ഉ​ത്പാ​ദ​കരാ​ജ്യ​ങ്ങ​ളെ​ല്ലാം പു​തി​യ ഷീ​റ്റ് ഇ​റ​ക്കു​ന്ന​ത് വ്യ​വ​സാ​യി​ക​ളെ ആ​വേ​ശം കൊ​ള്ളി​ച്ചു. അ​തേ​സ​മ​യം, വി​ദേ​ശ​ത്തെ വി​ല​യി​ടി​വ് ന​മ്മു​ടെ ക​ർ​ഷ​ക​രി​ൽ സ​മ്മ​ർ​ദ​മു​ള​വാ​ക്കും. ജൂ​ണി​ൽ പു​തി​യ ഷീ​റ്റി​റ​ക്കാ​നു​ള്ള മോ​ഹ​ങ്ങ​ൾ പ്ര​തി​കൂ​ല കാ​ലാ​വ​സ്ഥ മൂ​ലം വൈ​കി​യ​ത് കാ​ർ​ഷി​ക​മേ​ഖ​ല​യെ സാ​ന്പ​ത്തി​ക​മാ​യി ത​ള​ർ​ത്തി.

ഓ​ഗ​സ്റ്റ് ആ​ദ്യ​പ​കു​തി​യി​ലെ പ്ര​തി​കൂ​ല കാ​ലാ​വ​സ്ഥ ക​ണ​ക്കി​ലെ​ടു​ത്താ​ൽ പു​തി​യ ച​ര​ക്ക് ഉ​യ​ർ​ന്ന അ​ള​വി​ൽ വി​ല്പ​ന​യ്ക്ക് സ​ജ്ജ​മാ​കാ​ൻ സെ​പ്റ്റം​ബ​ർ വ​രെ കാ​ത്തി​രി​ക്ക​ണം. ചി​ങ്ങം പി​റ​ന്ന സാ​ഹ​ച​ര്യ​ത്തി​ൽ മ​ഴ കു​റ​യു​മെ​ന്ന വി​ശ്വാ​സ​ത്തി​ലാ​ണ് ഉ​ത്പാ​ദ​ക​ർ. അ​ടു​ത്ത വാ​ര​ത്തോ​ടെ ടാ​പ്പിം​ഗ് പു​ന​രാ​രം​ഭി​ച്ചാ​ലും ഓ​ണ​ത്തി​നു മു​മ്പേ കാ​ര്യ​മാ​യി ഷീ​റ്റ് ഇ​റ​ങ്ങി​ല്ല. വ്യ​വ​സാ​യി​ക​ൾ മു​ഖ്യ വി​പ​ണി​ക​ളി​ൽ സ​ജീ​വ​മ​ല്ല.

ആ​ഭ്യ​ന്ത​ര-​വി​ദേ​ശ വി​പ​ണി​ക​ൾ ത​മ്മി​ൽ വി​ല​യി​ലെ അ​ന്ത​രം കി​ലോ​ഗ്രാ​മി​ന് 37 രൂ​പ​യാ​യ​ത് ട​യ​ർ ലോ​ബി​യെ ഇ​റ​ക്കു​മ​തി​ക്കു പ്രേ​രി​പ്പി​ക്കും. താ​യ്‌​ല​ൻ​ഡി​നോ​ടും വി​യ​റ്റ്നാ​മി​നോ​ടും മ​ലേ​ഷ്യ​യോ​ടും മ​ത്സ​രി​ക്കാ​ൻ ന​മ്മു​ടെ ക​ർ​ഷ​ക​ർ​ക്കാ​വി​ല്ല. അ​താ​യ​ത് ട​യ​ർ ലോ​ബി​യു​ടെ നി​യ​ന്ത്ര​ണ​ത്തി​ലേ​ക്ക് ആ​ഭ്യ​ന്ത​ര മാ​ർ​ക്ക​റ്റ് വ​ഴു​താം. എ​ന്നാ​ൽ, ടോ​ക്കോ​മി​ൽ ഈ ​വാ​രം റ​ബ​ർ 174 യെ​ന്നി​ലെ താ​ങ്ങ് നി​ല​നി​ർ​ത്തി 186-194 യെ​ന്നി​ലേ​ക്ക് ഉ​യ​രാ​ൻ ശ്ര​മം ന​ട​ത്താം. രാ​ജ്യാ​ന്ത​ര മാ​ർ​ക്ക​റ്റി​ന് തി​രി​ച്ചു​വ​ര​വി​ന് അ​വ​സ​രം ല​ഭി​ച്ചാ​ൽ ഇ​ന്ത്യ​ൻ റ​ബ​റി​ന് കാ​ര്യ​മാ​യ തി​രി​ച്ച​ടി നേ​രി​ടി​ല്ല. ബാ​ങ്കോ​ക്കി​ൽ റ​ബ​ർ​വി​ല ക്വി​ന്‍റ​ലി​ന് 10,741 രൂ​പ​യി​ലാ​ണ്. കേ​ര​ള​ത്തി​ൽ നാ​ലാം ഗ്രേ​ഡ് 14,400 രൂ​പ​യി​ലാ​ണ്.

