International News
ഡച്ച് സർക്കാർ രാജിവച്ചു
ഡച്ച് സർക്കാർ രാജിവച്ചു
Friday, January 15, 2021 11:54 PM IST
ആം​സ്റ്റ​ർ​ഡാം: നെ​ത​ർ​ല​ൻ​ഡ്സി​ൽ പ്രധാനമന്ത്രി മാ​ർ​ക്ക് റ​ട്ടി​ന്‍റെ കൂ​ട്ടു​ക​ക്ഷി മ​ന്ത്രി​സ​ഭ ഒ​ന്ന​ട​ങ്കം രാ​ജി​വ​ച്ചു. ത​ട്ടി​പ്പി​ലൂ​ടെ ശി​ശു​ക്ഷേ​മ​ പ​ദ്ധ​തി​യു​ടെ ആ​നു​കൂ​ല്യം കൈ​പ്പ​റ്റി എ​ന്നാ​രോ​പി​ച്ച് ആ​യി​ര​ക്ക​ണ​ക്കി​നു കു​ടും​ബ​ങ്ങ​ളെ അ​ടി​സ്ഥാ​ന​മി​ല്ലാ​തെ സ​ർ​ക്കാ​ർ വേ​ട്ട​യാ​ടി എ​ന്നു ക​ണ്ടെ​ത്തി​യ​തി​നെ​ത്തു​ട​ർ​ന്നാ​ണ് രാ​ജി. നി​ര​പ​രാ​ധി​ക​ളെ ക്രി​മി​ന​ലു​ക​ളാ​ക്കി​യ​തി​ന്‍റെ ഉ​ത്ത​ര​വാ​ദി​ത്വം ഏ​റ്റെ​ടു​ക്കു​ന്ന​താ​യി റ​ട്ട് പ​ത്ര​സ​മ്മേ​ള​ന​ത്തി​ൽ പറഞ്ഞു.

2012 മു​ത​ൽ 26,000 കു​ടും​ബ​ങ്ങ​ളാ​ണ് സ​ർ​ക്കാ​രി​ന്‍റെ ന​ട​പ​ടി നേ​രി​ട്ട​ത്. ഇ​തി​ൽ ഭൂ​രി​ഭാ​ഗ​വും കു​ടി​യേ​റ്റ​ക്കാ​രാ​യി​രു​ന്നു. അ​ന​ധി​കൃ​ത​മാ​യി കൈ​പ്പ​റ്റി​യ ധ​ന​സ​ഹാ​യം തി​രി​ച്ച​ട​യ്ക്ക​ണ​മെ​ന്ന സ​ർ​ക്കാ​രി​ന്‍റെ ആ​വ​ശ്യം പ​ല കു​ടും​ബ​ങ്ങ​ളു​ടെ​യും സാ​ന്പ​ത്തി​ക​നി​ല ത​ക​ർ​ത്തു. കു​ടും​ബ​ങ്ങ​ൾ അ​ന​ധി​കൃ​ത​മാ​യി ധ​ന​സ​ഹാ​യം സ്വീ‌​ക​രി​ച്ചി​ട്ടി​ല്ലെ​ന്നു പി​ന്നീ​ട് അ​ന്വേ​ഷ​ണ​ത്തി​ൽ തെ​ളി​ഞ്ഞു.


ഇ​ന്ന​ലെ ഹേ​ഗി​ൽ മ​ന്ത്രി​സ​ഭ യോ​ഗം ചേ​ർ​ന്ന് രാ​ജി​ക്കുള്ള തീ​രു​മാ​നം ഏ​ക​ക​ണ്ഠ​മാ​യി എ​ടു​ത്തു. അ​തേ​സ​മ​യം വി​ഷ​യ​ത്തി​ൽ അ​ടു​ത്ത​യാ​ഴ്ച പാ​ർ​ല​മെ​ന്‍റി​ൽ അ​വി​ശ്വാ​സം നേ​രി​ടാ​നി​രി​ക്കേ പ്ര​ധാ​ന​മ​ന്ത്രി റ​ട്ട് ത​ന്ത്ര​പ​ര​മാ​യി നീ​ങ്ങു​ക​യാ​യി​രു​ന്നു​വെ​ന്നും വി​ല​യി​രു​ത്ത​പ്പെ​ടു​ന്നു. രാ​ജി​വ​ച്ചെ​ങ്കി​ലും അ​ദ്ദേ​ഹ​ത്തി​ന്‍റെ സ​ർ​ക്കാ​ർ, അ​ടു​ത്ത തെ​ര​ഞ്ഞെ​ടു​പ്പു ന​ട​ക്കു​ന്ന മാ​ർ​ച്ച് വ​രെ കാ​വ​ൽ​സ​ർ​ക്കാ​രാ​യി തു​ട​രും. റ​ട്ടി​ന്‍റെ വി​വി​ഡി പാ​ർ​ട്ടി തെ​ര​ഞ്ഞെ​ടു​പ്പി​ൽ ജ​യി​ക്കാ​ൻ സാ​ധ്യ​ത​യു​ണ്ടെ​ന്നാ​ണ് സ​ർ​വേ​ക​ൾ പ്ര​വ​ചി​ച്ചി​രി​ക്കു​ന്ന​ത്. 2010 മു​ത​ൽ അ​ദ്ദേ​ഹം പ്ര​ധാ​ന​മ​ന്ത്രി​യാ​ണ്. ആ​രോ​പ​ണ​ത്തി​ന്‍റെ കേ​ന്ദ്ര​ബി​ന്ദു​വാ​യ ധ​ന​മ​ന്ത്രി എ​റി​ക് വീ​ബേ​ഴ്സ് കാ​വ​ൽ സ​ർ​ക്കാ​രി​ൽ ഉ​ണ്ടാ​യി​രി​ക്കി​ല്ല.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.