അമേരിക്കയുടെ എംക്യു-9 റീപ്പർ ഡ്രോൺ വെടിവച്ചിട്ടതായും ഹൂതി ബ്രിഗേഡിയർ ജനറൽ യഹിയ സാരി അവകാശപ്പെട്ടു. വ്യോമപ്രതിരോധ സംവിധാനം ഉപയോഗിച്ചാണു വീഴ്ത്തിയത്. അമേരിക്കൻ സേന ഇക്കാര്യം സ്ഥിരീകരിച്ചിട്ടില്ല. നവംബറിൽ യുഎസ് സേനയുടെ ഇത്തരമൊരു ഡ്രോൺ ഹൂതികൾ വീഴ്ത്തിയിരുന്നു.
ഹൂതികളുടെ ശക്തികേന്ദ്രങ്ങളെ ലക്ഷ്യമിട്ട് വ്യോമാക്രണം നടത്തിയതായി യുഎസ് ഇന്നലെ അറിയിച്ചു.
ഇറാന്റെ പിന്തുണയോടെ യെമന്റെ പ്രധാന ഭാഗങ്ങൾ നിയന്ത്രിക്കുന്ന ഹൂതികൾ, പലസ്തീന് ഐക്യദാർഢ്യം പ്രഖ്യാപിച്ചാണു ചരക്കുകപ്പലുകൾ ആക്രമിക്കുന്നത്.