വെനസ്വേലയിലെ ‘പാവങ്ങളുടെ ഡോക്ടർ’ വാഴ്ത്തപ്പെട്ടവൻ
വെനസ്വേലയിലെ ‘പാവങ്ങളുടെ ഡോക്ടർ’ വാഴ്ത്തപ്പെട്ടവൻ
Saturday, May 1, 2021 12:26 AM IST
കാ​ര​ക്കാ​സ്: ഒ​രു നൂ​റ്റാ​ണ്ട് മു​ന്പ് സ്പാ​നി​ഷ് ഫ്ലൂ ​പ​ട​ർ​ന്നു​പി​ടി​ച്ച​പ്പോ​ൾ പാ​വ​പ്പെ​ട്ട​വ​രു​ടെ ചി​കി​ത്സ​യ്ക്കാ​യി ജീ​വി​തം ഉ​ഴി​ഞ്ഞു​വ​ച്ച വെ​ന​സ്വേ​ല​ൻ ഡോ​ക്ട​ർ ഹൊ​സെ ഗ്രെഗോ​റി​യോ ഹെ​ർ​ണാ​ണ്ട​സ് വാ​ഴ്ത്ത​പ്പെ​ട്ട​വ​രു​ടെ ഗ​ണ​ത്തി​ലേ​ക്ക് ഉ​യ​ർ​ത്ത​പ്പെ​ട്ടു. ‘പാ​വ​പ്പെ​ട്ട​വ​രു​ടെ ഡോ​ക്ട​ർ’ എ​ന്നാ​ണ് വെ​ന​സ്വേ​ല​ക്കാ​ർ ഇ​ദ്ദേ​ഹ​ത്തെ വി​ളി​ക്കു​ന്ന​ത്.

മോ​ഷ​ണ​ശ്ര​മ​ത്തി​നി​ടെ ത​ല​യ്ക്കു വെ​ടി​യേ​റ്റ പ​ത്തു​വ​യ​സു​കാ​രി ഹെ​ർ​ണാ​ണ്ട​സി​ന്‍റെ മ​ധ്യ​സ്ഥ​ത​യി​ൽ സു​ഖം​പ്രാ​പി​ച്ചി​രു​ന്നു. ജീ​വ​നോ​ടെ തി​രി​ച്ചു​കി​ട്ടി​യാ​ലും ന​ട​ക്കാ​ൻ സാ​ധ്യ​ത​യി​ല്ലെ​ന്നു ഡോ​ക്ട​ർ​മാ​ർ വി​ധി​യെ​ഴു​തി​യ ബാ​ലി​ക ആ​ഴ്ച​ക​ൾ​ക്ക​കം ന​ട​ന്നു​ത​ന്നെ ആ​ശു​പ​ത്രി​വി​ട്ടു. ഇ​ത് അ​ദ്ഭു​ത​മാ​യി അം​ഗീ​ക​രി​ച്ച ഫ്രാ​ൻ​സി​സ് മാ​ർ​പാ​പ്പ ക​ഴി​ഞ്ഞ ജു​ലൈ​യി​ലാ​ണ് വാഴ്ത്തപ്പെട്ടവരുടെ ഗണത്തി ലേക്കുയർത്താ​നു​ള്ള ഡി​ക്രി പു​റ​പ്പെ​ടു​വി​ച്ച​ത്.


1864ൽ ​ജ​നി​ച്ച ഹെ​ർ​ണാ​ണ്ട​സ് 1919ൽ ​അ​ന്പ​ത്തി​നാ​ലാം വ​യ​സി​ൽ കാ​റ​പ​ക​ട​ത്തി​ൽ മ​രി​ക്കു​ക​യാ​യി​രു​ന്നു. പാ​രീ​സ്, ബെ​ർ​ലി​ൻ, മാ​ഡ്രി​ഡ്, ന്യൂ​യോ​ർ​ക്ക് എ​ന്നി​വ​ട​ങ്ങ​ളി​ൽ പ​ഠി​ച്ച അ​ദ്ദേ​ഹം അ​റി​യ​പ്പെ​ടു​ന്ന ബാ​ക്‌​ടീ​രി​യോ​ള​ജി​സ്റ്റു​മാ​യി​രു​ന്നു.

കോ​വി​ഡി​ന്‍റെ പ​ശ്ചാ​ത്ത​ല​ത്തി​ൽ കാ​ര​ക്കാ​സി​നു സ​മീ​പ​മു​ള്ള ചാ​പ്പ​ലി​ൽ ല​ളി​ത​മാ​യി​ട്ടാ​യി​രു​ന്നു നാ​മ​ക​ര​ണ​ച​ട​ങ്ങു​ക​ൾ. പാ​വ​പ്പെ​ട്ട​വ​രു​ടെ ഉ​ന്ന​മ​ന​ത്തി​നാ​യി ഉ​ഴി​ഞ്ഞു​വ​ച്ച വി​ശു​ദ്ധ​മാ​തൃ​ക​യാ​യി​രു​ന്നു ഹെ​ർ​ണാ​ണ്ട​സ് എ​ന്ന് ഫ്രാ​ൻ​സി​സ് മാ​ർ​പാ​പ്പ വീ​ഡി​യോ സ​ന്ദേ​ശ​ത്തി​ൽ പ​റ​ഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.