നാ​ളി​കേ​രം

ചി​ങ്ങം പി​റ​ന്ന​തോ​ടെ നാ​ളി​കേ​ര ക​ർ​ഷ​ക​ർ പ്ര​തീ​ക്ഷ​യി​ലാ​ണ്. ഉ​ത്സ​വദി​ന​ങ്ങ​ളി​ൽ പ്രാ​ദേ​ശി​കത​ല​ത്തി​ൽ വെ​ളി​ച്ചെ​ണ്ണ​യ്ക്ക് ഡി​മാ​ൻ​ഡ് ഉ​യ​രും. കേ​ര​ള​ത്തി​ലെ​യും അ​യ​ൽ സം​സ്ഥാ​ന​ങ്ങ​ളി​ലെ​യും മി​ല്ലു​കാ​ർ ഓ​ണവി​ല്പ​ന മു​ന്നി​ൽ​ക്ക​ണ്ട് എ​ണ്ണ സ​ജ്ജ​മാ​ക്കു​ന്ന തി​ര​ക്കി​ലാ​ണ്. മി​ല്ലു​കാ​ർ ഉ​ണ​ക്കു കൂ​ടി​യ കൊ​പ്ര ശേ​ഖ​രി​ക്കു​ന്നു​ണ്ട്.

മ​ഴ മു​ൻ​നി​ർ​ത്തി ക​ഴി​ഞ്ഞ ദി​വ​സ​ങ്ങ​ളി​ൽ സ്റ്റോ​ക്കി​സ്റ്റു​ക​ൾ കാ​ര്യ​മാ​യി കൊ​പ്ര ഇ​റ​ക്കി​യി​ല്ല. സ​ർ​ക്കാ​ർ ഏ​ജ​ൻ​സി​യും സം​ഭ​ര​ണ രം​ഗ​ത്തു​ള്ള​തി​നാ​ൽ ഉ​ത്പ​ന്നം മി​ക​വ് നി​ല​നി​ർ​ത്താം. വാ​രാ​ന്ത്യം കൊ​ച്ചി​യി​ൽ വെ​ളി​ച്ചെ​ണ്ണ 14,600 ലും ​കൊ​പ്ര 9785 രൂ​പ​യി​ലു​മാ​ണ്.


