പകർച്ചവ്യാധി മറികടക്കാൻ ആഗോളതലത്തിൽ വാക്സിനുകൾ സഹായിച്ചിട്ടുണ്ടെന്നും ഇപ്പോൾ അത്തരം ഹർജികൾ ഫയൽ ചെയ്യുന്നത് ഉചിതമല്ലെന്നും കേസ് പരിഗണിക്കുന്പോൾ തന്നെ ചീഫ് ജസ്റ്റീസ് വ്യക്തമാക്കി.
ഹർജി ഇപ്പോൾ പരിഗണിച്ചാൽ കൂടുതൽ ആശയക്കുഴപ്പത്തിലേക്ക് നയിക്കുമെന്നും കോടതി ചൂണ്ടിക്കാട്ടി. വാക്സിൻ എടുത്തതിനാൽ ഹർജിക്കാരന് എന്തെങ്കിലും പാർശ്വഫലം നേരിട്ടോ എന്നും കോടതി ചോദിച്ചു. ഇല്ല എന്നായിരുന്നു ഹർജിക്കാരന്റെ മറുപടി. ഹർജിക്കാരന് ക്ലാസ് ആക്ഷൻ സ്യൂട്ട് ഫയൽ ചെയ്യാമെന്നും കോടതി വ്യക്തമാക്കി.