ഖലിസ്ഥാൻ അനുകൂലികളുടെ പ്രതിഷേധം; ബ്രിസ്ബെയ്നിലെ ഇന്ത്യൻ കോൺസുലേറ്റ് അടച്ചു : Deepika.com International News |

Click here for detailed news of all items

ഖലിസ്ഥാൻ അനുകൂലികളുടെ പ്രതിഷേധം; ബ്രിസ്ബെയ്നിലെ ഇന്ത്യൻ കോൺസുലേറ്റ് അടച്ചു

Thursday, March 16, 2023 12:27 AM IST

മെൽബൺ: ഓസ്ട്രേലിയയിലെ ബ്രിസ്ബെയ്നിൽ ഇന്ത്യൻ കോൺസുലേറ്റിനു മുന്നിൽ ഖലിസ്ഥാൻ അനുകൂലികളുടെ പ്രതിഷേധം. പ്രതിഷേധക്കാർ ഓഫീസിന്‍റെ പ്രവേശനകവാടം ഉപരോധിച്ചതിനെത്തുടർന്ന് കോൺസുലേറ്റ് താത്കാലികമായി അടച്ചു. ഹിന്ദുക്കൾക്കെതിരേ മുദ്രാവാക്യം മുഴക്കിയായിരുന്നു ഖലിസ്ഥാൻ അനുകൂലികൾ എത്തിയത്.

കോൺസുലേറ്റിലുള്ള ഹിന്ദുക്കളായ ഉദ്യോഗസ്ഥർ പരമാധികാരികളായി ചമയുകയാണെന്നു പ്രതിഷേധക്കാർ ആരോപിച്ചു. ഓസ്ട്രേലിയയിൽ തങ്ങൾ എങ്ങനെ ജീവിക്കണമെന്നു നിർദേശിക്കാൻ ഈ തെമ്മാടികളെ അനുവദിക്കരുതെന്ന് പ്രതിഷേധക്കാരിലൊരാളായ പർവീന്ദർസിംഗ് പറഞ്ഞു.

സിക്ക്സ് ഫോർ ജസ്റ്റീസ് എന്ന സംഘടനയുടെ ബാനറിലാണ് ഖലിസ്ഥാൻ അനുകൂല മുദ്രാവാക്യങ്ങളുമായി പ്രതിഷേധക്കാരെത്തിയത്.

ഓസ്ട്രേലിയയിലെ ഇന്ത്യാവിരുദ്ധ ശക്തികളെ ഇ‌ല്ലായ്മ ചെയ്യുമെന്നു കഴിഞ്ഞ ദിവസം ഡൽഹിയിൽ പ്രധാനമന്ത്രി നരേന്ദ്ര മോദിയുമായി നടത്തിയ കൂടിക്കാഴ്ചയിൽ ഓസ്ട്രേലിയൻ പ്രധാനമന്ത്രി ആന്‍റണി ആൽബനീസ് ഉറപ്പുനൽകിയിരുന്നു.

കഴിഞ്ഞമാസം വിദേശകാര്യമന്ത്രി എസ്. ജയശങ്കറിന്‍റെ ഓസ്ട്രേലിയൻ സന്ദർശനം കഴിഞ്ഞ് ഏതാനും ദിവസങ്ങൾക്കുള്ളിൽ ബ്രിസ്ബെയ്നിലെ ഇന്ത്യൻ കോൺസുലേറ്റിനുമുന്നിൽ ഖലിസ്ഥാൻ പതാകകൾ കണ്ടെത്തിയിരുന്നു. കഴിഞ്ഞ ജനുവരി മുതൽ ഓസ്ട്രേലിയയിലെ ഹൈന്ദവക്ഷേത്രങ്ങൾക്കെതിരേ പലതവണ ഖലിസ്ഥാൻ അനുകൂലികൾ ആക്രമണം നടത്തിയിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.