കർണാടകയിൽ പെട്രോളിനും ഡീസലിനും വില കൂടി
Sunday, June 16, 2024 2:08 AM IST
ബംഗളുരു: വിൽപ്പന നികുതി വർധിപ്പിക്കാനുള്ള സംസ്ഥാന സർക്കാരിന്റെ തീരുമാനത്തെത്തുടർന്ന് കർണാടകയിൽ പെട്രോളിനും ഡീസലിനും വില കൂടി. പെട്രോൾ ലിറ്ററിന് മൂന്നുരൂപയും ഡീസലിന് മൂന്നരരൂപയുമാണ് വർധിക്കുക.
പെട്രോളിന്റെ വിൽപനനികുതി 25.92 ശതമാനത്തിൽ നിന്ന് 29.84 ശതമാനമായാണ് ഉയർത്തിയത്. ഡീസലിന്റേത് 14.34 ൽ നിന്ന് 18.44 ആയും ഉയർത്തിയെന്ന് ധനകാര്യമന്ത്രാലയത്തിന്റെ വിജ്ഞാപനത്തിൽ പറയുന്നു.