Business News
മഴയിൽ കുതിർന്ന് റബർത്തോട്ടങ്ങൾ
മഴയിൽ കുതിർന്ന് റബർത്തോട്ടങ്ങൾ
Monday, July 22, 2019 12:30 AM IST
വിപണി വിശേഷം / കെ.ബി. ഉദയഭാനു

­ക​ന​ത്ത മ​ഴ റ​ബ​ർ ടാ​പ്പിം​ഗി​ന് ത​ട​സ​മാ​യി, ട​യ​ർ ലോ​ബി വി​ദേ​ശ വി​പ​ണി​യി​ലേ​ക്ക് ശ്ര​ദ്ധ​തി​രി​ച്ചു. ഏ​ല​ക്ക​യു​ടെ വി​ല​ക്ക​യ​റ്റം തു​ട​രു​ന്നു. കു​രു​മു​ള​കി​ന് വി​ദേ​ശ ഡി​മാ​ൻ​ഡ് മ​ങ്ങി​യ​ത് ഓ​ഫ് സീ​സ​ണി​ലെ വി​ല​ക്ക​യ​റ്റ​ത്തി​ന് ത​ട​സ​മാ​വും. സം​ഭ​ര​ണ ഏ​ജ​ൻ​സി​ക​ൾ ഉ​ണ​ർ​ന്ന് പ്ര​വ​ർ​ത്തി​ച്ചാ​ൽ കൊ​പ്ര​വി​ല ഉ​യ​രും. പ​വ​ന് റി​ക്കാ​ർ​ഡ് തി​ള​ക്കം.

റ​ബ​ർ

ക​ന​ത്ത മ​ഴ മൂ​ലം വാ​ര​ത്തി​ന്‍റെ ര​ണ്ടാം പ​കു​തി​യി​ൽ റ​ബ​ർ ടാ​പ്പിം​ഗ് ത​ട​സ​പ്പെ​ട്ടു. മാ​സാ​ന്ത്യം ചെ​റു​കി​ട വി​പ​ണി​ക​ളി​ൽ പു​തി​യ റ​ബ​ർ ഷീ​റ്റ് വി​ല്പ​ന​യ്ക്ക് ഇ​റ​ക്കാ​നു​ള്ള ശ്ര​മ​ത്തി​ലാ​ണ് ഉ​ത്പാ​ദ​ക​ർ. പ്ര​തി​കൂ​ല കാ​ലാ​വ​സ്ഥ മൂ​ലം ഷീ​റ്റ് സം​സ്ക​ര​ണ​വും ത​ട​സ​പ്പെ​ട്ടു. പു​തി​യ ഷീ​റ്റ് സ​ജ്ജ​മാ​ക്കും മു​മ്പേ ട​യ​ർ ലോ​ബി ആ​ഭ്യ​ന്ത​ര മാ​ർ​ക്ക​റ്റി​ൽ​നി​ന്ന് രാ​ജ്യാ​ന്ത​ര വി​പ​ണി​യി​ലേ​ക്ക് ശ്ര​ദ്ധ​തി​രി​ച്ചു. ഇ​വി​ടെ നാ​ലാം ഗ്രേ​ഡ് റ​ബ​ർ 14,800 രൂ​പ​യി​ലാ​ണ്. താ​യ്‌​ല​ൻ​ഡി​ൽ റ​ബ​ർ ല​ഭ്യ​ത ഉ​യ​ർ​ന്ന​തോ​ടെ ബാ​ങ്കോ​ക്കി​ൽ ഷീ​റ്റ് വി​ല 12,173 രൂ​പ​യാ​യി താ​ഴ്ന്നു.

ഏ​ഷ്യ​ൻ വി​പ​ണി​ക​ളി​ൽ റ​ബ​ർ ഷീ​റ്റ് ല​ഭ്യ​ത ഉ​യ​ർ​ന്ന​തി​നി​ടെ ടോ​ക്കോം എ​ക്സ്ചേ​ഞ്ചി​ൽ ഓ​പ്പ​റേ​റ്റ​ർ​മാ​ർ റ​ബ​റി​ൽ ലാ​ഭ​മെ​ടു​പ്പി​ന് ഉ​ത്സാ​ഹി​ച്ചു. ഇ​തോ​ടെ ഒ​രു മാ​സ​ത്തി​നി​ട​യി​ലെ ഏ​റ്റ​വും താ​ഴ്ന്ന റേ​ഞ്ചി​ലേ​ക്ക് വി​പ​ണി ചാ​ഞ്ചാ​ടി.

