ഞാൻ നിങ്ങൾക്കാരാണ് ‍? യേശുവിന്‍റെ ചോദ്യത്തിനുത്തരം നല്കണമെന്ന് ഫ്രാൻസിസ് മാർപാപ്പ : Deepika.com International News |

Click here for detailed news of all items

ഞാൻ നിങ്ങൾക്കാരാണ് ‍? യേശുവിന്‍റെ ചോദ്യത്തിനുത്തരം നല്കണമെന്ന് ഫ്രാൻസിസ് മാർപാപ്പ

Sunday, September 12, 2021 11:04 PM IST

ബുഡാപെസ്റ്റ്: “നിങ്ങൾക്ക് ഞാൻ ആരാണ്” എന്ന ചോദ്യമാണ് യേശു നമ്മളോരോരുത്തരോടും ചോദിക്കുന്നതെന്ന് ഫ്രാൻസിസ് മാർപാപ്പ. ഹംഗേറിയൻ തലസ്ഥാനമായ ബുഡാപെസ്റ്റിൽ 52-ാം അന്താരാഷ്‌ട്ര ദിവ്യകാരുണ്യ കോൺഗ്രസിനു സമാപനം കുറിച്ച് അർപ്പിച്ച വിശുദ്ധ കുർബാനയിൽ സന്ദേശം നല്കുകയായിരുന്നു അദ്ദേഹം.

“ഞാൻ ആരാണെന്നാണ് നിങ്ങൾ പറയുന്നത് ‍?”എന്നു യേശു ശിഷ്യന്മാരോടു ചോദിച്ചു. ആ ചോദ്യംതന്നെയാണ് നമ്മളോരോരുത്തരും അഭിമുഖീകരിക്കുന്നത്. പഠിച്ചുവച്ച വേദോപദേശം ഓർത്തെടുത്ത് പെട്ടെന്ന് ഉത്തരം നല്കേണ്ട ചോദ്യമല്ലിത്.

യേശുവിനെ ഉദ്ഘോഷിച്ച് യേശുവിനെ വിവേചിച്ചറിഞ്ഞ് യേശുവിനെ പിന്തുടരുന്ന മൂന്നു ഘട്ടങ്ങളിലാണ് ഈ ചോദ്യത്തിന്‍റെ ഉത്തരമെന്നു മാർപാപ്പ പറഞ്ഞു.

ഹീറോസ് ചത്വരത്തിൽ നടന്ന ദിവ്യബലിയിൽ ആയിരങ്ങൾ പങ്കുകൊണ്ടു. ദിവ്യകാരുണ്യ കോൺഗ്രസിന്‍റെ അവസാനം മറ്റൊരു യാത്രയുടെ തുടക്കമാണെന്നു മാർപാപ്പ ഓർമിപ്പിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.