മഹാരാഷ്ട്ര എംഎൽസി തെരഞ്ഞെടുപ്പ് പാർട്ടികൾക്കു നിർണായകം
Saturday, June 22, 2024 3:34 AM IST
മുംബൈ: മഹാരാഷ്ട്ര നിയമസഭാ തെരഞ്ഞെടുപ്പിനു മാസങ്ങൾ ശേഷിക്കേ 11 ലെജിസ്ലേറ്റീവ് കൗൺസിൽ സീറ്റുകളിലേക്കുള്ള തെരഞ്ഞെടുപ്പ് ഭരണകക്ഷിയായ മഹായുതിക്കും പ്രതിപക്ഷമായ മഹാ വികാസ് അഗാഡിക്കും. നിർണായകം. എംഎൽഎ ക്വോട്ടയിൽനിന്നാണ് എംഎൽസിമാരെ തെരഞ്ഞെടുക്കുക.
288 അംഗ നിയമസഭയിൽ 14 സീറ്റ് ഒഴിഞ്ഞുകിടക്കുകയാണ്. 274 ആണ് നിയമസഭയിലെ നിലവിലെ അംഗങ്ങൾ. നിയമസഭയിലെ അംഗബലമനുസരിച്ച് പ്രതിപക്ഷത്തിന് രണ്ടും ഭരണമുന്നണിക്ക് ഒന്പതും സീറ്റ് ലഭിക്കാം.
കോൺഗ്രസിന് ഒരു സീറ്റിലും ശിവസേന (ഉദ്ധവ്), എൻസിപി (എസ്പി) പാർട്ടികളിലൊന്നിന് ഒരു സീറ്റും ലഭിക്കാം. ബിജെപിക്ക് അഞ്ചും ശിവസേന (ഷിൻഡെ), എൻസിപി (അജിത് പവാർ) വിഭാഗങ്ങൾക്കായി നാലു സീറ്റും ലഭിക്കും. ജൂലൈ 12നാണ് തെരഞ്ഞെടുപ്പ്.