ഇന്ത്യയുമായി യുദ്ധമുണ്ടാകുമെന്ന് വീണ്ടും ഇമ്രാൻ : Deepika.com International News |

Click here for detailed news of all items

ഇന്ത്യയുമായി യുദ്ധമുണ്ടാകുമെന്ന് വീണ്ടും ഇമ്രാൻ

Monday, September 16, 2019 12:21 AM IST

ഇസ്‌ലാമാബാദ്: ജമ്മു കാഷ്മീരിന്‍റെ പ്രത്യേക പദവി റദ്ദാക്കിയ ഇന്ത്യയുമായി ഒരു ചർച്ചയ്ക്കും തയാറല്ലെന്നും പരന്പരാഗത യുദ്ധം സംഭവിച്ചേക്കുമെന്നും പാക് പ്രധാനമന്ത്രി ഇമ്രാൻ ഖാൻ. ഇന്ത്യയുമായുള്ള യുദ്ധം ഉപഭൂഖണ്ഡത്തിൽ മാത്രം ഒതുങ്ങിനിൽക്കില്ല. ഇതിനാലാണ് ഐക്യരാഷ്‌ട്ര സഭയെയും അന്താരാഷ്‌ട്ര സമിതികളെയും സമീപിക്കുന്നത്. അതിനാൽ അവർ ഈ സമയത്ത് പ്രവർത്തിക്കണം- ഇമ്രാൻ പറഞ്ഞു.

ഇന്ത്യയുമായി പരന്പരാഗത യുദ്ധമുണ്ടാകുമെന്ന് തീർച്ചയായും വിശ്വസിക്കുന്നു. ഞാൻ ഒരു സമാധാനവാദിയാണ്, യുദ്ധത്തിന് എതിരാണ്. യുദ്ധം കൊണ്ട് ഒരു പ്രശ്നത്തിനും പരിഹാരമാവില്ല- വാർത്താ ചാനലായ അൽ ജസീറയ്ക്കു നൽകിയ അഭിമുഖത്തിൽ ഇമ്രാൻ വ്യക്തമാക്കി.

രണ്ട് ആണവരാജ്യങ്ങൾ തമ്മിൽ യുദ്ധത്തിൽ ഏർപ്പെട്ടാൽ, അതിന്‍റെ അവസാനം അണ്വായുധപ്രയോഗത്തിലായിരിക്കും. ഇതിനെക്കുറിച്ച് ചിന്തിക്കാൻ പോലും സാധിക്കുന്നില്ലെന്നും അദ്ദേഹം പറഞ്ഞു.

ജമ്മു കാഷ്മീരിനു പ്രത്യേക പദവി നൽകുന്ന ഭരണഘടനയുടെ 370-ാം അനുച്ഛേദം ഇന്ത്യ റദ്ദാക്കിയതു മുതൽ പാക്കിസ്ഥാൻ യുദ്ധഭീഷണി മുഴക്കുന്നുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.