സർക്കാർ രൂപവത്കരണത്തിന് ഒമർ അബ്ദുള്ളയെ ലഫ്. ഗവർണർ മനോജ് സിൻഹ ക്ഷണിച്ചു. ഒമറിന്റെ നേതൃത്വത്തിലുള്ള സർക്കാർ നാളെ സത്യപ്രതിജ്ഞ ചെയ്ത് അധികാരമേൽക്കും.
ശ്രീനഗറിലെ ഷേർ-ഇ-കാഷ്മീർ ഇന്റർനാഷണൽ കൺവൻഷൻ സെന്ററിൽ (എസ്കെഐസിസി) രാവിലെ 11.30നാണ് സത്യപ്രതിജ്ഞാച്ചടങ്ങ്. 39-ാം വയസിൽ, ജമ്മു കാഷ്മീരിന്റെ ഏറ്റവും പ്രായം കുറഞ്ഞ മുഖ്യമന്ത്രിയായി ചുമതലയേറ്റ ഒമർ അബ്ദുള്ള 16 വർഷങ്ങൾക്കുശേഷമാണ് വീണ്ടും മുഖ്യമന്ത്രിയായി ചുമതലയേൽക്കുന്നത്.