സാർസ് പകർച്ചവ്യാധിയെക്കുറിച്ച് മുന്നറിയിപ്പു നല്കിയ ചൈനീസ് ഡോക്ടർ അന്തരിച്ചു : Deepika.com International News |

Click here for detailed news of all items

സാർസ് പകർച്ചവ്യാധിയെക്കുറിച്ച് മുന്നറിയിപ്പു നല്കിയ ചൈനീസ് ഡോക്ടർ അന്തരിച്ചു

Thursday, March 16, 2023 12:27 AM IST

ബെയ്ജിംഗ്: 2003ലെ സാർസ് പകർച്ചവ്യാധി മറച്ചുവയ്ക്കാനുള്ള ചൈനീസ് അധികൃതരുടെ ശ്രമം വെളിച്ചത്തു കൊണ്ടുവന്ന മിലിട്ടറി സർജൻ ജിയാംഗ് യാൻയോംഗ് (91) അന്തരിച്ചു. ന്യൂമോണിയ ബാധിച്ച് ബെയ്ജിംഗിലെ ആശുപത്രിയിലായിരുന്നു അന്ത്യമെന്നു കുടുംബാംഗങ്ങൾ അറിയിച്ചു.

ലോകവ്യാപകമായി എണ്ണായിരത്തിനു മുകളിൽ പേർക്ക് സാർസ് പിടിപെട്ടുവെന്നും 774 പേർ മരിച്ചുവെന്നുമാണു ലോകാരോഗ്യ സംഘടനയുടെ കണക്ക്. പകർച്ചവ്യാധിയുടെ തുടക്കത്തിൽത്തന്നെ ഡോ. ജിയാംഗ് എഴുതിയ കത്താണ് ആയിരങ്ങളുടെ ജീവൻ രക്ഷിച്ചതെന്നു കരുതുന്നു.

നാമമാത്ര പേർക്കേ രോഗം ബാധിച്ചിട്ടുള്ളൂവെന്ന ചൈനീസ് ആരോഗ്യമന്ത്രിയുടെ പ്രസ്താവന തള്ളിക്കളഞ്ഞ അദ്ദേഹം ബെയ്ജിംഗിലെ പട്ടാള ആശുപത്രിയിലെ ഒരു വാർഡിൽ മാത്രം നൂറിലധികം രോഗികളുണ്ടെന്നു പറഞ്ഞു. ഇക്കാര്യം വിശദമാക്കി ചൈനീസ് മാധ്യങ്ങൾക്കു കത്തയച്ചുവെങ്കിലും അവർ പ്രസിദ്ധീകരിച്ചില്ല. എന്നാൽ കത്ത് ചോർന്നു കിട്ടിയ വിദേശമാധ്യങ്ങൾ പുറത്തുവിടുകയും ലോകാരോഗ്യ സംഘടന അടിയന്തരമായി ഇടപെടുകയും ചെയ്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.