നേരത്തേ അബുദാബിയിലെ വിവിധ പരിപാടികളിൽ പ്രധാനമന്ത്രി പങ്കെടുത്തു. എല്ലാ വിഭാഗം ജനങ്ങളെയും ഉൾക്കൊള്ളുന്ന, അഴിമതിയില്ലാത്ത സർക്കാരുകളെയാണ് ലോകം ആവശ്യപ്പെടുന്നതെന്നു വേൾഡ് ഗവൺമെന്റ് ഉച്ചകോടിയിൽ പ്രധാനമന്ത്രി പറഞ്ഞു.
ജനജീവിതത്തിൽ കഴിയാവുന്നത്ര കുറച്ചുമാത്രമേ സർക്കാരുകൾ ഇടപെടാവൂ. സർക്കാരുകൾ സമ്മർദശക്തിയായി ഒരിക്കലും ജനങ്ങൾക്കുമുന്നിൽ ഉണ്ടാകരുത്. ഇന്ത്യയിലെ ജനങ്ങൾക്ക് കഴിഞ്ഞ ഏതാനും വർഷങ്ങൾക്കുള്ളിൽ സർക്കാരിൽ വിശ്വാസം ഏറി. പൊതുജന താത്പര്യത്തിനു മുന്തിയ പരിഗണന നൽകിയതുമൂലമാണിതെന്നും പ്രധാനമന്ത്രി അവകാശപ്പെട്ടു.