ഇ​റാ​ക്കി​ലെ യു​എ​സ് ജീ​വ​ന​ക്കാ​ർ മ​ട​ങ്ങാ​ൻ നി​ർ​ദേ​ശം
Thursday, May 16, 2019 12:00 AM IST
വാ​ഷിം​ഗ്ട​ൺ ഡി​സി: ഇ​റാ​ക്കി​ലു​ള്ള യു​എ​സ് ജീ​വ​ന​ക്കാ​രി​ൽ അ​ടി​യ​ന്ത​ര ആ​വ​ശ്യ​മി​ല്ലാ​ത്ത​വ​ർ ഉ​ട​ൻ മ​ട​ങ്ങാ​ൻ നി​ർ​ദേ​ശം. ഇ​റാ​നു​മാ​യി സം​ഘ​ർ​ഷ​സാ​ധ്യ​ത വ​ർ​ധി​ച്ച പ​ശ്ചാ​ത്ത​ല​ത്തി​ലാ​ണ് യു​എ​സ് സ്റ്റേ​റ്റ് ഡി​പാ​ർ​ട്ട്മെ​ന്‍റ് ഈ ​നി​ർ​ദേ​ശം ന​ല്കി​യ​ത്.

ബാ​ഗ്ദാ​ദി​ലെ എം​ബ​സി​യി​ലും ഏ​ർ​ബി​ലി​ലെ കോ​ൺ​സു​ലേ​റ്റി​ലു​മു​ള്ള ജീ​വ​ന​ക്കാ​ർ ഉ​ട​ൻ മ​ട​ങ്ങാ​നാ​ണു നി​ർ​ദേ​ശം. ഇ​തോ​ടെ ഇ​രു കാ​ര്യാ​ല​യ​ങ്ങ​ളും ഭാ​ഗി​ക​മാ​യി അ​ട​യ്ക്ക​പ്പെ​ടും. വീ​സ സേ​വ​ന​ങ്ങ​ൾ താ​ത്കാ​ലി​ക​മാ​യി നി​ർ​ത്തി​വ​യ്ക്കും. ഇ​റാ​ക്കി​ലെ യു​എ​സ് പൗ​ര​ന്മാ​ർ​ക്ക് അ​ടി​യ​ന്ത​ര സേ​വ​ന​ങ്ങ​ൾ ന​ല്കാ​ൻ ബു​ദ്ധി​മു​ട്ടാ​യി​രി​ക്കു​മെ​ന്നു സ്റ്റേ​റ്റ് ഡി​പാ​ർ​ട്ട്മെ​ന്‍റ് വ്യ​ക്ത​മാ​ക്കി.
യു​എ​സ് പൗ​ര​ന്മാ​ർ ഇ​റാ​ക്ക് സ​ന്ദ​ർ​ശ​നം ഒ​ഴി​വാ​ക്ക​ണ​മെ​ന്ന മു​ന്ന​റി​യി​പ്പ് ഞാ​യ​റാ​ഴ്ച പു​റ​പ്പെ​ടു​വി​ച്ചി​രു​ന്നു.

ഇ​റാ​ക്കി​ൽ ഇ​റാ​നു​ള്ള സ്വാ​ധീ​നം ക​ണ​ക്കി​ലെ​ടു​ത്താ​ണ് ഈ ​ന​ട​പ​ടി​ക​ൾ. തെ​ക്ക​ൻ ഇ​റാ​ക്കി​ലെ ഷി​യാ ഭൂ​രി​പ​ക്ഷ​ത്തെ സ്വാധീനി ക്കാ​ൻ ഇ​റാ​നാ​കും. ഇ​റാ​ന്‍റെ പി​ന്തു​ണ​യോ​ടെ ക​ഴി​ഞ്ഞ വ​ർ​ഷം ന​ട​ന്ന പ്ര​ക്ഷോ​ഭ​ത്തെ​ത്തു​ട​ർ​ന്ന് ബ​സ്ര​യി​ലെ യു​എ​സ് കോ​ൺ​സു​ലേ​റ്റ് അ​ട​ച്ചി​രു​ന്നു.

ജ​ർ​മ​നി ത​ങ്ങ​ളു​ടെ പ​ട്ടാ​ള​ക്കാ​ർ​ക്ക് ഇ​റാ​ക്കി​ൽ പ​രി​ശീ​ല​നം ന​ല്കു​ന്ന പ​രി​പാ​ടി​യും റ​ദ്ദാ​ക്കി​യി​ട്ടു​ണ്ട്.

