ബിആർഎസ് എംഎൽഎ സഞ്ജയ്കുമാർ കോൺഗ്രസിൽ
Tuesday, June 25, 2024 1:23 AM IST
ഹൈദരാബാദ്: തെലുങ്കാനയിലെ ബിആർഎസ് എംഎൽഎ സഞ്ജയ്കുമാർ കോൺഗ്രസിൽ ചേർന്നു. ജഗ്തിയാൽ മണ്ഡലത്തെയാണ് സഞ്ജയ്കുമാർ പ്രതിനിധീകരിക്കുന്നത്. ഡോക്ടറായ ഇദ്ദേഹം രണ്ടാം തവണയാണ് നിയമസഭാംഗമായത്.
കോൺഗ്രസിൽ ചേർന്ന അഞ്ചാമത്തെ ബിആർഎസ് എംഎൽഎയാണ് ഇദ്ദേഹം. നേരരത്തേ പോചറം ശ്രീനിവാസ് റെഡ്ഢി, കഡിയം ശ്രീഹരി, ദാനം നാഗേന്ദർ, ടി. വെങ്കട്ട്റാവു എന്നിവർ കോൺഗ്രസിൽ ചേർന്നിരുന്നു.