ഇസ്രേലി സേന വെസ്റ്റ് ബാങ്കിൽ കഴിഞ്ഞദിവസം രാത്രി നടത്തിയ റെയ്ഡിൽ ഒരാൾ കൊല്ലപ്പെടുകയും നാലു പേർക്കു പരിക്കേൽക്കുകയും ചെയ്തു.
ഗാസയിലെ സ്ഥിതിവിശേഷം ഒരോ മണിക്കൂറിലും മോശമായി വരികയാണെന്നു യുഎന്നും യൂണിസെഫും വീണ്ടും മുന്നറിയിപ്പു നല്കി. വെള്ളവും ഭക്ഷണവും ഇല്ലാത്ത ഇടുങ്ങിയ സ്ഥലങ്ങളിലേക്ക് പോകാനാണു പലസ്തീനികളോട് ഇസ്രേലി സേന ആവശ്യപ്പെടുന്നതെന്നു യൂണിസെഫ് വക്താവ് ജയിംസ് എൽഡർ പറഞ്ഞു.
63 മാധ്യമപ്രവർത്തകർ കൊല്ലപ്പെട്ടു ഒക്ടോബർ ഏഴിന് ഹമാസിന്റെ ഭീകരാക്രമണത്തെത്തുടർന്ന് ആരംഭിച്ച യുദ്ധത്തിൽ കൊല്ലപ്പെട്ട മാധ്യമപ്രവർത്തകരുടെ എണ്ണം 63 ആയി.
ഇതിൽ 56 പേർ പലസ്തീനികളും നാലു പേർ ഇസ്രേലികളും മൂന്നുപേർ ലബനീസ് പൗരന്മാരുമാണ്. 11 മാധ്യമപ്രവർത്തകർക്കു പരിക്കേറ്റു. മൂന്നു മാധ്യമപ്രവർത്തകരെ കാണാതായി. 19 മാധ്യമപ്രവർത്തകർ അറസ്റ്റ് ചെയ്യപ്പെട്ടു.