കു​രു​മു​ള​ക്

പ്ര​തി​കൂ​ല കാ​ലാ​വ​സ്ഥ മൂ​ലം ലോ​റിമാ​ർ​ഗ​മു​ള്ള ച​ര​ക്കുനീ​ക്ക​ത്തി​നു ത​ട​സം നേ​രി​ട്ട​തോ​ടെ അ​ന്ത​ർ​സം​സ്ഥാ​ന വ്യാ​പാ​രി​ക​ൾ പു​തി​യ ക​ച്ച​വ​ട​ങ്ങ​ൾ ഉ​റ​പ്പി​ക്കാ​തെ സു​ഗ​ന്ധ​വ്യ​ഞ്ജ​ന വി​പ​ണി​ക​ളി​ൽ​നി​ന്നു പി​ൻ​വ​ലി​ഞ്ഞു. ആ​ഭ്യ​ന്ത​ര ഡി​മാ​ൻ​ഡി​നെ മാ​ത്രം ആ​ശ്ര​യി​ച്ചു നീ​ങ്ങു​ന്ന കു​രു​മു​ള​കി​ന് ഇ​തു തി​രി​ച്ച​ടി​യാ​യെ​ങ്കി​ലും വാ​രാ​വ​സാ​നം കാ​ലാ​വ​സ്ഥ തെ​ളി​ഞ്ഞ​ത് പ്ര​തീ​ക്ഷ പ​ക​രു​ന്നു. ഇ​തി​നി​ടെ അ​ന്ത​രീ​ക്ഷ താ​പ​നി​ല കു​റ​ഞ്ഞ​ത് കു​രു​മു​ള​കി​ൽ ജ​ലാം​ശ​ത്തോ​ത് ഉ​യ​ർ​ത്തി. വി​ദേ​ശ ഓ​ർ​ഡ​റു​ക​ളി​ല്ലെ​ങ്കി​ലും ക​യ​റ്റു​മ​തി​ക്കാ​ർ ഉ​ണ​ക്കു കൂ​ടി​യ മു​ള​ക് ശേ​ഖ​രി​ക്കു​ന്നു​ണ്ട്. അ​ന്താ​രാ​ഷ്‌​ട്ര മാ​ർ​ക്ക​റ്റി​ൽ ഇ​ന്ത്യ​ൻ കു​രു​മു​ള​ക് വി​ല ട​ണ്ണി​ന് 5200 ഡോ​ള​റാ​ണ്. ഇ​ത​ര ഉ​ത്പാ​ദ​കരാ​ജ്യ​ങ്ങ​ൾ 2000-3000 ഡോ​ള​റി​ന് ക്വ​ട്ടേ​ഷ​ൻ ഇ​റ​ക്കി. കൊ​ച്ചി​യി​ൽ ഗാ​ർ​ബി​ൾ​ഡ് കു​രു​മു​ള​ക് വി​ല 35,500 രൂ​പ.

ഏ​ലം

ഏ​ല​ത്തി​ന് ഓ​ണ​വേ​ള​യി​ൽ ഡി​മാ​ൻ​ഡ് ഉ​യ​രു​ന്ന​തു മു​ന്നി​ൽ​ക്ക​ണ്ട് ഇ​ട​പാ​ടു​കാ​ർ ച​ര​ക്കു​സം​ഭ​ര​ണം ശ​ക്ത​മാ​ക്കി. ജൂ​ണി​ൽ ആ​രം​ഭി​ക്കേ​ണ്ട സീ​സ​ൺ സെ​പ്റ്റം​ബ​റി​ലേ​ക്ക് നീ​ണ്ട​ത് ഉ​ത്പാ​ദ​കമേ​ഖ​ല​ക​ളി​ലും വി​പ​ണി​യി​ലും ച​ര​ക്കു​ക്ഷാ​മം രൂ​ക്ഷ​മാ​ക്കി. പ​ല അ​വ​സ​ര​ത്തി​ലും ലേ​ല​ത്തി​നെ​ത്തി​യ ച​ര​ക്ക് പൂ​ർ​ണ​മാ​യി വി​റ്റ​ഴി​ഞ്ഞു. വാ​രാ​രം​ഭം കി​ലോ 4,465 രൂ​പ​യി​ൽ നീ​ങ്ങി​യ ഏ​ല​ക്ക ശ​നി​യാ​ഴ്ച ന​ട​ന്ന ലേ​ല​ത്തി​ൽ 3,766 രൂ​പ​യി​ലാ​ണ്. പെ​രു​ന്നാ​ളി​നോ​ട​നു​ബ​ന്ധി​ച്ച് അ​ക​ന്ന അ​റ​ബ് രാ​ജ്യ​ങ്ങ​ൾ വൈ​കാ​തെ തി​രി​ച്ചെ​ത്തും. ക​യ​റ്റു​മ​തി​ക്കാ​രും വി​ദേ​ശ ഓ​ർ​ഡ​റു​ക​ൾ മു​ന്നി​ൽക്ക​ണ്ട് ഏ​ല​ക്ക ശേ​ഖ​രി​ക്കാ​നു​ള്ള ഒ​രു​ക്ക​ത്തി​ലാ​ണ്. പു​തി​യ ഏ​ല​ക്ക​യു​ടെ വ​ര​വി​നെ ഉ​റ്റു​നോ​ക്കു​ക​യാ​ണ് ലേ​ലകേ​ന്ദ്ര​ങ്ങ​ളും.

