International News
ക്രൈസ്തവർക്കു വധഭീഷണിയുമായി വിയന്നയിൽ ചുവരെഴുത്ത്
Sunday, November 29, 2020 12:18 AM IST
വി​യ​ന്ന: “ക്രൈ​സ്ത​വ​ർ​ക്ക് മ​ര​ണം’’ എ​ന്നു ഭീ​ഷ​ണി​പ്പെ​ടു​ത്തി​യും ഭീ​ക​ര​വാ​ദ കൊ​ല​പാ​ത​ക​ങ്ങ​ൾ മ​ഹ​ത്വ​വ​ത്ക​രി​ച്ചും വി​യ​ന്ന ന​ഗ​ര​മ​ധ്യ​ത്തി​ലെ ഒ​രു സ​ർ​ക്കാ​ർ കെ​ട്ടി​ട​ത്തി​ൽ ചു​വ​രെ​ഴു​ത്തു പ്ര​ത്യ​ക്ഷ​പ്പെ​ട്ട​തി​നെത്തുട​ർ​ന്ന് വി​യ​ന്നയി​ലെ ക്രൈ​സ്ത​വ ദേ​വാ​ല​യ​ങ്ങ​ൾ​ക്കു​ള്ള സു​ര​ക്ഷ വ​ർ​ധി​പ്പി​ച്ചു. ഈ ​കെ​ട്ടി​ട​വും തു​ട​ർ​ന്നു ലോ​ക​വും ത​ങ്ങ​ളു​ടേ​താ​യി​ത്തീ​രു​മെ​ന്ന അ​വ​കാ​ശ​വാ​ദ​വും ചു​വ​രെ​ഴു​ത്തി​ലു​ണ്ട്.

ന​വം​ബ​ർ ര​ണ്ടാം തീ​യ​തി വി​യ​ന്നയി​ൽ കൂ​ട്ട​ക്കൊ​ല​പാ​ത​കം ന​ട​ത്തി​യ ഭീ​ക​ര​നു ക​രു​ണ ലഭിക്ക​ട്ടെ എ​ന്നും എ​ഴു​ത്തി​ലു​ണ്ട്.

ചു​വ​രെ​ഴു​ത്തി​ൽ അ​ക്ഷ​ര​പ്പി​ശ​കു​ള്ള​തി​നാ​ൽ ത​ദ്ദേ​ശ ഭാ​ഷ​യാ​യ ജ​ർ​മ​ൻ പ​ഠി​ച്ചു തു​ട​ങ്ങി​യ അ​ഭ​യാ​ർ​ഥി​യാ​യി​രി​ക്ക​ണം എ​ഴു​തി​യ​ത് എ​ന്നു പോ​ലീ​സ് ഊ​ഹി​ക്കു​ന്നു.

ചു​വ​രെ​ഴു​ത്തി​നു പി​ന്നി​ൽ ആ​രാ​ണെ​ന്നു ക​ണ്ടെ​ത്താ​ൻ പോ​ലീ​സ് അ​ന്വേ​ഷ​ണമാ​രം​ഭി​ച്ചു. ഐ​എ​സ് അ​നു​ഭാ​വി​ക​ളാ​ണോ അ​തോ മു​സ്‌​ലിം​ക​ളെ അ​പ​മാ​നി​ക്കാ​ൻ ആ​രെ​ങ്കി​ലു​മാ​ണോ ഇ​തിനു പി​ന്നി​ലു​ള്ള​തെ​ന്നു പോ​ലീ​സ് പ​രി​ശോ​ധി​ച്ചുവ​രി​ക​യാ​ണ്.


ന​വം​ബ​ർ ര​ണ്ടിലെ കൂ​ട്ട​ക്കൊ​ല​പാ​ത​ക​ത്തി​നു​ശേ​ഷം, വി​യ​ന്ന​യി​ലെ റൂ​പ്പെ​ർ​ട്ട് പ​ള്ളി​യി​ൽ പ്രാ​ർ​ഥി​ച്ചു​കൊ​ണ്ടി​രു​ന്ന യു​വ​ജ​ന​പ്ര​സ്ഥാ​ന​ത്തി​ലെ 17 പേ​രെ​യും വ​ക​വ​രു​ത്താ​ൻ ഭീ​ക​ര​വാ​ദി ഉ​ദ്ദേ​ശി​ച്ചി​രു​ന്ന​താ​യി വി​വ​രം പു​റ​ത്തു​വ​ന്നി​ട്ടു​ണ്ട്. ത​ല​നാ​രി​ഴ​യ്ക്കാ​ണ് അ​തൊ​ഴി​വാ​യ​ത്. സ​മാ​ന​ത​ക​ളി​ല്ലാ​ത്ത ക്രൂ​ര​ത​യാ​ണ് ന​വം​ബ​ർ ര​ണ്ടി​നു വി​യ​ന്നയി​ൽ അ​ര​ങ്ങേ​റി​യ​തെ​ന്ന് ആ​ഭ്യ​ന്ത​ര​മ​ന്ത്രി കാ​ൾ നേ​ഹാ​മ്മ​ർ പ​റ​ഞ്ഞു. അ​തി​നു​ശേ​ഷം പ​ള്ളി​ക​ൾ​ക്ക് സു​ര​ക്ഷ വ​ർ​ധി​പ്പി​ച്ചി​ട്ടു​ണ്ടെ​ങ്കി​ലും ഭീ​ക​ര​​ർ ഇ​നി​യും അ​ക്ര​മ​ങ്ങ​ൾ​ക്കു തു​നി​ഞ്ഞേ​ക്കാ​മെ​ന്ന് അ​ദ്ദേ​ഹം മു​ന്ന​റി​യി​പ്പു ന​ല്കി​യ​താ​യി ഓ​സ്ട്രി​യ​ൻ പ​ത്ര​ങ്ങ​ൾ റി​പ്പോ​ർ​ട്ട് ചെ​യ്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.