നെടുമ്പാശേരി: ഇന്ത്യയിലെ വിവിധ നഗരങ്ങളില്‍നിന്നും ക്വാലാലംപൂര്‍, ബാങ്കോക്ക് എന്നിവിടങ്ങളിലേക്കുള്ള ടിക്കറ്റ് നിരക്കില്‍ എയര്‍ ഏഷ്യ 70 ശതമാനം വരെ പ്രത്യേക ഇളവുകൾ പ്രഖ്യാപിച്ചു.
ബംഗളൂരു, ഭുവനേശ്വര്‍, കോല്‍ക്കൊത്ത, കൊച്ചി, ചെന്നെെ, ട്രിച്ചി, വിശാഖപട്ടണം, ഡല്‍ഹി, ജയ്പൂര്‍, അഹമ്മദാബാദ്, അമൃത്‌സര്‍, ഹൈദരാബാദ് എന്നിവിടങ്ങളില്‍നിന്നുള്ള യാത്രയ്ക്കാണ് നിരക്കിളവ് പ്രഖ്യാപിച്ചത്. ഇന്നലെ ആരംഭിച്ച ഇളവുകളോടെയുള്ള ടിക്കറ്റ് വില്പന ഈ മാസം 28ന് അവസാനിക്കും. 2019 ഒക്‌ടോബര്‍ ഒന്നു മുതല്‍ 2020 ജൂൺ രണ്ടു വരെയുള്ള യാത്രയ്ക്ക് ഈ ടിക്കറ്റുകള്‍ ഉപയോഗിക്കാം.
അഹമ്മദാബാദില്‍ നിന്നു ബാങ്കോക്കിലേക്കു 2019 മേയ് 31 മുതല്‍ പുതിയ സര്‍വീസ് കന്പനി ആരംഭിക്കും.
എയര്‍ ഏഷ്യ ഗ്രൂപ്പില്‍പ്പെട്ട എയര്‍ ഏഷ്യ ബര്‍ഹാദ്, തായ് എയര്‍ ഏഷ്യ, എയര്‍ ഏഷ്യ എക്‌സ് എന്നീ കമ്പനികളുടെ ഫ്‌ളൈറ്റുകളിലെ യാത്രയ്ക്കും ഈ നിരക്കിളവ് ലഭ്യമാണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.