സ്വ​ർ​ണം

സ്വ​ർ​ണ​വി​ല സ​ർ​വ​കാ​ല റി​ക്കാ​ർ​ഡാ​യ 28,000 രൂ​പ​യി​ലാ​ണ്. ഒ​രു ഗ്രാ​മി​ന് വി​ല 3,500 രൂ​പ. ചി​ങ്ങ​മാ​യ​തി​നാ​ൽ വി​വാ​ഹ പാ​ർ​ട്ടി​ക​ൾ ആ​ഭ​ര​ണ കേ​ന്ദ്ര​ങ്ങ​ളി​ലെ ഓ​രോ ച​ല​ന​വും സ​സൂ​ക്ഷ്മം നി​രീ​ക്ഷി​ക്കു​ക​യാ​ണ്.

ന്യൂ​യോ​ർ​ക്കി​ൽ സ്വ​ർ​ണം 1497 ഡോ​ള​റി​ൽ​നി​ന്ന് ആ​റു വ​ർ​ഷ​ത്തി​നി​ട​യി​ൽ ആ​ദ്യ​മാ​യി 1,545 ഡോ​ള​ർ വ​രെ ക​യ​റി​യ​തോ​ടെ ഓ​പ്പ​റേ​റ്റ​ർ​മാ​ർ പ്രോ​ഫി​റ്റ് ബു​ക്കിം​ഗി​ന് ഉ​ത്സാ​ഹി​ച്ചു. ഇ​തോ​ടെ വി​ല 1512 ഡോ​ള​റാ​യി താ​ഴ്ന്നു.

ഈ ​വാ​രം ലാ​ഭ​മെ​ടു​പ്പ് തു​ട​ർ​ന്നാ​ൽ 1,483-1,460 ഡോ​ള​ർ വ​രെ സ്വ​ർ​ണ​വി​ല താ​ഴാം. അ​തേ​സ​മ​യം, 1546നു ​മു​ക​ളി​ൽ ഇ​ടം ക​ണ്ടെ​ത്തി​യാ​ൽ വൈ​കാ​തെ 1565-1622 ഡോ​ള​ർ വ​രെ മ​ഞ്ഞ​ലോ​ഹം തി​ള​ങ്ങാം.

ജൂ​ൺ ആ​ദ്യം 1340 ഡോ​ള​റി​ൽ ഉ​ട​ലെ​ടു​ത്ത ബു​ൾ ത​രം​ഗ​ത്തി​ൽ എ​ഴു​പ​ത് ദി​വ​സം കൊ​ണ്ട് 200 ഡോ​ള​ർ മു​ന്നേ​റി.

സ്വ​ർ​ണം സാ​ങ്കേ​തി​ക​മാ​യി ബു​ള്ളി​ഷ് ട്ര​ൻ​ഡി​ലാ​ണെ​ങ്കി​ലും വീ​ണ്ടും ഒ​രു കു​തി​പ്പി​ന് ക​രു​ത്ത് സ്വ​രൂ​പി​ക്ക​ണ​മെ​ങ്കി​ൽ താ​ഴ്ന്ന റേ​ഞ്ചി​ലേ​ക്ക് ഒ​രു തി​രു​ത്ത​ൽ വേ​ണം. അ​ത് വി​പ​ണി​യു​ടെ ക​രു​ത്ത് വ​ർ​ധി​പ്പി​ക്കു​ന്ന​തി​നൊ​പ്പം അ​ടി​യൊ​ഴു​ക്കും ശ​ക്ത​മാ​ക്കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.