വത്തിക്കാൻ മ്യൂസിയത്തിലെ വിദഗ്ധരുടെ നേതൃത്വത്തിലുള്ള നവീകരണ പ്രവർത്തനങ്ങൾ 2025ലെ വിശുദ്ധവത്സരം ആരംഭിക്കുന്നതിനു മുന്പ് തീർക്കാവുന്ന വിധത്തിലാണ് ക്രമീകരിച്ചിരിക്കുന്നത്. സർവേ, ഡോക്യുമെന്റേഷൻ എന്നിവയ്ക്കുശേഷം കേടുപാട് നീക്കലാണ് ഉദ്ദേശിക്കുന്നത്.
നവീകരണ നടപടികൾക്കായി മേലാപ്പിനു ചുറ്റും തട്ടടിച്ചുകഴിഞ്ഞു. നൂറ്റാണ്ടുകൾകൊണ്ട് അടിഞ്ഞുകൂടിയിട്ടുള്ള പൊടിയും മാലിന്യങ്ങളും വരും ദിവസങ്ങളിൽ നീക്കം ചെയ്യും.
വിശുദ്ധവാര തിരുക്കർമങ്ങളടക്കം മാർപാപ്പയുടെ ശുശ്രൂഷകൾക്കു തടസം വരാത്തവിധമായിരിക്കും നവീകരണ പ്രവർത്തനങ്ങളെന്ന് ബസിലിക്ക ആർച്ച്പ്രീസ്റ്റ് കർദിനാൾ മൗരോ ഗാംബെത്തി അറിയിച്ചു.