‘അല്ലാഹു അക്ബർ’ എന്നുവിളിച്ചാണ് ഇയാൾ ആക്രമണം നടത്തിയതെന്ന് ഫ്രഞ്ച് ആഭ്യന്തരമന്ത്രി ഡർമാനിൻ അറിയിച്ചു. പലസ്തീനിലും അഫ്ഗാനിസ്ഥാനിലും മുസ്ലിംകൾ കൊല്ലപ്പെടുന്നതിൽ തനിക്കു വിഷമമുള്ളതായി അക്രമി പോലീസിനോടു പറഞ്ഞു.
മറ്റൊരു ആക്രമണത്തിനു പദ്ധതിയിട്ടതിന് 2016ൽ അറസ്റ്റിലായ ഇയാൾ നാലു വർഷം ജയിൽശിക്ഷ അനുഭവിച്ചിരുന്നു. പോലീസിന്റെ നിരീക്ഷണപട്ടികയിൽ ഉൾപ്പെട്ടിരുന്ന അക്രമി മാനസികപ്രശ്നങ്ങൾ നേരിടുന്നതായും ആഭ്യന്തര മന്ത്രി കൂട്ടിച്ചേർത്തു.
നിരപരാധികളായ മുസ്ലിംകൾ കൊല്ലപ്പെടുന്നതിൽ ഫ്രഞ്ച് സർക്കാരിനെ വിമർശിക്കുന്ന വീഡിയോ ആക്രമണത്തിനു മുന്പ് ഇയാൾ സോഷ്യൽ മീഡിയയിൽ പോസ്റ്റ് ചെയ്തിരുന്നതായി ഫ്രഞ്ച് മാധ്യമങ്ങൾ റിപ്പോർട്ട് ചെയ്തു.