ഏ​ലം

ഉ​ത്സ​വ​ദി​ന​ങ്ങ​ൾ അ​ടു​ത്ത​തോ​ടെ ഏ​ല​ത്തി​ന് ആ​ഭ്യ​ന്ത​ര-​വി​ദേ​ശ വി​പ​ണി​ക​ളി​ൽ​നി​ന്ന് കൂ​ടു​ത​ൽ അ​ന്വേ​ഷ​ണ​ങ്ങ​ളെ​ത്തി. ഓ​ഫ് സീ​സ​ണാ​യ​തി​നാ​ൽ മു​ഖ്യ ലേ​ല കേ​ന്ദ്ര​ങ്ങ​ളി​ൽ വ​ര​വു ചു​രു​ങ്ങി. ലേ​ല​ത്തി​നെ​ത്തി​യ ച​ര​ക്ക് പൂ​ർ​ണ​മാ​യി വി​റ്റ​ഴി​ഞ്ഞ​ത് ക​ണ​ക്കി​ലെ​ടു​ത്താ​ൽ വി​പ​ണി മി​ക​വ് നി​ല​നി​ർ​ത്താം. ജൂ​ലൈ ര​ണ്ടാം വാ​രം കി​ലോ 3,200 രൂ​പ​യി​ൽ നീ​ങ്ങി​യ ഏ​ല​ക്ക പി​ന്നി​ട്ട​വാ​രം ശ​ക്ത​മാ​യ ഡി​മാ​ൻ​ഡി​ൽ 5,484 രൂ​പ വ​രെ ഉ​യ​ർ​ന്നു.

ബ​ക്രീ​ദ് ആ​ഘോ​ഷ​ങ്ങ​ളി​ൽ തു​ട​ങ്ങി ദീ​പാ​വ​ലി വ​രെ നീ​ളു​ന്ന ഉ​ത്സ​വ​വേ​ള​യി​ലാ​ണ് ഏ​ല​ത്തി​ന് ആ​വ​ശ്യ​മു​യ​രു​ന്ന​ത്.

കു​രു​മു​ള​ക്

ഓ​ഫ് സീ​സ​ൺ ആ​ണെ​ങ്കി​ലും വി​ദേ​ശ ഓ​ർ​ഡ​റു​ക​ളു​ടെ അ​ഭാ​വം കു​രു​മു​ള​കി​നു തി​രി​ച്ച​ടി​യാ​യി. വ​ൻ വി​ല​യ്ക്ക് ഇ​ന്ത്യ​ൻ മു​ള​ക് ശേ​ഖ​രി​ക്കാ​ൻ യു​എ​സ്-​യൂ​റോ​പ്യ​ൻ രാ​ജ്യ​ങ്ങ​ൾ ത​യാ​റ​ല്ല. ഉ​ത്ത​രേ​ന്ത്യ​ക്കാ​ർ രം​ഗ​ത്തു​ണ്ടെങ്കി​ലും പ​ര​മാ​വ​ധി താ​ഴ്ന്ന വി​ല​യ്ക്കാ​ണ് അ​വ​ർ ച​ര​ക്കെ​ടു​ക്കു​ന്ന​ത്. കൊ​ച്ചി​യി​ൽ അ​ൺ ഗാ​ർ​ബി​ൾ​ഡ് കു​രു​മു​ള​ക് 33,400 രൂ​പ​യി​ൽ വാ​രാ​ന്ത്യം വ്യാ​പാ​രം ന​ട​ന്നു.


തേ​യി​ല


ദ​ക്ഷി​ണേ​ന്ത്യ​ൻ തേ​യി​ല​യ്ക്ക് ടീ ​ബോ​ർ​ഡ് ബെ​ഞ്ച് മാ​ർ​ക്ക് നി​ര​ക്ക് നി​ശ്ച​യി​ച്ച​ത് ചെ​റു​കി​ട തേ​യി​ല​ക്ക​ർ​ഷ​ക​ർ​ക്കു താ​ങ്ങാ​കും. ദ​ക്ഷി​ണേ​ന്ത്യ​ൻ ലേ​ല​ങ്ങ​ളി​ൽ തേ​യി​ല​യു​ടെ എ​റ്റ​വും കു​റ​ഞ്ഞ വി​ല കി​ലോ 60 രൂ​പ​യാ​ക്കി. ഉ​ത്തേ​രേ​ന്ത്യ​യി​ൽ ബെ​ഞ്ച് മാ​ർ​ക്ക് വി​ല കി​ലോ 90 രൂ​പ​യാ​ണ്.

