ടൊയോട്ട എത്തിയോസ് വില്പന നാല് ലക്ഷം കവിഞ്ഞു : Deepika.com Business News |

Click here for detailed news of all items

ടൊയോട്ട എത്തിയോസ് വില്പന നാല് ലക്ഷം കവിഞ്ഞു

Wednesday, September 26, 2018 12:27 AM IST

കൊച്ചി: ടൊയോട്ടയുടെ എത്തിയോസ് സീരീസ് കാറുകളുടെ വില്പന നാലു ലക്ഷം പിന്നിട്ടു. 2011ലാണ് ഇന്ത്യയിൽ എത്തിയോസ് സീരീസ് കാറുകൾ അവതരിപ്പിച്ചത്. പ്ലാറ്റിനം എത്തിയോസ്, എത്തിയോസ് ലിവ, എത്തിയോസ് ക്രോസ് എന്നീ മോഡലുകൾ ഉൾപ്പെടുന്നതാണ് എത്തിയോസ് സീരീസ്.

2016 സെപ്റ്റംബറിലാണ് ടൊയോട്ട പുതിയ സുരക്ഷാ സവിശേഷേതകളുമായി പ്ലാറ്റിനം എത്തിയോസ്, എത്തിയോസ് ലിവ എന്നീ മോഡലുകൾ എത്തിച്ചത്. മനോഹരമായ ഡുവൽ ടോണ്‍ ലിവയും നിരത്തിലെത്തി. ലിമിറ്റഡ് എഡിഷൻ വാഹനമായ എത്തിയോസ് ക്രോസ് എക്സ് കഴിഞ്ഞ സെപ്റ്റംബറിൽ വില്പനയ്ക്കെത്തി. ഡുവൽ ടോണ്‍ ലിവയ്ക്കു ലഭിച്ച മികച്ച പ്രതികരണത്തോടെ എത്തിയോസ് ലിവയുടെ വളർച്ച 95 ശതമാനമായി.

ഉത്പന്നങ്ങൾ നവീകരിക്കാനും ഉപയോക്താക്കൾക്ക് ഏറ്റവും മികച്ച ഫീച്ചറുകൾ പ്രദാനം ചെയ്യാനും കഠിന പ്രയത്നം നടത്തിക്കൊണ്ടേയിരിക്കുമെന്ന് ടൊയോട്ട കിർലോസ്കർ മോട്ടോർസ് ഡെപ്യൂട്ടി മാനേജിംഗ് ഡയറക്ടർ എൻ. രാജ വ്യക്തമാക്കി.

എല്ലാ വിഭാഗങ്ങളിലും ഉള്ള ഇരട്ട എസ്ആർഎസ് എയർബാഗുകൾ, ഇബിഡി സഹിതം എബിഎസ്, ഫോഴ്സ് ലിമിറ്റർ, പ്രീ ടെൻഷനർ തുടങ്ങിയവയോടുകൂടിയ മുൻ സീറ്റ് ബെൽറ്റുകൾ, ഐസോഫിക്സ് ചൈൽഡ് സീറ്റ് ലോക്കുകൾ എന്നിവ സവിശേ ഷതകളാണ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.