ബെയ്റൂട്ട് സ്ഫോടനം: ലബനീസ് ജനത തെരുവിൽ
Saturday, August 8, 2020 11:35 PM IST
ബെ​യ്റൂ​ട്ട്: ബെ​യ്റൂ​ട്ടി​ലെ ഉ​ഗ്ര​സ്ഫോ​ട​നം ന​ട​ന്നു നാ​ലാം ദി​നം ല​ബ​നീ​സ് ജ​ന​ത പ്ര​തി​ഷേ​ധ​വു​മാ​യി തെ​രു​വി​ലി​റ​ങ്ങി. മൂ​ന്നു ദി​വ​സം തെ​രു​വു​ക​ൾ വൃ​ത്തി​യാ​ക്കു​ക​യും മു​റി​വു​ക​ൾ വ​ച്ചു​കെ​ട്ടു​ക​യും ചെ​യ്ത ബെ​യ്റൂ​ട്ടു​കാ​ർ ഭ​ര​ണ​ക​ർ​ത്താ​ക്ക​ളോ​ടു​ള്ള അ​മ​ർ​ഷം ഇ​ന്ന​ലെ അ​ഴി​ച്ചു​വി​ട്ടു.

ആ​യി​ര​ങ്ങ​ളാ​ണ് തെ​രു​വി​ൽ പ്ര​ക​ട​നം ന​ട​ത്തി​യ​ത്. ചി​ല​യി​ട​ങ്ങ​ളി​ൽ സം​ഘ​ർ​ഷ​മു​ണ്ടാ​യി. പോ​ലീ​സി​നു ക​ണ്ണീ​ർ​വാ​ത​കം പ്ര​യോ​ഗി​ക്കേ​ണ്ടി​വ​ന്നു. അ​ഴി​മ​തി, കെ​ടു​കാ​ര്യ​സ്ഥ​ത, സാ​ന്പ​ത്തി​ക ത​ക​ർ​ച്ച തു​ട​ങ്ങി​യ​വ​യു​ടെ പേ​രി​ൽ ഭ​ര​ണ​ക​ർ​ത്താ​ക്ക​ളോ​ടു ല​ബ​നോ​ൻകാ​ർ​ക്കു​ള്ള എ​തി​ർ​പ്പ് ചൊ​വ്വാ​ഴ്ച​ത്തെ സ്ഫോ​ട​ന​ത്തോ​ടെ വ​ർ​ധി​ച്ചി​രി​ക്കു​ക​യാ​ണ്.

തു​റ​മു​ഖ​ത്തെ ഗോ​ഡൗ​ണി​ൽ മു​ൻ​ക​രു​ത​ലി​ല്ലാ​തെ സൂ​ക്ഷി​ച്ചി​രു​ന്ന 2,750 ട​ൺ അ​മോ​ണി​യം നൈ​ട്രേ​റ്റ് ആ​ണ് പൊ​ട്ടി​ത്തെ​റി​ച്ച​ത്. അ​ധി​കൃ​ത​രു​ടെ ഭാ​ഗ​ത്തു​നി​ന്നു​ണ്ടാ​യ വീ​ഴ്ച​യാ​ണു ദു​ര​ന്ത​ത്തി​നു വ​ഴി​വ​ച്ച​തെ​ന്നു ജ​നം ആ​രോ​പി​ക്കു​ന്നു.

അ​തേ​സ​മ​യം വി​ദേ​ശ​ശ​ക്തി​ക​ൾ റോ​ക്ക​റ്റ് പ്ര​യോ​ഗി​ച്ച​ത​ട​ക്ക​മു​ള്ള സാ​ധ്യ​ത​ക​ളും അ​ന്വേ​ഷി​ക്കു​ന്ന​താ​യി​ട്ടാ​ണ് പ്ര​സി​ഡ​ന്‍റ് മി​ഷേ​ൽ ഔ​ൺ പ​റ​ഞ്ഞ​ത്. അ​ന്താ​രാ​ഷ്‌​ട്ര അ​ന്വേ​ഷ​ണം വേ​ണ​മെ​ന്ന ആ​വ​ശ്യം അ​ദ്ദേ​ഹം ത​ള്ളി. ഇ​തി​നി​ടെ, സം​ഭ​വ​ത്തി​ൽ പ​ങ്കി​ല്ലെ​ന്ന് ഹി​സ്ബു​ള്ള മേ​ധാ​വി ഹ​സ​ൻ ന​സ​റു​ള്ള പ​റ​ഞ്ഞു. ബെ​യ്റൂ​ട്ടി​ലെ ക​സ്റ്റം​സ് മേ​ധാ​വി​യും തു​റ​മു​ഖ മാ​നേ​ജ​രും ഇ​ന്ന​ലെ അ​റ​സ്റ്റി​ലാ​യി. നേ​ര​ത്തേ ഇ​വ​ർ വീ​ട്ടു​ത​ട​ങ്ക​ലി​ലാ​യി​രു​ന്നു.


സ്ഫോ​ട​ന​ത്തി​ൽ മ​ര​ണ​സം​ഖ്യ 158 ആ​യി. 25 മൃ​ത​ദേ​ഹ​ങ്ങ​ൾ തി​രി​ച്ച​റി​യാ​നാ​യി​ട്ടി​ല്ല. പ​രി​ക്കേ​റ്റവരിൽ 120 ​പേ​രു​ടെ നി​ല ഗു​രു​ത​ര​മാ​ണ്. 60 പേ​രെ ഇ​നി​യും ക​ണ്ടെ​ത്താ​നാ​യി​ട്ടി​ല്ല. ഫ്രാ​ൻ​സി​ൽ​നി​ന്നും റ​ഷ്യ​യി​ൽ​നി​ന്നും വ​ന്ന വി​ദ​ഗ്ധ​രാ​ണ്, കാ​ണാ​താ​യ​വ​ർ​ക്കാ​യു​ള്ള തെ​ര​ച്ച​ലി​നു നേ​തൃ​ത്വം ന​ല്കു​ന്ന​ത്.

ല​ബ​നോ​നെ സ​ഹാ​യി​ക്കു​ന്ന​തു ച​ർ​ച്ച ചെ​യ്യാ​ൻ ഇ​ന്നു ന​ട​ക്കു​ന്ന വീ​ഡി​യോ കോ​ൺ​ഫ​റ​ൻ​സി​ൽ പ​ങ്കെ​ടു​ക്കു​മെ​ന്ന് യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് അ​റി​യി​ച്ചു. ഫ്ര​ഞ്ച് പ്ര​സി​ഡ​ന്‍റ് ഇ​മ്മാ​നു​വ​ൽ മ​ക്രോ​ൺ ആ​ണ് കോ​ൺ​ഫ​റ​ൻ​സ് സം​ഘ​ടി​പ്പി​ച്ച​ത്. കു​ടി​വെ​ള്ളം, ഭ​ക്ഷ​ണം, മ​രു​ന്ന് തു​ട​ങ്ങി​യ​വ​യു​മാ​യി മൂ​ന്നു വ​ലി​യ യു​എ​സ് വി​മാ​ന​ങ്ങ​ൾ ല​ബ​നോ​നി​ലേ​ക്ക് അ​യ​ച്ച​താ​യും ട്രം​പ് അ​റി​യി​ച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.