നാ​ളി​കേ​രം

നാ​ളി​കേ​രോ​ത്പ​ന്ന​ങ്ങ​ൾ​ക്ക് പു​തു​ജീ​വ​ൻ പ​ക​രാ​ൻ വി​വി​ധ സ​ർ​ക്കാ​ർ ഏ​ജ​ൻ​സി​ക​ൾ കൊ​പ്ര​സം​ഭ​ര​ണ രം​ഗ​ത്ത് അ​ണി​നി​ര​ന്നു. സം​ഭ​ര​ണ​രം​ഗ​ത്ത് ഏ​ജ​ൻ​സി​ക​ൾ ഉ​ണ​ർ​ന്ന് പ്ര​വ​ർ​ത്തി​ച്ചാ​ൽ ദ​ക്ഷി​ണേ​ന്ത്യ​ൻ നാ​ളി​കേ​ര ക​ർ​ഷ​കർ​ക്ക് ആ​ശ്വ​സി​ക്കാം. ത​മി​ഴ്നാ​ട്ടി​ൽ വി​ള​വെടു​പ്പ് അ​വ​സാ​നി​ച്ച​തി​നാ​ൽ കാ​ങ്ക​യം, പൊ​ള്ളാ​ച്ചി, പ​ഴ​നി, കോ​യ​മ്പ​ത്തു​ർ, ത​ഞ്ചാ​വൂ​ർ വി​പ​ണി​ക​ളി​ൽ തേ​ങ്ങ, കൊ​പ്ര വ​ര​വ് ചു​രു​ങ്ങും. ജ​നു​വ​രി​യി​ൽ 11,000 രൂ​പ​യി​ൽ കൊ​ച്ചി​യി​ൽ ഇ​ട​പാ​ടു​ക​ൾ ന​ട​ന്ന കൊ​പ്ര​യി​പ്പോ​ൾ 8900 രൂ​പ​യി​ലാ​ണ്. വെ​ളി​ച്ചെ​ണ്ണ 12,900ൽ​നി​ന്ന് 13,300 രൂ​പ​യാ​യി. ‌

സ്വ​ർ​ണം

കേ​ര​ള​ത്തി​ലെ ആ​ഭ​ര​ണ കേ​ന്ദ്ര​ങ്ങ​ളി​ൽ സ്വ​ർ​ണ​വി​ല പു​തി​യ ഉ​യ​രം സ്വ​ന്ത​മാ​ക്കി. 25,800 രൂ​പ​യി​ൽ വി​ല്പ​ന​യാ​രം​ഭി​ച്ച പ​വ​ൻ വെ​ള​ളി​യാ​ഴ്ച 26,120 രൂ​പ​യി​ലേ​ക്ക് ഉ​യ​ർ​ന്നു. എ​ന്നാ​ൽ ശ​നി​യാ​ഴ്ച 400 രൂ​പ ഇ​ടി​ഞ്ഞ് 25,720 രൂ​പ​യാ​യി.

അ​ന്താ​രാ​ഷ്‌​ട്ര വി​പ​ണി​യി​ൽ സ്വ​ർ​ണം 2013നു ​ശേ​ഷ​മു​ള്ള ഏ​റ്റ​വും ഉ​യ​ർ​ന്ന വി​ല ദ​ർ​ശി​ച്ചു. ന്യൂ​യോ​ർ​ക്കി​ൽ ട്രോ​യ് ഔ​ൺ​സി​ന് 1415 ഡോ​ള​റി​ൽ​നി​ന്ന് 1452 ഡോ​ള​ർ വ​രെ ഉ​യ​ർ​ന്നെങ്കിലും പിന്നീട് 1424 ഡോ​ള​റാ​യി താ​ഴ്ന്നു. പ​ശ്ചി​മേ​ഷ്യ​യി​ലെ സൈ​നി​ക നീ​ക്ക​ങ്ങ​ളും അ​മേ​രി​ക്ക​ൻ കേ​ന്ദ്ര ബാ​ങ്ക് മാ​സാ​വ​സാ​നം ന​ട​ക്കു​ന്ന യോ​ഗ​ത്തി​ൽ പ​ലി​ശ നി​ര​ക്ക് കു​റയ്​ക്കു​ക​യും ചെ​യ്താ​ൽ സു​ര​ക്ഷി​ത നി​ക്ഷേ​പ​മെ​ന്ന നി​ല​യ്ക്ക് മ​ഞ്ഞ​ലോ​ഹം ഔ​ൺ​സി​ന് 1500 ഡോ​ള​റി​ലേ​ക്ക് അ​ടു​ക്കും. 2012 സെ​പ്റ്റം​ബ​റി​ൽ രേ​ഖ​പ്പെ​ടു​ത്തി​യ 1924 ഡോ​ള​റാ​ണ് സ്വ​ർ​ണ​ത്തി​ന്‍റെ റി​ക്കാ​ർ​ഡ് വി​ല.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.