എന്നാൽ തിക്കുംതിരക്കും ഉണ്ടാവുകയായിരുന്നുവെന്നാണ് ഇസ്രയേൽ അവകാശപ്പെടുന്നത്.
തള്ളലിലും വീണവർക്കു ചവിട്ടേറ്റുമാണ് ഒട്ടേറെപ്പേർക്കു പരിക്കേറ്റതെന്ന് ഇസ്രേലി സൈനിക വക്താവ് ഡാനിയൽ ഹാഗാരി പറയുന്നു.
ഭക്ഷ്യവസ്തുക്കളുമായി വന്ന ലോറികളെ ആക്രമിച്ച ജനക്കൂട്ടത്തെ പിരിച്ചുവിടാൻ ഇസ്രേലി സൈനികർ കുറച്ചുതവണ ജാഗ്രതയോടെ വെടിയുതിർത്തുവെന്ന് ലഫ്. കേണൽ പീറ്റർ ലേണർ പറഞ്ഞു.
ഇസ്രേലി സേനയ്ക്കു സംഭവത്തിൽ പങ്കില്ലെന്നും പലസ്തീൻ സായുധ ഗ്രൂപ്പുകളാണ് വെടിവയ്പിനു പിന്നിലെന്നും പ്രധാനമന്ത്രിയുടെ പ്രത്യേക ഉപദേശകൻ മാർക്ക് രെഗവ് പറയുന്നു.
അതേസമയം സംഭവത്തിൽ വിശദമായ അന്വേഷണം വേണമെന്ന് ലോകനേതാക്കൾ ആവശ്യപ്പെട്ടിട്ടുണ്ട്.