പോം​പി​യോ ഉ​റ​പ്പൊ​ന്നും ന​ല്കി​യി​ല്ല: റ​ഷ്യ

മോ​സ്കോ: പ​ശ്ചി​മേ​ഷ്യ​യി​ൽ സം​ഘ​ർ​ഷ​സാ​ധ്യ​ത വ​ർ​ധി​ച്ച​ത് ഉ​ത്ക​ണ്ഠാ​ജ​ന​ക​മാ​ണെ​ന്ന് ക്രെം​ലി​ൻ വ​ക്താ​വ് ദി​മി​ത്രി പെ​സ്കോ​വ് പ​റ​ഞ്ഞു. യു​എ​സ് സ്റ്റേ​റ്റ് സെ​ക്ര​ട്ട​റി മൈ​ക് പോം​പി​യോ റ​ഷ്യ​യി​ലെ​ത്തി പ്ര​സി​ഡ​ന്‍റ് വ്ലാ​ദി​മി​ർ പു​ടി​നെ ക​ണ്ട​തി​നു പി​റ്റേ​ന്നു മാ​ധ്യ​മ​പ്ര​വ​ർ​ത്ത​ക​രോ​ടു സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. സം​ഘ​ർ​ഷം ല​ഘൂ​ക​രി​ക്കാ​നു​ള്ള ഉ​റ​പ്പൊ​ന്നും പോം​പി​യോ​യി​ൽ​നി​ന്നു ല​ഭി​ച്ചി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.


ഇ​റാ​നി​ൽ​നി​ന്നു​ള്ള ആ​ക്ര​മ​ണ​സാ​ധ്യ​ത വ​ള​രെ വ്യ​ക്ത​മാ​യ സാ​ഹ​ച​ര്യ​ത്തി​ലാ​ണ് ത​ന്‍റെ സ​ന്ദ​ർ​ശ​ന​മെ​ന്നും ഇ​റാ​നു​മാ​യി യു​ദ്ധം ആ​ഗ്ര​ഹി​ക്കു​ന്നി​ല്ലെ​ന്നും പോം​പി​യോ പ​റ​ഞ്ഞു.

ആ​ഗോ​ള സ​ന്പ​ദ്‌​വ്യ​വ​സ്ഥ​യ്ക്കു നേ​ർ​ക്കു​ള്ള ആ​ക്ര​മ​ണം:സൗ​ദി

ജി​ദ്ദ: എ​ണ്ണ പ​ന്പിം​ഗ് കേ​ന്ദ്ര​ങ്ങ​ൾ​ക്കും ടാ​ങ്ക​റു​ക​ൾ​ക്കും നേ​ർ​ക്കു​ണ്ടാ​യ ആ​ക്ര​മ​ണം ആ​ഗോ​ള സ​ന്പ​ദ്‌​വ്യ​വ​സ്ഥ​യെ​യും എ​ണ്ണ വി​ത​ര​ണ​ത്തെ​യും ല​ക്ഷ്യ​മി​ടു​ന്ന​താ​യി സൗ​ദി ചൂ​ണ്ടി​ക്കാ​ട്ടി. ചൊ​വ്വാ​ഴ്ച പ​ന്പിം​ഗ് സ്റ്റേ​ഷ​നു​ക​ൾ​ക്കു നേ​ർ​ക്ക് ആ​ക്ര​മ​ണം ന​ട​ന്ന​ശേ​ഷം സ​ൽ​മാ​ൻ രാ​ജാ​വി​ന്‍റെ അ​ധ്യ​ക്ഷ​ത​യി​ൽ സൗ​ദി കാ​ബി​ന​റ്റ് പ്ര​ത്യേ​ക യോ​ഗം ചേ​ർ​ന്ന് കാ​ര്യ​ങ്ങ​ൾ വി​ല​യി​രു​ത്തി.

ഇ​റാ​ന്‍റെ പി​ന്തു​ണ​യു​ള്ള യെ​മ​നി​ലെ ഹൗ​തി വി​മ​ത​രാ​ണ് കി​ഴ​ക്കു പ​ടി​ഞ്ഞാ​റ​ൻ സൗ​ദി​യി​ലെ ര​ണ്ട് പ​ന്പിം​ഗ് സ്റ്റേ​ഷ​നു​ക​ളി​ൽ ഡ്രോ​ൺ ഉ​പ​യോ​ഗി​ച്ച് ആ​ക്ര​മ​ണം ന​ട​ത്തി​യ​ത്. അ​തി​നു മു​ന്പ് സൗ​ദി​യു​ടെ ര​ണ്ടെ​ണ്ണം അ​ട​ക്കം നാ​ല് എ​ണ്ണ ടാ​ങ്ക​റു​ക​ൾ​ക്കു നേ​ർ​ക്ക് ആ​ക്ര​മ​ണം ന​ട​ന്നി​രു​ന്നെ​ങ്കി​ലും ആ​രാ​ണു പി​ന്നി​ലെ​ന്നു വ്യ​ക്ത​മ​ല്ല.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.